#عشق_طفولتي
الجزء الثاني والثلاثون
_وعد
فرح كانت مصدومه مين الشخص دا ويعرف وعد ازاي وبصلها كدا لي ممكن يكون حد عارف وعد!؟
بس هي بصتله ومتكلمتش
_وعد يا بنتي انتي عايشه
عرفت أنه والد وعد ..
معقول دا والدها هي كمان!
وتلقائي دمعه نزلت من عينيها معقول تشوف ابوها بعد السنين دي كلها معقول ابوها عايش
امال امها قالت انو مات لي!؟
الف سؤال وسؤال في بالها
هي لي من ساعت مشافت جاسر ومفيش يوم حلو في حياتها حتى ابوها واقف قدامها مش عارفه تدخل في حضنه؟
قررت انها تتكلم وتقول هي مين
_للاسف انا مش وعد
_امال انتي مين
_انا اسمي فرح اللي المفروض اخت وعد وبنتك
_بنتي
صدمه صدمه صدمه ازاي هوا مش عنده إلا ولد فرح مين وامتى ازاي حس انو تايه هوا شايف وعد ولا فرح زي مبتقول....
_عمي عادل
_جاسر يبني مين دي وازاي بنتي
_ايوا بنتك يا عمي اخت خالد اللي انت عارف انو ابنك
_وازاي هنا
_فرح تبقى مراتي
صدمه للمرة التانيه
_لي يا جاسر لي مقولتش لي لي حرمتني من بنتي
_علي اساس انك عاوز تعترف بيهم انت عرفت أن خالد ابنك من فتره ومفكرت تدور ولا تسأل عرفت انك مكنتش عاوز غير وعد أو بمعني اصح مش عاوز تدور مش عاوز ترجع اولادك لحضنك اللي هم احترموا منه من زمان ...
_انا عارف عارف اني غلطت بس لي لي الزمن جه عليا كدا لي
_انت اللي عملت كدا انت اللي مرضيتش تعترف بيهم زمان علشان كدا احترمت منهم بس بكل بساطه قدامك نسخه من وعد وخالد خالد نسخه منك ...
_يبني انا مكنتش عاوز مشاكل
_بس خليت وعد عايشه طول عمرها من غير اخوات صعبه دي لي عملت كدا لي اذيتها انت اذيت عيالك كلهم حرمتهم من بعض ودلوقتي وعد ماتت وهي مش عارفه أن ليها اخوات ولا حتى شافتهم فرح شوفتها بعد موت فرح بسنه كانت صدفه واتجوزتها ممكن كنت متجوزها كتعويض أو اني احس اني شايف وعد بس حقيقي انا حبيتها حبيتها
فرح بصتله بصدمه
_ايوا حبيتك يا فرح اخيرا اعترفت حبيت جنانك.هبلك اختلافك طيبتك حنيتك كل حاجه فيكي تتحب انتي الوحيده اللي قلبي دق معاها من تاني انتي صحيتي فيا مشاعر دفنتها مع موت وعد
فرح انتي غيرتيني خلتيني احب تاني انا بحبك يا فرح
فرح واقفه مصدومه ومتفاجاة معقول اخيرا اعترفلي اخيرا طلع بيحبني اخيرا ياااه
_انتي فعلا العوض وفعلا عوضتيني واوعدك انا اللي هعوضك
الاب_يا بنتي انا اسف اني سبتكو سامحيني سامحيني انا محتاجك انتي واخوكي ارجوكي
وبدأ يبكي
فرح قربت منو
_لما كنت في المدرسه وانا صغيره كنت بشوف ابهات العيال صحابي جايين ياخدوهم كنت بزعل بس كان معايا الشخص اللي كان ابويا فعلا اللي لما كنت بعيط كان بيمسحلي دموعى ويمسحها لنفسه كان كل لما الاقي نفسي مخنوقه كنت بستخبى في حضنه كان الاب والاخ والصديق خالد خالد كان بيعاملني اني بنته كان دائما يحضنى ويقولي معلش بكرا هتتجوزي وتلاقي اللي يعوضك كنا بنتجنن سوا كان دائما ياخدني يجيبلي حاجات حلوة زي العيله الصغيره عمره محسسني اني كبرت ولا خلاص مش لازم لا طول عمره طول عمره محسسني اني بنته انا فعلا اوقات كتير كنت نفسي اقول يبابا ياااااه بابا جيت متاخر بعد زمن زمن عارف يا مش قادره اقولها عارف يبابا اه بابا ماما كانت دائما بتقولنا انك كنت بتحبنا وبتحبها بس انت روحت في مكان احسن عمرها محسستنا انك مش معانا كانت دائما ام واب امي دي ست عظيمه اه والله اتحملتنا واتحملت قرفنا وواجهة العالم والكلام وكل حاجه وحشه بتصدر من الناس ...
