طفلتى البريئه

«بارت23»

صعدت امينه لترى لما تأخر سليم وتولين عن الافطار
دقت امينه الباب: سليم
لم تجد رد ونادت مره اخرى: سليم قوم يحبيبى اتأخرت على الشغل
استيقظ سليم بإنزعاج: مين
امينه: انا يا ابنى قوم الوقت اتأخر انت لسا صاحى
فتح سليم الباب وهو يفرك عينيه بإنزعاج: صباح الخير
امينه: صباح النور اتأخرت فى الصحيان كده ليه
سليم بإستغراب: ليه الساعه كام
امينه: الساعه9
انتفض سليم بفزع: ازاى الساعه9 المفروض اكون فى الشركه دلوقتى
امينه وهيا تلتف للنزول: طيب اللبس وصحى تولين على مهلك وانزل افطر وبعدها روح الشركه
دخل سليم سريعا وهو يحضر ملابسه: تولين
لم يجد ردآ منها اتجه اليها سريعا وهو يقوم بهزها: تولين يحبيبتى قومى يلا الوقت اتأخر
تولين بتقلب: سيبنى انام مش عايزه افطر
دخل سليم للإستحمام سريعا
دقائق وخرج وهو يرتدى ملابسه ويقوم بتمشيط شعره وهندمة ملابسه
ثم اتجه ناحيه تولين وهو يسحبها ويجلسها لكى تستفيق قليلا: يلا يحبيبى عشان تنزلى تفطرى
تولين بإنزعاج وضيق: مش عايزه افطر مليش نفس
حملها سليم واتجه ناحية الحمام وانزلها: يلا يا بابا خدى حمام بلاش كسل هحضرلك اللبس بسرعه بس عشان انا اتأخرت على الشغل
تولين: حاضر
ثم التفت للخروج مره اخرى بنعاس
صرخ سليم بصرامه: تولين اصحى واسمعى بقولك اى فى اى معاكى انهارده مالك
انتفضت تولين ببكاء وهيا تدخل للحمام مره اخرى بدموع: خلاص هتحمم
احضر سليم ملابسها وجلس يحادث مازن الذى حثه على الإسراع لإن هناك صفقه مهمه
خرجت تولين بعد دقائق وهيا تتجه ناحيه سليم الجالس فوق الاريكه
ازاح سليم المنشفه عنها واخذ بتلبيسها ككل مره ثم مشط شعرها ووضع عطرها الذى يحتوى على رائحه الفراوله
امسك يديها ونزل للأسفل: تولين صحصحى كده مالك
تولين بنعاس: حاسه انى عايزه انام ومش عايزه اصحى وبطنى وجعانى شويه
احتضن سليم رأسها وقبلها: معلش يا روحى اكيد جعانه وشويه وهاجى اخدك نروح للدكتوره انهارده ميعاد الكشف
دخلا لغرفه الطعام الجالسه فيها امينه منتظره نزولهم: يلا اقعدوا عشان انا جعانه اوى
قبلت تولين جبينها: صباح الخير يا مامتى
امينه بحب: صباح النور يا روح مامتك يلا اقعدى افطرى شكلك تعبانه انهارده
تولين وهيا تجلس بجانب سليم: اه ولله تعبانه اوى وضهرى وبطنى وجعينى شويه
امينه بقلق:مالك ما انتى طالعه كويسه امبارح
وضع سليم بعض الطعام فى فم تولين وتحدث ببرود لأمينه: لا ما الهانم نايمه صاحيه بتتنطط برضوا وهيا نايمه بتلعب مصارعه
ضحكت امينه ثم اكملت بجديه: تولين بتكلم بجد يبنتى انتى كل ما تروحى عند الدكتوره بتقولك بلاش دا وبلاش دا مبتسمعيش الكلام سواء ان سليم موجود او لاء تقعدى هاديه لحد ما ربنا يتمم حملك على خير وتولدى وتجيبى قرد صغير
تولين بتذمر: ولله يا ماما مش بتنطط انا قاعده هاديه وبعدين ابنى مش قرد دا هيطلع قمر اوى
وضع سليم الطعام فى فمها ثم استقام وقبل خدها وقبل جبين امينه: انا همشى عشان اتأخرت وانتى يا تولين هكلمك تجهزى عشان الكشف
تولين وهيا تكمل طعامها: حاضر
امينه: انهارده عايزين نروح الحديقه انا وانتى
تولين: خلاص ماشى بس مقولناش لسليم
امينه: عادى احنا هنروح الحديقه القريبه نغير جو ونيجى وبعدين الدكتوره كانت قيلالك تتمشى شويه عشان الطفل ينزل للرحم هاا تتمشى مش تتنططى
زفرت تولين بتذمر: يعنى يا مامى لو قومت ووريتك التنطيط الى بجد
امينه بهلع وهيا تجلسها مكانها مره اخرى: يختى يختى تنطيط على حق اى اقعدى على حيلك احسن ما تولدى وانتى واقفه كده
جلست تولين بضحك على تعابير وجه امينه
