البارت ( 1 )
( عرفتك صدفة)
نازله تجري علي السلم وهي بتلبس الكوتش اوف يارب الحق اوصل قبل ما يمشوا
محمد:مين دول الي هايمشوا ومالك كده متسربعه على إيه
سهام :هو في غير السنتر كل يوم على كده متفطرش وتمشي على طول
(اسسستووب)
اعرفكم الاول مين دول
(الي نازله من علي السلم دي وعد ومحمد يبقي بابها وسهام مامتها محمد والد وعد واللي بيدلعها هي وإخواتها ' سهام مامت وعد ومبتحبش الدلع ولا بتحب السنتر بتاع وعد الي بيأخذ وقتها وتعالو نتكلم عن وعد وعد بنت في سن 22 بعيون بنيه تعطي اللون العسلي في الشمس مع رموش كثيفة وشفايف ورديه وبشره صافيه بيضاء وأنف صغيره وشعرها البني المنسدل حتى خصرها ومغروره جدآ مع من لا تعرفهم ورغم غرورها إلا أنها مرحه جدآ )ويلا نرجع الروايه "
سهام : هو في غير السنتر كل يوم على كده متفطرش وتمشي على طول
وعد : يا ماما يا حبيبتي هو لازم تسمعيني كلام قبل ما امشي كده حرام
سهام : هو انتي ماوراكيش إلا السنتر بكره تتجوزي ويبقى عندك بيت
وعد بغرور: أنا وعد محمد سويلم تتجوز عوزاني اتجوز ليه بقى اروح اعيش مع حد معرفوش في إيه يا حج محمد ماتلم مراتك
محمد : هههههه خفي يا سهام علي البت شويه
سهام بغضب : بدل متزعق لبنتك بتضحك وبعدين يا بت انتي متلمي نفسك هو إيه اللي لم مراتك دي
وعد : خلاص يا ماما متزعليش وشوفوا هتفطرونا إيه (يا بنتي انتي مش كنتي بتجري على السلم ومستعجله ده انتي بارده )
سهام بفرحه : يعني هتفطري معانا مش هتروحي السنتر
وعد بفزع : يا نهار مش فايت نسيت الوفد الي جايب الاجهزه الجديده وفي اقل من دقيقه كانت في العربية بتاعتها وعلي أقصى سرعة وهي فاضية خبطت عربية وفجأه
نزل من العربية شاب وراح عند عربية وعد
وعد : يا نهار أسود أكيد مش هيسيبني
فتحت الباب ونزلت
الشاب : أنتي عامية مش بتشوفي
الكلام ده استفز وعد فردت عليه
وعد : لا أكيد مش عامية بس مش أنا لوحدي اللي غلطانه
الشاب : وكمان ليكي عين تتكلمي وبعدين وطي صوتك أنتي متعرفيش مراد بيه هيعمل إيه
وعد ب إستفزاز : هيعمل إيه يعني وبعدين بيه على نفسه
مراد نزل من العربية وهو يستشيط غضب من وعد
مراد : متلمي لسانك يابت أنتي بدل ما اقطعهولك
وعد بغضب : بت أما تبتك أنت وأهلك ما تلم نفسك يا جدع أنت بدل ما اكسرلك عربيتك
مراد بغضب : أنتي عبيطة أنتي متعرفيش أنا مين وبعدين لو علي العربية أنتي كسرتيها وبعدين أما أنتي مبتعرفيش تتنيلي تركبي عربيات بتركبي ليه
وعد متلم نفسك يا جدع أنت ولا هو سكتناله دخل بحماره وبعدين فسح كده خليني أعدي
مراد بإبتسامه خبث : تعدي تروحي فين.......... أدهم
أدهم : نعم يا مراد بيه
آه نسيت أقولكم
( مراد ده شاب في أواخر العشرينات عصبي جدا فاتح شركة كبيرة جدا أما أدهم بقى ده يبقى دراعه اليمين ).
