#عشق_طفولتي
الجزء الثاني والعشرون
_جاسر
_وعد
_ايوا
_وحشتيني عامله اي الدنيا وحشه من غيرك يا حبيبتي انا مش عارف اعيش تايهه من غيرك ارجعيلي يا وعد ارجعيلي انا معرفتش اعوضك عن كل اللي فات انا عوزك حياتي ضلمه من غيرك يا وعد
_فرح هتعوضك.....
وسابته ومشيت وفجاه صحي
_وعد وعد
معناه اي دا لقي نفسه متعلقله محلول ويوسف قدم عليه
_فرح عامله اي يا يوسف
_كويسه بس لسه مفاقتش الدكتور قال هنحطها كمان 24ساعه تحت الملاحظة لو مفاقتش يبقى مش هتفوق الا بعدها بحوالي شهر
_خير خير ان شاء الله هتفوق بس انت روح الشركه وشوف الشغل ...
_حاضر
يوسف مشي وخالد دخل لجاسر
_حمد الله علي السلامه
انا اسف جدا علي اللي حصلك انا مش عارف اقولك اي انت انقذت حياه اختي الوحيده مليش غيرها بجد مش عارف اقولك اي
_متقولش حاجه اهم حاجه هي تقوم بالسلامه قصدي تبقى كويسه علشان والدتك
_يارب انا ماما منهارة من وقتها انا مش عارف اعمل اي انا تايهه
_مفيش حاجه هتحصل أن شاء الله اهم حاجه تكون مؤمن أن ربنا ليه حكمه في كدا وطالب منك الصبر وخليك جنب والدتك دلوقتي وسيبني انا لوحدي شويه
_تمام عن اذنك
خرج خالد لوالدته وظل يهدئ من روعها ويخفف عنها وأخذها بين أحضانه يطمئنها
_اختك عامله اي يا خالد
_كويسه يا امي هتفضل تحت الملاحظة 24ساعه وان شاء الله خير متقلقيش اهم حاجه انتي تبقى كويسه وانا عارف ان فرح شقيه وهتصحى وترجع لجنانها تاني
_يارب يا خالد وحشني جنانها
في الوقت دا جت تقى
_فرح عامله اي
خالد بصلها وحس انو عاوز يخدها في حضنه يهديها لكنه يرى أنه لا يعني لها شئ ويريد أن يظل حتى يشعر بحبها له ويكون لديه القدره ان يقول لها عن مدى حبه لها
_احم فرح كويسه بس لسه مفاقتش
_يارب يقومها بالسلامه
_يارب تعالي اقعدي مع ماما عقبال مروح اشوف الحسابات
_تمام
عند جاسر
كان يحدث نفسه
_قصدك اي يا وعد بأن فرح هتعوضني فراقك ازاي هوا ممكن فعلا اني احب فرح !؟
ممكن اعيش معاها واكمل معاها حياتي
ممكن اتخيل حياتي معاها،ممكن ارسم حياتي معاها زي مكنت راسمها معاكي ،ممكن احس معاها نفس الاحساس اللي كنت بحسه معاكي ،
مش هقدر يا وعد مش هقدر انتي كنتي حياتي كلها ومازلتي حياتي مش هقدر احب حد غيرك أو اتخيل نفسي مع حد غيرك انا بحبك يا وعد ارجعيلي يارب
وحس نفسه تايهه ومحتاج يهرب عن الدنيا فغمض عينه ونام ....
صعب انك تستوعب حقيقه هتحصل صعب انك تخلي حياتك جنه وانت ايدك في النار صعب تحب حد وانت في قلبك غيره بس القدر يا عزيزي دائما يكون لديه راي اخر ...
عدي ال24ساعه وكلو علي أعصابه جاسر وخالد وامه وتقى كلهم موجودين في المستشفي وكلهم قلقانين. فرح هي السعاده والبهجه اللي كانت في حياتهم هل فرح عوزا ترجعلهم ولا لا
الدكتور جه
_ها يا دكتور فرح هتفوق ولا لا
_المطلوب منكم الدعوات
والدتها فضلت تدعى وتصلي علشان ربنا يقوملها بنتها بالسلامه وخالد فضل يدعي وتقى بتصلي وتدعي
جاسر رجله خدته ودخل الأوضه اللي موجوده فيها
وبدا يتكلم
*انتي لي جيتي لي دخلتي حياتي لي شبهها لي قلبي بينجذب ليكي لمجرد ما حس انك هي لي حتى وانتي نايمه هي انا عاوز اخدك في حضني دلوقتي علشان حاسس انك هي انا تايهه ومش عارف انجذابي ليكي حب ولا علشان مجرد شبهها شبه الحاجه اللي بحبها اللي عشت حياتي احبها ومحبتش قدها ولا حبيت غيرها بس انتي انتي دخلتي حياتي احتلتيها انا لي دخلتلك دلوقتي لى رجلي بتجيبني في كل مكان انتي فيه لي حياتي اتشقلبت لما انتي دخلتيها انتي ناويه تعملي اي
انا خايف انا عمري مخفت بس دلوقتى خايف خايف احبك خايف اتعلق بيكي وتمشي زيها هي قالتلي انك هتعوضيني انتي فعلا هتعوضيني بس ازاي وانا بحبها انا تايهه تايهه يارب ....
وفجاه حس أن فرح بدأت ايديها تتحرك وعنيها ترمش وبتهز رأسها
وخرج برا ونادى علي الدكتور ودخل شافها
الدكتور:الحمد لله هي فاقت بس محتاجه شوية وقت تستوعب اللي حصلها لانها باين عليها الصدمه والرهبه من الموقف
وفجاه والد وعد جه وشاف جاسر
_مالك يا جاسر يا ابني فيك اي
_مفيش حاجه يا عمي انا كويس بس بس هوا انت اي اللي جابك هنا
_يوسف يا ابني اللي قالي
جاسر في سره:ماشى يا زفت
_انا مش فيا حاجه خالص دا واحد صحبي تعبان وانا معاه متخافش انت روح ومتقلقش
جاسر مكنش عاوزه يشوف أم فرح ولا خالد
_لا يبني انا هفضل معاك قدر محتاج حاجه
خالد كان خارج من اوضه فرح وشافه
_اهلا ازيك يا عمي عامل اي بجد انا كنت محتاج اشوفك فعلا علشان اشكرك بجد شكرا عالشغل دا
_لا شكر علي واجب يا ابني
_انا ماما بتدعيلك
والد وعد حس أن قلبه انقبض معقول زوجته بتدعيله كشخص مجهول يا تري هي لو شافته اي هيبقى رد فعلها...
أم فرح كانت معديه من الطرقه وشافته واقف مع جاسر وخالد دخلت الأوضه بسرعه
_معقول عادل ظهر تاني بعد السنين دي كلها مش معقول لازم ابعد انا وولادي لازم اروح مكان تاني علشان مياخدش مني عيالي لا .....
يا تري اي هيحصل!؟
يتبع
#بقلمي_يارا_عبد_السلام
