#عشق_طفولتي
الجزء الثالث والعشرون
مر اسبوع وفرح لسه في المستشفي
وجاسر كل يوم يروح يتطمن عليها ويقرب منها اكتر واكتر...
*مش عارف مالي حاسس اني بقرب منها اوووي زياده عن اللزوم هل فعلا انا حبيتها ولا واخدها كتعويض لوجود وعد في حياتي
انا مش عاوز اظلمها مش عاوز انا هبعد عنها بس لي انا بقرب منها اي الحكمه في كدا لي كل يوم بيجذبني ليها ...
كل يوم وعد تيجي تقولي فرح هتعوضك
هتعوضني ازاي انا تايهه...
يوسف دخل
حس أن أخوه تايه وتعبان وهوا عارف السبب
_مالك يا جاسر
_مالي انا كويس بس تعبان شويه علشان الشغل بس
جاسر حاول يغير الموضوع
_انت عامل اي مع ساره
_انت بتتوه الموضوع يا جاسر ماشي
ساره كويسه بس تقلانه عليا شويه حاسس انها بتحبني بس ماضيها مأثر علينا انا بحبها اووي يا جاسر
_انا عارف متقلقش انا هتصرف معاها وهساعدك
_بجد يا جاسر
_ايوا
_طيب هتروح لفرح النهارده؟
_احم لا مش هروح النهارده مش هي بقت كويسه خلاص
جاسر قرر انو يتجاهل وجودها في حياته أو بمعني اصح يختبر حبوا ليها
_امممم ماشي انا هروح بقى اشوف شغلي وفكر كويس يا جاسر في اللي جاي
سلام
خرج يوسف وهوا زعلان علي حال اخوه اللي عارف ومتأكد انو تايهه وعاوز يختبر نفسه وحبه ليها
يا تري هتعمل اي يا جاسر..
عند فرح في المستشفي
فرح اتعودت أن كل يوم جاسر بيجي بقت شبه متعلقه بيه طول الوقت عماله تبص عالباب
خالد دخل وقرب منها
_هههههه لسه مجاش
فرح اتخضت
_في اي يا خالد خضتني
_انا برضو ولا انتي سرحانه فوقي يا هانم جاسر لسه مجاش
_احم مين قالك اني مستنياه لا طبعا
_ههههههههههه ماشي مصدقك
_انت برضو بتضحك عليا طب امشي من هنا
جت والدتها
_في اي يا خالد
_مفيش يا امي بس فرح كانت بتهزر معايا صح يا فروحه
وغمزلها وقرب منها
_كدا خالصين علشان متبقيش تهدديني بتقى انا مسكت عليكي حاجه أهه ومين مديرك في الشغل
فرح اتعصبت
_امشي يلا من هنا
ومشي خالد
وهوا بيضحك
تقى كانت جايه تطمن علي فرح وقابلت خالد
خالد بضحك
_اللهم صلي عالنبي هوا القمر طلع بالنهار ولا اي
تقى اتكسفت
_لا وكمان بيتكسف يارب ضحكه بس واغنيلها قمرين دول ولا عنين
تقى ضحكت
_اللهم صلي عالنبي دي ضحكت
ضحكتها مبتهزرش وجمالها ميتقدرش قلبي داب والله بقولك اي متجيبي نمرة السيد الوالد
_تقى ضحكت جدا واتكسفت ومشيت
_خلاص عرفت انك موافقه اسنيني عندكوا الساعه سبعه هنشرب شربات علي طول ها أنا سايب قلبي معاكي امانه يا نور عيني ❤️❤️
تقى سمعت كلامو وضحكت جدا ودخلت لفرح وهي بتضحك ومبسوطه وحكتلها اللي حصل وفرح فرحت جدا أن اخوها اخد الخطوة دي كان نفسها ياخدها من زمان ...
عند يوسف وساره
_تاني يا يوسف انت مش بتزهق
_لا مش يزهق انا بحبك يا سارة افهمي بقى انتي لي مش راضيه تفهميني وتقديري حبي ليكي
_يا يوسف انا منفعكش
_تاني يا ساره نفس الكلمه انتي مبتزهقيش انا قولتلك مليون مره انا بحبك ومليش دعوة بماضيكي انا حبيتك انتي مش حياتك ولا ماضيكي انتي لي مش راضيه تفهمي انا بحبك قلبي مش مطاوعني اسيبك
_لا سيبني يا يوسف انا مش بحبك افهم بقى انا مش بحب حد سيبني يا يوسف
_تمام يا ساره مش هتشوفيني تاني انا ماشي سلام
مشي يوسف وساره قعدت تعيط
_سامحني يا يوسف بس الماضي مطاردني انا مش هقدر اكمل حياتي معاك انت تستاهل واحدا احسن مني ....
فرح كانت قاعده زعلانه أن جاسر مزارهاش النهارده اتعودت علي وجوده في حاجه جواها بتجذبها ليه يا تري اي هي ....
دا اللي هنعرفه بعدين...
يتبع...
#بقلمي_يارا_عبد_السلام
