البارت ( 10 )
وعد : يا ابن الصايعه يا مراد يعني هو اللي هايطلب إيدي وأنا مفكراه واحد تاني
ليلي : هههههههه أنتي أصلآ عبيطه وبيضِّحك عليكى بسرعه
وعد : وأنتي عرفتي منين إن فارس بيحب سارة، وعرفتي منين إن أنا ومراد بنحب بعض ؟!
ليلي : ها لاء أقصد عرفت لما روحت مع فارس بيت سارة
وعد : آااه متكدبيش علشان أنتي لسه حاكيالي كل حاجه وقلتي إن انتي كنتي تعرفي من قبليها
ليلي : اها افتكرت ما أنا وعبدالرحمن أقصد الاستاذ عبدالرحمن اتفقنا إننا نقرب بين فارس وسارة وحكالي إن مراد بيحبك وإن سارة بتحب فارس
وعد بشك : بس كده
ليلي : آااه آاه بس أنا أنا هطلع أخد شاور وأنام شويه سلام
وعد : سلام ليلي مشت و وعد افتكرت مكالمتها مع مراد
﴿ فلاش باك ﴾
وعد : بقولك في عريس جي بكرة هعمل إيه
مراد : وأنا مالي أنتي بتقوليلي أنا ليه
وعد : نعم يا روح أبوك أنت مالك إزاي
مراد : بت لمي لسانك
وعد : بت أما تبتك أنت وأهلك
مراد : هههههههههه
وعد : بتضحك علي إيه أنت هتجبلي شلل
مراد : أصل افتكرت أول صدفه لما كسرتيلي العربيه ولما قلتلك بت قولتيلي بت أما تبتك أنت وأهلك
وعد : شوف أنا بقول إيه وأنت بترغي تقول إيه
مراد : أنتي دلوقتي عايزه إيه
وعد : نعم مش عاوزه حاجه أنا قولت اعرفك بس إن في عريس جي بكره
مراد : ماشي يا حبيبتي ربنا يسعدك معاه
وعد بغيظ : ماشي أنا بس بعرفك إني هوافق عليه
مراد : هههههه ماشي سلام علشان أهلك جايين بالليل وهنزل اشوف الخدم بيعملو إيه
وعد : آااه روح ساعدهم في الطبخ أحسن
مراد : يا ظريفة أنا اللي بقول هيعملوا أكل إيه ويجهز أمته يعني أنا اللي ممشي البيت من الأخر
وعد : يا خيبتك يا فوزي اقولوا جايلي عريس يقولي هروح اشوف الأكل
﴿ باك ﴾
وعد : أنا بقى هأوريك بكره هعمل فيك إيه ماشي يا مراد
في بيت الحديدي ( باليل)
مراد : ساره يا حبيبتي ماينفعش تقابلي فارس باللبس ده
ساره : يا مراد هو في إيه يعني مفهوش حاجة وبعدين الفستان ده أنا بخرج بيه عادي وأنت مابتقلش حاجة اشمعنا دلوقتي
مراد : بصراحه انا مش مرتاح للواد ده
ساره : طيب اتفضل طلعلي فستان ينفع يتلبس غير ده
مراد دور بين الفساتين واختار واحد
مراد : ده ومش عاوز كلمة
ساره بصت للفستان ومرضيتش تتكلم علشان عارفه إن مراد مبيقولش الكلمة مرتين
فارس كان قاعد هو وسهام ومحمد مستنيين العروسه وأول ما ساره دخلت فارس اتصدم من الفستان اللي كانت لبساه
ساره كانت لابسه فستان أسود ضيق من عند الصدر و واسع من تحت لحد الركبة
الفستان كان أسود ساده بس ساره لبست عليه طقم ألماس مكون من خاتم واسوره وسلسلة وخلخال ولبست تاج صغير وكان شكلها يجنن وكان الكل مبهور ب جمالها
فارس ،ساره كانت عجباه جدا بس لون الفستان مكنش ينفع في أول لقاء تقابل فيه أهل فارس ب لون أسود وكمان ساده أما مراد كان متضايق من ساره وإنها كانت جميلة جدا وفارس ماشلش عينه من عليها وفارس لاحظ إن مراد غيران عليها ومتضايق
المهم فارس وساره هيعملوا الخطوبة بعد بكره
تاني يوم مراد راح يتقدم لوعد في بيت سويلم
مراد قاعد مستني وعد تنزل و وعد قاعده فوق محتاره تلبس إيه وبتفكر تلبس إيه وبتفكر تلبس حاجة تحرج مراد بيها قدام أخوه عبدالرحمن وأبوه الحج يوسف وفجأه عينها تقع علي هوت شورت
وعد اخدت الهوت شورت وفكرت في فكره ولبست ونزلت من سلم الخدم وطلعت من بابا الڤيلا اللي ورا ودخلت من الباب الرئيسي اللي موصل على المكان اللي قاعده فيه العيلة ومراد
مراد أول ما شاف وعد اتصدم وبص على عبدالرحمن اللي كانت الصدمة عليه أكبر وفتح عينيه على الآخر وبص لوعد بصدمة
وعد كانت لابسه هوت شورت واللي طبعا كان عباره عن شورت قصير وتيشرت قصير وكان لونه أسود ومكتوب عليه بالإنجليزي ب اللون الأبيض ورابطه شعرها ديل حصان وحاطه هاند فري وطبعا وشها كالعاده لا يخلو من الميك آب وماسكه في إيديها ازازه مياه وكأنها كانت بتتمرن أو أي نوع من الرياضة
وعد دخلت ومن غير ما تسلم أو تكلم حد ورايحه تقعد على الكرسي بتاعها وهي بتعدي من قدام مراد
مراد مد إيده عشان يسلم عليها لكن وعد سابته ومشيت وقعدت على الكرسي اللي كان جنب عبدالرحمن اللي كان ماسك كأس العصير وبيشرب منها وفجأه وعد اخدت الكأس وشربت منها ورجعتها لعبدالرحمن بعد ما خلصتها
( منك لله فضحتينا هههههه)
ومراد كان مصدوم من شكلها ومن تصرفاتها ويوسف كان بيسأل نفسه دي وبتتصرف كده ليه
مراد بغيظ : إيه يا آنسه وعد مش هتغيري وتنزلي تقعدي معانا
وعد : لا
مراد : مش فاهم يعني إيه لأ
وعد : يبقى تخليك في حالك
يوسف في ذهول إن هي دي العروسة
سهام ومحمد كانوا قاعدين مكسوفين من اللي وعد بتعملوا وإنها مبتتكلمش إلا لما حد يكلمها وبترد على السؤال من غير بابتسامة وكل واحد من جواه بيدعي إن ربنا يسترها
أما مراد من الإحراج الكاسه اللي كان ماسكها وقعت على الأرض اتكسرت
وعد حبت تحرجوا أكتر
وعد بشهقه : إيه اللي أنت عملته ده أما أنت مابتعرفش تشرب بتشرب ليه
عبدالرحمن حب يغيير الموضوع
.......
أنت تقرأ
عرفَتٌگ صٍدِفَہ ( آلُنْجٍمةّآلُمضيَئہ✨)
Ciencia Ficciónماذا إذ تقابل اثنان بينهما فارق في العمر احدهما يعشق الهدوء والاخر يعشق الضجه احدهما له ماضي والاخر لأول مره يدق قلبه احدهما انطوائي والاخر اجتماعي؟...