_يبنتي سامحيني
_خليها هي تسامحك الأول وبعدها هتلاقيني معاك يا بابا
_انا موافق والله موافق انتو ولادي ودا حقكوا وحقها
_وطالما انت عارف كدا خبيتنا ليه عن العالم لي حرمتني اني اشوف اختي اللي الكل بيقول انها شبههي لي لي عملت كدا لي يبابا انا عمري محسيت بالوجع فعلا قد النهارده النهارده يوم المفاجات تقريبا
_انا اسف يبنتي انا مش هرجعلك الا لما امك تسامحني
_اتمني
ومشي
جاسر قرب منها وهي واقفه بتترعش
خدها في حضنه
اتعلقت فيه كأنه طوق نجاه
_انا فرحانه اووي يا جاسر بابا رجع وانت معايا مش عاوزا حاجه تاني بحبك
_وانا كمان بحبك يا قلب جاسر وبلاش دموع انتي بتقتليني كدا
_سيبني ابكي انا ببكي من الفرحه انا مبسوطه انك معايا أنا دعيت ربنا بيك جاسر هوا انت ممكن في يوم تسيبني
_اششششش فرح متقوليش كدا انا لما صدقت لقيتك لما صدقت حسيت معاكي كدا وبقيت احب قلبي دقلك انتي بحبك يا فرحي ويهناي
_وانا بحبك من زمان يا جسوره
_جسوره!؟
_اه يا جسورتي
_والنبي يا اختي جسورتك كمان لا دا احنا لازم نشوف الحوار دا تقيل اووي
_مش فاهمه
بغمزه 😉هفهمك
وشالها
_انت بتعمل اي
_متخافيش يا قلبي هشوف حوار جسوره دا ...
ونسيب جاسر وفرح علشان عيب تتجسس عليهم....
نروح في منزل ملك كانت تجلس بملل
رن هاتفها برقم غريب
_الو
_اجمل صوت سمعته في حياتي
_مراد
_قلبه
_عاوز اي
_في واحده كتب كتابها بكرا تقول لزوجها المستقبلي عاوز اي
_نعم كتب كتاب
_ايوا هوا انا مقولتلكيش مش انا هتجوزك بكرا
_لا والله وانت قررت دا من دماغك
_ايوا
_طيب انا مش موافقه
_مش بمزاجك وسلام يا قلبي أو يا حرمي المصون هشوفك بكرا شاااو
فرحه ولغبطه جريت علي صورة باباها ومامتها
_مش قولتلكوا هوا عوضى حب السنين دي كلها مراحش مضاعش مني بكرا هبقى مراته يماما بكرا هتجوز حبيبي يا بابا انتو فين كنت عوزاكوا معايا وحشتوني اوووي
وظلت تبكي
في صباح يوم جديد
في غرفة جاسر وفرح
صحيت فرح
_صباحيه مباركه يا عروسه
_انت بتبصلي كدا لي
_بتاكد انك مش حلم وانك فعلا معايا يا فرح انا كنت خايف في وقت تهور مني تضيعي مني ومعرفش ارجعك
_,مفيش حب حقيقي بيضيع يا جاسر طول ما القلب بيدق بصدق اعرف اني بحبك بجد انا كل كلمه كنت بقولها عن الكره كان من ورا قلبي لساني بينطقها لكن قلبي يقول لا دا حبيبك بحبك يا جاسر
_طيب كفايه بقى علشان ورانا مشوار النهارده مهم جدا
_فين
_مفاجاه يلا تجهزي اه وكمان عندنا كتب كتاب مراد بليل علشان كدا بسرعه وهنرجع بدري
_طيب مش هتقولي رايحين فين الفضول هيقتلني
_شويه يا قلبي وتعرفي يلا
_حاضر اووووووف
دخلت لبست وجهزت نفسها
_انا جاهزة
_اي اللي انتي لابساه دا
_دا بنطلون
_منا عارف انو زفت اتفضلي غيريه والبسي حاجه عدله
_لا يجاسر انا ليا حريتي الشخصية مفيش تحكم
_يا فرح دا مش تحكم دي غيره اعمل انا اي وانتي ماشيه جنبي وحد بص للمزه اللي جنبي انتي عوزاني اقتل كل عين تبصلك صح
_صدق اقنعتني حاضر هغير
_
$
_يلا
_اركب يا كريم
_ازيك يا كوكى عامل اي
_كوبس يا فروحه محدش شافك
_معلش يا حبيبي أصل عمو جاسر كان حابسني
_صحيح الكلام دا يا عمو
_ايوا يا حبيبي علشان مكنتش بتسمع الكلام
_انت بقيت شرير يا عمو
_ههههههههههه لا يا كوكي منا واخدها لصالحها اهه
_لا خلاص انت كدا طيب
وكلهم ضحكوا ووصلوا المكان المنشود
_الله يجاسر انت جايبنا الملاهي انا بحبك اووي
يلا يا كوكي نروح نلعب
_رايحه فين يا روح امك
_هنلعب
_لا انتي هتفضلي معايا خطوه خطوه هنلعب كلنا سوا
ظلو يلعبون ويمرحون
وكانت فرح تقف مع كريم وجاسر بيجيبلهم ايس كريم
وفجاه كريم استخبي في فرح
فرح استغربت بتبص لقت في ست جايه عليها وبكل شر
ضربت فرح بالقلم.....
يتبع...
#يارا_عبد_السلام