انتهي كليهما من الطعام: انا هطلع ارن على سليم اكلمه واقوله بالمره عشان عارفه انو هيجى يفضل يزعق ويقول مقولتوليش ليه وبتاع
امينه: خلاص ماشى قوليله ومتتأخريش انا هروح اللبس كمان اصل الاجواء حلوه دلوقتى ومريحه جدا
تولين: طيب ما نخليها على الساعه واحده كده وبالمره سليم يجى ياخدنا ونروح عند الدكتوره كلنا
امينه: فكره حلوه خلاص اقعدى ارتاحى فوق لحد ما تيجى وحده واللبسى وانزلى هتلاقينى مستنياكى
تولين بطاعه: حاضر
صعدت تولين وودخلت الى الجناح الخاص بها هيا وسليم وقامت بإختيار ملابسها المكونه من دريس رقيق باللون الرمادى ذو فتحه واسعه قليلآ ضيق من الخصر وينزل بإتساع واكمامه ضيقه وحذاء باللون الابيض لطيف للغايه
اردفت تولين بتأفأف: ياربى انا مين هيلبسنى دلوقتى
جلست فوق السرير وقامت بمحادثة سليم الذى رد عليها على الفور: ايوا يا تولين
تولين: وصلت ولا لسا
سليم وهو يقوم بتوقيع بعض الاوراق: اه وصلت من شويه كده فيه حاجه ولا اى
تولين بتوتر: لاء اصلى ماما قالتلى نخرج نروح الحديقه على بال ما تيجى الساعه 4 كده تكون انت جيت وتيجى تاخدنا نروح عند الدكتوره
سليم ببرود: اشمعنا
تولين: اصلى يعنى نغير جو وزى ما انت عارف لازم امشى شويه عشان الدكتوره قالتلى كده
سليم: اممم طيب يا تولين
تولين بإرتباك: اروح
سليم بتنهيده: ايوا
تولين: طيب مين هيلبسنى دلوقتى
سليم: انتى هتلبسى اى
تولين: هلبس دريس وشوز وبس مش هحط ميكب ولا اى حاجه هبقى اوريهملك
سليم: طيب انتى طالما هتلبسى دريس ف سهل شويه خلى علياء تساعدك
تولين: خلاص ماشى سلام
اغلق سليم الهاتف واخذ يتابع عمله
بينما جلست تولين تعبس فى هاتفها الى ان اتت الساعه ال1ظهرآ و قامت بالإستحمام ونادت على علياء لتقوم بمساعدتها فى ارتداء ملابسها
تولين: معلش يا علياء هتعبك معايا شويه
علياء وهيا تقوم بإغلاق الازرار الخاصه بالدريس: ولا تعب ولا حاجه يا هانم احنا تحت امرك
تولين بزعل: على فكره انا قولتلك متقوليليش يا هانم وبعدين انتى اكبر منى
علياء بضحك على تعابير وجهها الطفولى: خلاص ماشى مش هقول يا هانم تانى هاا اعمل اى تانى
تولين: اللبس الشوز وشعرى عملته اهو
ثم استدارت لها: حلو صح
علياء: ايوا حلو خالص
انتهت تولين من ارتداء ملابسها ثم اعطت الهاتف ل علياء: خدى صورينى عشان ابعتها لسليم
قامت علياء بإلتقاط صوره لها وارسلتها تولين لسليم: حلو كدا
دقائق وقام بالرد: لاء
تولين بزعل: سليم بقى
ارسل لها سليم: بهزر معاكى حلو
تولين: طيب تمام انا هنزل دلوقتى عشان ماما مستنيانى
سليم: خلاص ماشى تروحى هناك متتحركيش كتير و متعمليش اى حاجه تجذب الانتباه حواليكى فاهمه
تولين: اه
سليم: اه اى
تولين: فاهمه
ونزلت للأسفل وهيا تمسك فى السلالم
امسكت امينه الحقيبه واتجهت ناحية تولين وهيا تمسك يدها وتهم للخروج: شنطه اى دى يا مامى
امينه: دى فيها اكل وشوية تسالى
تولين: اهاا طيب هنروح ازاى
امينه وهيا تعطى الحقيبه لأحد الحراس: هنروح بالعربيه والحرس هيودونا
تولين: اهاا خلاص ماشى يلا
تقدما امينه وتولين من السياره
بينما يتابعهم سليم من خلال كاميرات المراقبه
سليم وهو يوجه كلامه لمازن الجالس امامه: خلصت توقيع الاوراق ولا لسا
مازن: لا لسا
سليم: اومال جاى ليه يبارد
مازن: كنت بقولك اى رأيك نروح النادى انهارده بالليل لينا زمان مروحناش
سليم: نادى اى
مازن ببرود: يعنى انت مش عارف نادى اى
سليم: اعقل يا مازن انت متجوز دلوقتى وانا متجوز اى السبب الى هيخلينا نروح
مازن بملل: يعم ترفيه شويه الواحد زهق بجد الحياه كلها شغل كده مفيش راحه ابدآ
