#عشق_طفولتي
الجزء التاسع عشر
في صباح يوم جديد ملئ بالاحداث المثيره
تستيقظ مجنونتنا فرح
بصت في الساعه
_ينهار ابيض الساعه 9هوا انا دائما متأخره كدا يالهوووي
ابو قردان هيمسكني تريقه عالصبح بقى
يلا بسرعه يا فرح هوا انتي لسه هتفكري
ولبست بسرعه وخرجت بسرعه واتصلت علي تقي
تقي ردت عليها وهي بتضحك
_طبعا متأخره كعادتك ههههههههه
_والنبي بطلي تريقه انا معرفش دماغي دي فيها اي
_طيب بسرعه مش هتبيني التزامك من اول يوم هههههههه
_طب اقفلي يبت انا غلطانه اني بتصل بيكي اصلا
_ههههههه ماشي
وقفلت السكه في وشها
_ياربي هوا انا دائما كدا وكمان الدنيا زحمه اي العسل دا
فضلت ماشيه علي رجليها علشان مش لاقيه مواصله
لقت عربيه ماشيه جنبها
_ههههه اول يوم ليكي ومتأخره كدا
بصتله بعصبيه
_ملكش دعوة
_هه كنتي نامي بدري بدل مانتي مش عارفه تصحي الصبح بدري للشغل وكمان اول يوم وعلي فكرة أنا لو وصلت قبلك هيبقى في كلام تاني سلام يا قطه
وسابها ومشي
_قليل الذوق دا حتى معزمش عليا انو يوصلني شوفتش قلة ذوق كدا كتك القرف قمر يخربيتك
ركبت فرح تاكسي ووصلت لمقر الشركة
نزلت ودخلت جري وقابلت تقى
_اهلا شرفتي المدير قالب الدنيا عليكي وازاي اول يوم ومتأخره نهايتك قربت يا فرح
_بس بقى متخوفنيش لو مش عاجبه امشي واسيبله الشغل قليل الذوق دا
_بس يا فرح خلصي وروحي استلمي شغلك
_طيب لما نشوف اخرتها
ذهبت فرح لمكتب جاسر علشان تعرف طبيعة عملها
_ياربي صبرني عالبني ادم دا علشان مقتلهوش النهارده
وخبطت عالباب
_ادخل
_احم حضرتك انا المفروض اشتغل فين
_اهلا بالست هانم اللي متاخرة دي اول واخر مره تتاخري لو مش عارفه طبيعة العمل فانتي ممكن تقعدي في بيتكوا
_حضرتك اولا انا المواصلات كانت صعبه ثانيا انا اسفه عالتأخير بس مسمحش لحضرتك تزعقلي
_نعم طالما انتي غلطانه فتستحقي كدا
_لا مستحقش كدا كلنا بنتاخر انت نفسك بتتاخر وبتغلط بس للاسف محدش هيقدر يعاتبك علشان انت المدير
_طيب اتفضلي يا فرح شغلك في الارشيف أظن دا المكان المناسب ليكي
_اي ارشيف
_اه ارشيف وطالما انتي شاطره فهتقدري انك تثبتي نفسك اتفضلي السكرتيره برا هتعرفك طبيعة شغلك وهتوديكي مكان شغلك
_تمام
وسابته وخرجت وهي متعصبه
_اكيد مراته منكده عليه منو لله
بعد لما فرح خرجت
سرح ورجع برأسه لورا
_وحشتيني اووي يا وعد
وعنيه دمعت
_هي اه فيها شبه منك بس عمرها متكون انتي انتي ملاكي وحبي الاول والاخير انتي قلبي اللي بينبض لحد دلوقتي انتي حياتي وعمري وكل شئ امتى اجيلك يا وعد امتى احس اني معاكي فعلا انتي معايا دايما وحاسس بيكي بس نفسي تكوني معايا بجد نفسي احضنك نفسي كنت أعيش معاكي ونجيب جويريه وتكون شبهك ربنا يرحمك يا وعد ربنا يرحمك .....
