#عشق_طفولتي
الجزء السادس عشر
جاسر بصدمه:وعد
نعم فهوا يري نسخه مصغره من وعد ففرح سنها اصغر من وعد لكنها تشبهاا الي حد كبير فمن يراها يظن أن وعد لم تمت لكن فرح تختلف عن وعد في انها ليست محجبه...
ظل شاردا بها حتى قطعت فرح شروده
_هاااي حضرتك في حاجه انا عارفه أن شكلي مش مترتب بس علشان البت تقى صربعتني يلا بقى مفيش مشكله
جاسر باستغراب من طريقه كلامها فهي مختلفه كثيرا بل كليا عن وعد فوعد كانت الرقه تتحدث عنها والخجل لكن هذه البنت تتحدث وكأنها تعرفه منذ زمن بعيد
_احم هوا انت هتفضل مبحلقلي كدا كتير
_مبحلقلك!؟
_يا صلاة النبي دانت طلعت بتتكلم اهه دانا فكرت أنهم جايبين لينا مدير اخرس ولا حاجه كنت الصراحه هتعب اوووي
جاسر بعصبيه:انتي مجنونه اي اللي بتقوليه دا
فرح حست انها عكت الدنيا:انا انا اسفه بس مستغربه بس علشان باصصلي اووي حسيت أن في حاجه
_تممم اتفضلي وهنبقى نبعتلك
_يعني انا اتقبلت ولا لا
جاسر بغموض:لسه هشوف بس اتفضلي دلوقتي
_يعني هتقبلني ولا لا علشان عندي أشغال ومش فاضيه انا
_اشغال اي دي!؟
_عندي روايات يقرأها وعندي ابطال روايات احلم بيهم حاجات كتير
_بس!؟انتي طلعتي من البنات دي
_مالها البنات دي أن شاء الله
_اللي بتحب الروايات ومجانين كدا يلا يا شاطره واحنا هتبقى نبعتلك وخلصي ورايا شغل
فرح بعصبيه:انت بتزعقلي كدا لي يا اخويا لا بقووولك أبيي انت متعرفنيش دانا فرح يا بابا فوق كدا وبطل تناكه وشغلك دا مش عوزاه ويلا سلام دا الروايات احسن من الشغل يا عم انا اي خلاني اصحى من نومي واجي لواحد رجعي زيك....
ومشيت
ظل ينظر جاسر في إثرها
_مش معقول مش معقول دانا لو شاكك انها وعد انا دلوقتي اتاكدت انها مش هي دي سرسجيه..
دخل يوسف عليه لاقاه بيكلم نفسه
_مالك يا جاسر انت بتكلم نفسك!؟
_انت شوفت البنت اللي لسه خارجه.
_اه شوفتها دي شبه وعد اووي بس اكيد مش هي دانا خبطت فيها لقيتها شرشحتلي😂😂
_اي البت دي انا حاسس ان وعد مظلومه انها شبهها لا كدا كتير مش معقول انا عوزك تعرفلي كل حاجه عن البنت دي مفهوم
_حاضر ..
خرجت فرح من الشركه
وتفت عليها
_شركه زباله
_في اي يا بنتي
_بقى دي الشركه اللي عوزاني اشتغل فيها
_لي في اي
_البيه المدير بيتريق عليا وعلي الروايات بتاعتي
_صدقي انك تافهه وحقو انو يتريق غوري يابت من وشي كتك القرف انا غلطانه انتي مش وش شغل اصلا
_يا بنتي انا كل يوم بيجيلي عروض شغل وانا اللي برفض
_ههههههه منا عارفه روحي بقى غوري من وشي
فرح وهي بتمثل:يا عيني عليك يا اخويا بتحب واحدا بتكره اختك اخس عليكي يا تقى
_فروحه حبيبة قلبي انا اسفه حقك عليا
_لا انا زعلانه منك
_لا متزعليش وحضنتها
_هوا اخوكي بجد بيحبني
_ههههههههههه يا واقعه منك يعني صالحتيني علشان تجرجريني بالكلام شكرا يا صحبتي
_معلش يا فرح انا مضطره لصالحك علشان اخوكي
_واطيه
_منا عارفه
_طب اعزميني علي شاورما علشان اقولك
_ماشي يا طفسه ورايا
_حبيبي ..
كان بيدور علي شغل طول النهار ورجله اتكسرت
_ياااه يارب الاقي شغل بقى مش معقول هفضل عاطل كدا بقى بعد امتياز خمس سنين يحصل فيا كدا يخربيت المصلحه اللي في البلد كان زماني معيد في الجامعه ...
يارب الاقي شغل بقى ...
_مالك يا ابني
_تعبان انا عاطل مش لاقي شغل وعندي اختي وامي مسئولين مني المفروض بعد مسابنا ابونا
_ربنا يكرمك يا ابني
انت معاك مؤهل اي
_هندسه امتياز خمس سنين
_اممممم انا جوز بنتي عنده شركه مقاولات كبيره انا ممكن أقوله وتشتغل عنده أو اديك العنوان وانا أكلمه وتروحله وانا متاكد انو مش هيرفضك
_بجد تبقى عملت فيا معروف
_ولا معروف ولا حاجه يا ابني بس انت شكلك غلبان وطيب انا حاسس اني شايف نفسي لما كنت في سنك كدا اليأس كان محاوطني ومكنتش لاقي شغل لحد مربنا كرمني واشتغلت
_اكيد كلنا لازم نتعب في الاول
_انت اسمك اي
_خالد ..خالد عادل فهمي
_اي!؟؟؟؟؟؟
_في اي انت اسمك خالد عادل فهمي والدتك اسمها دولت صالح
_اه انت تعرفها
_ها ااه اعرفها اااصل والدك كان زميلي
_اها طب ممكن من حضرتك العنوان بتاع الشركه
_ماشي يا ابني *******
_شكرا جدا انا هقوم اروح
_ربنا يوفقك يا ابني
مشي خالد وظل. ذالك الرجل ينظر في أثره بدموع نعم هوا والد وعد
_سامحني يا ابني مقدرتش اقولك ......
يا تري اي هيحصل...
يتبع
#بقلمي_يارا_عبد_السلام
