انا من احببتُكِ اولا

~ البارت السابع عشر ~

عودتني شّما يجيس الخوف گلبي
تگلي أحبك واطمئن
يا حبيبي الغربه بعيونك وَطن .♥️

سَيف :
بنفس اليوم الي قررت اخطب بي وتين جنت طالع بشغلة تقريبا الساعة 11 بليل وصلتني رسائل وحدة ورا الثانيه من اشتغلت الشاشة توضحلي الرسائل جانت صور كلبي نغزني منهن دخلت وياريت ما داخل

💬 طبعا اني ما اريد أفضح نفسي ولا أفضح حبيبتي بس يا اخي انت زودتها ؟ دشوف بعينك شوووف هاي وتتين اني وياها مرتبطين وبيناتنا طلعات وعلاقة عميييقة انت المن مدخل نفسك بيناتنا يا اخييي دفك يااخه عنها ماا تحبك دتستخدمك بس حتى تقضي وقت موو اكثر دعووفها شلزكت بيها

قريت كلامه واشتعلت نار بيه تخبللت شلون يسوي هييج بصورهاا وتين اشرفف وأطهر من هيج صح ما جانت الصور عاريه بس مبين بينهم علاقة ورغم ذلك ما صدكت ، 3 سنين اتبعها واشوفها ما عدها هيج سوالف ، 3 سنين واني مراقبها تروح للمدرسه وترجع عينها بالأرض وما فد يوم شفت منها تصرف مو حلو فوك هذا كله هي تحبني والحب واضح بعيونهااااا مستحيل اصدك مستحييل !

اتصلت وانهديت بي

سَيف : شكككد شايف ككوووا*يد وناقصين شرررف وغيرة بس مثلك ماكو .. شلون هييج تسسووي بصورهاا لككك سررسري

أركان : هيي لتغلط ممسوي شي بصورها وهاي صور حقيقيه

سَيف : اكل تببببن واحذفهن لا عشيرتك اشعلهاا

أركان : لو شاي..

سَيف : اسكت وووولك م*** اسسسسكت

أركان : هههه هاي شبيك عليمن هالعصبية متسوه

سَيف : شمسوووي بصورهااا الله ياخذذك

أركان : ممسوي شي شبيك شنو ممصدكني ؟ خلي اسولفلك يا يوم أخذنا هالصور تذكر اليوم الي انكسرت بي قبلها العصر جانت ببيت صديقتها علا كعدت شوي ورحت عليها طلعنا اني وياها وبعدين ورجعتها

سَيف : عبالك تمشي لعبتك القذرة عليه ؟ لك اني سَيف بعدك متعرفني عدل ماكو شغلة تعبر عليه اذا ما دققت بيها وهاي الصور راح احتفظ بيهم واعرفها بنفسي اذا حقيقية لو لا بس قسم بالله اذا طلعت الصور ملعوب بيها ما اضمنلك شسوي بيك

ماخليت سالفة الصور تأثر ؏ علاقتي بيها ولا حسستها بشي جانت عندي خبرة بهيج سوالف مال صور وفوتوشوب بحوشت وطلعت للأسف حقيقية وما بيها اي شي مركب ولا ملعوب بيها .. كرهتها وكرهت نفسي والساعة الحبيتها بيها شكو شي يخصها طكيته حذف وحضرتها كبل لا حجيت ولا عاتبت تلعبين عليه وتين تلعبين علليه اندمج والله اندمج بسسسس بسيطه لعبتيهاا ويه الشخص الغلط ، وين من طلعت من البيت فرحتي ما انطيها لأحد راح اخطبها وتصير حلالي رجعتله مكسور والقهر ياكل بكلبي وروحي بس بسيطه يا وتيني مو سيف الي ينضحك عليه
وللأسف انضحك عليه هالمره وهاي جانت غلطة عمري