في تلك اللحظة دخلت السكرتيره علي جاسر
_احم مستر جاسر انا عملت اللي حضرتك قولت عليه وشغلتها في أصعب مكان انت شايف انها هتقدر عالشغل هناك دي شكلها ضايععه خالص
_سبيها تتعلم الادب شويه
_تمام عن اذنك حضرتك
في مكان ما شبه معتم
كانت تقف فرح لا تعرف ماذا تفعل وماذا تعمل فهي تري أشخاص يعملون بخفه ومهاره وكل منهم يجلس علي كرسي وهي لا يوجد لديها الا كرسي واحد
سلام عليكم
_عليكم السلام
_انا فرح زميلتكم الجديده
_امممممم اهلا
_هوا انا هشتغل اي هنا
_روحي للحاج صابر وهوا يقولك بس انتي اي اللي جابك هنا
_المدير
_اممممممم هوا مش بيجيب هنا الا لو كان شخص عزيز عليه اوووي هههههههه
حست فرح انو بيكدب عليها لأن المكان ميدلش انو لحد عزيز عليه خالص
راحت لعم صابر
_احم عم صابر انا فرح اللي هشتغل معاكو جديد
_اممممممم طيب تعالي ورايا
راحت وراه
_خدي الملفات دي راجعيها كلها دا شغلك
فرح بصدمه:ها الملفات دي كلها هراجعها طب انتو مش مراجعينها لي
_دا شغلك المفروض يلا خلصي ومش عاوز غلطه علشان جاسر بيه ميزعلش ودا بالذات ممنوع يزعل
فرح في نفسها:كل حاجه جاسر جاسر هوا مين جاسر دا كتو القرف بني ادم غتت
ظلت تعمل طوال النهار دون أن تأكل او تشرب وكأنها في سجن
_هوا مفيش بريك اروح اكل ولا اي
_في بريك بس كمان نص ساعه
فرح فرحت جدا وقررت تخلص شغل كتير قبل البريك
جه وقت البريك
وفرح راحت تركب الاسانسير لقت موظفين كتير واقفه مستنياه
_اوووووف دانا عقبال مستناهم هيكون البريك خلص
بصت حواليها لقت اسانسير لوحده كدا ومحدش واقف عليه
_مهو في اسانسير لوحده اههه ولا انتو يا شعب يا مصري بتحبوا الزنقه
لما اروح انا اركبه علشان الحق
ذهبت فرح في اتجاه الاسانسير وركبت فيه وهي فرحانه وحددت الدور اللي فيه المطعم
وفجاه الاسانسير وقف ....
_عااااااااا اي دا الاسانسير وقف كدا لي يارب انا بخاف وبتخنق من الأماكن المقفوله انا اي خلاني اتذاكى
فضلت تخبط عالباب وطبعا مفيش حد بيرد عليها وبدأت فرح تتعب....
كانت تقى واقفه مستنيه فرح علشان يتغدوا سوا
خالد شاف تقى
_اي اللي جاب تقى هنا يا تري لما اروح اشوف
_احم تقى اي جابك هنا
_خالد انت اي اللي جابك هنا جاي لفرح
_لا انا شغال هنا
_اها واحنا انا وفرح يعني
_طيب هي فين البت دي
_بقالي شويه واقفه مستنياها علشان تتغدا سوا بس كل الموظفين نزلوا وهي لا
_اي ازاي الكلام دا طب تعالي نشوفها هي فين
_طيب
عند فرح
ظلت تخبط علي الباب كتير وتصرخ بس محدش بيرد عليها
عند جاسر كان يقف مع يوسف
_ها يا جاسر هتتغدا فين
_امممم بفكر تخليهم يجيبولي الغدا هنا روح انت اتغدا
_ماشي سلام
مشي يوسف
خرج جاسر من المكتب
وقف يجري بعض المكالمات التلفونيه
حس أن في حاجه مش طبيعيه وسمع صوت صرخ أو تخبيط
وبعدين الصوت اختفى .....
يا تري اي هيحصل لفرح🥺
يتبع
#بقلمي_يارا_عبد_السلام