في بيت سويلم
بابا هي وعد مشت على السنتر
محمد : آه في حاجة يا حبيبة بابا
ليلي : أنا كنت عاوزه لما أخرج من الجامعة أروح السنتر عند وعد وبعدين أخرج مع صحابي
فارس : تروحي عند وعد ماشي لكن مفيش خروج مع صحابك مش كل يوم
إسلام : وبعدين لو رحتي مين هيوصلك
ليلي :هيكون مين غير إسلام حبيبي وبعدين ما أنت عارف إني مبعرفش أسوق
إسلام : اتعلمي السواقة علشان مش هوصلك مكان غير الجامعة وأنتي رايحه معايه
ليلي : أخص عليك وأنا اللي كنت مفكراك أخويا وبعدين مش هتفرق عندي فارس ربنا يخليه ليا
إسلام : على فكرة أنا وفارس إخواتك مش السواقين بتوع حضرتك
فارس : خلاص أنا هشوفلك سواق كويس ويلا علي الجامعة
إسلام : ليلي أنا مستنيكي في العربية علشان الجامعة
آه نسيت أعرفكم
( فارس الأخ الأكبر وبعدين وعد اللي اتذكرت قبل كده وبعدين إسلام وبعدين ليلي والاتنين في أولي جامعة المفروض إن أسلام يبقى في تانية جامعة بس إسلام صايع شوية وشال سنه زي ما بيقولوا........ فارس يبقي دكتور كبير )
في بيت الحديدي
سارة : عبدالرحمن يلا علشان تلحق تفطر وتلبس وتمشي على الجامعة يلا قوم ياربي كل ده نوم وبصوت عالي جدا عبدرحماااااااان
عبدالرحمن : والله لو ما اتلبست من ابوكي هتلبس منك أنتي في إيه
ياجماعة أنا فاشل ،أنا واحد فاشل ومش عاوز أروح الجامعة
تحت علي السفرة
يوسف: يلا يا ساره أنتي والبني آدم اللي معاكي
الفطار جاهز وبعدين أنتي مش هتروحي الاجتماع اللي الوفد عملاه للأجهزه
ساره : آه يا بابا أنا همشي وأبقى أفطر في المستشفي
عاوز حاجة سلام
عبدالرحمن : هنعوز إيه تصغري مناخيري ولا تخليني شبه أحمد عز
ساره : مش عارفه أنت إيه اللي فهمك في شغل التجميل وبعدين متغاظ اعمل زينا
ركبت العربية ومشيت ( ساره تبقى أخت مراد اللي ذكرناه قبل كده وعبدالرحمن يبقى اخوهم
مراد زي ما قلنا شغال في الشركات وساره دكتورة تجميل وعبدالرحمن يبقى أولى جامعة صاحب إسلام أخو وعد).
عند وعد ومراد
أدهم :نعم يا مراد بيه
مراد: عاوز عربيه غير اللي اتكسرت بسرعة وزي ما كسرت بتعتي كسر العربية بتعتها
وعد بصدمة : لا بقولك إيه أنا مش فاضية لشغل العيال ده وبعدين أنا ورايا شغل ولازم أروح دلوقتي
مراد باستفزاز : شغل إيه تلاقيكي شغاله في فنادق بتلمي بواقي الآكل ههههههه
وعد : ماتحترم نفسك يا جدع أنت وفجأه سمعت صوت ازاز بيتكسر بصت وراها وانصدمت من اللي شافتو : هو أنت عبيط إيه اللي عملته ده
مراد : دي حاجة بسيطة تعلمك الآدب شوية وركب العربية اللي أدهم جابها ومشي وهي وقفت تاكسي وهي رايحه تركب شافت محفظة على الأرض أخدتها وركبت التاكسي
في الجامعة
ليلي : إسلام أنا هدخل المحاضرة بتعتك باي
إسلام : باي
ليلي تليفونها رن وكانت صحبتها بتقول ليها أن المحاضرة هتبدأ فجريت وهي بتجري اتخبطت في حد ف الكتب بتاعتها وبتاعته وقعوا على الأرض ونزل كل واحد فيهم يجيب الكتاب بتاعه وهو بيبص في عين التاني والاتنين في صوت واحد بيتأسفوا...... سابوا بعض وكل واحد دخل المحاضرة بتاعته
عند إسلام
بعد ما خلص المحاضرة قاعد مع عبدالرحمن ولاحظ إن الكتاب اللي مع عبدالرحمن عليه إسم أخته :(ليلي محمد سويلم) .
أنت تقرأ
عرفَتٌگ صٍدِفَہ ( آلُنْجٍمةّآلُمضيَئہ✨)
Science Fictionماذا إذ تقابل اثنان بينهما فارق في العمر احدهما يعشق الهدوء والاخر يعشق الضجه احدهما له ماضي والاخر لأول مره يدق قلبه احدهما انطوائي والاخر اجتماعي؟...