سليم: يعنى انت عايز تفهمنى ان الراحه ف انك تروح النادى تشوف بنات عريانه هناك وتشرب وتسكر وترجع لمراتك سكران
وقف مازن بزهق: يعم انت خلاص انا غلطان انى قولتلك
سليم بحده: مازن احترم نفسك ولو سمعت انك روحت مكان زى كده متلومش الا نفسك
مازن: يعم ولله ما هروح خلاص
ثم خرج بملل شديد واتجه الى مكتبه يكمل اعماله
بينما اتصل سليم على تولين التى اجابت على الفور: اى يحبيبى
سليم: وصلتو
تولين: لاء تقريبا قاعد شويه احنا لسا طالعين من شويه وهنروح اقرب حديقه
سليم: طيب تروحى تقعدى على جمب انتى وماما ومتلعبيش سامعه عشان شويه كمان وهاجى نروح للدكتوره تمام
تولين: تمام
اغلق الهاتف واكمل عمله
بينما بعد قليل وصلا تولين وامينه ونزلا وقاموا بوضع مفرش فوق الارضيه الخضراء ووضعوا الاشياء الخاصه بهم
وجلست تولين بجانب امينه: الله يماما المكان جميل اوى وطبيعى احنا نيجى هنا على طول
امينه وهيا تضع بعض المسليات امام تولين: ايوا الصراحه المكان يفتح النفس
تولين: انا لما اولد ان شاء الله كل يوم هجيب غيث هنا
طبطبت امينه على بطن تولين: على فكره انا حاسه انو ولد لأن انا لما كنت حامل فى سليم بطنى كانت شبه بطنك وايه لما كانت حامل فى اسراء كانت بطنها غريبه
تولين: ايوا وانا برضوا قولت كده وكمان احساس قوى انو ولد مش عارفه مال سليم
امينه بضحك: سليم بيغير عليكى مش عايز ولد عشان متهتميش بيه اكتر منه
تولين: طب منا لو جبت بنت هيكون نفس الموضوع
امينه برفض: لاء يحبيبتى هيا لما تكون بنت هيكون مطمن شويه
انفجرت تولين بالضحك وهيا تتذكر حديثه: دا كنا قاعدين فى مره ف بقوله تخيل لو جيبت تمانيه مره وحده راح قام اتخض كده وقال تمانية اى كنتى ودعتى الملاعب انتى واحد و مش قادره تتحركى
انفجرت امينه بقوة على كلام سليم
واكملوا حديثهم واكلهم الى ان اتت الساعه ال4
اتصل سليم على تولين: انتى فين
تولين وهيا تحاول الوقوف: انا واقفه انت فين
دخل سليم وهو يشير لها
ركضت تولين بحماس: سوليي وحشتنى اوى خالص مالص
احتضنها سليم وقبل جبينها: اممم وحشتك خالص مالص بس
تولين: لاء كتير
جذبها سليم وتقدموا ناحية امينه المتابعه لهم بحب: ست الكل عامله اى
امينه: بخير طول ما انتو بخير
سليم وهو يساعدها على الوقوف: طيب يلا على الكشف بقى عشان جاى تعبان من الشغل
لملموا اشيائهم واخذهم الحارس وتوجه للمنزل
بينما توجهوا هما الى العياده الخاص بالطبيبه
تولين الجالسه فى الخلف وتنظر فى المرآه نحو سليم المبتسم بخبث ف هو يعلم فيما تفكر: على فكره مفيش طريقه للهروب يعنى اهدى كده و بطلى تفكير هتاخديها يعنى هتاخديها
تولين ببوادر بكاء: بصى يا ماما بيقولى اى عشان تعرفى ان هو الى بيخوفنى
ضربته امينه على كتفه: يخى اقعد على حيلك البنت خايفه الوحدها
قهقه سليم بضحك على تولين عندما وضعت يديها على وجهها واخذت الدموع طريقها على وجهها
قليلآ ووصلا الى المشفى
نزل سليم وساعد امينه فى النزول من ثم توجه الى تولين: خلاص يروحى بهزر معاكى اهدى
تولين ببكاء: انا مش عايزه حقنه
سليم: خلاص ماشى انا هقولها كفايا حقن يلا
توجهوا الى الداخل ورحبت بهم الطبيبه كالعاده
تولين بدموع: بصى قبل كل حاجه انا مش عايزه حقنه
ضحكت الطبيبه عليها: خلاص ماشى انهارده اخر حقنه بما انك خلاص داخله على السابع والجنين اتثبت اصلا بس لزوم التنطيط اى كل مره تجيلى تعبانه اكتر من المره الى قبلها
تولين بقهر: يا ناس ولله ما بتنطط وللهى انتو شايفنى قرده ولا اى
انفجر الجميع فى الضحك عليها
واردفت الطبيبه: مش قرده ولله مش قرده تعالى يلا نامى هنا
انسدحت تولين فوق السرير الخاص بالكشف ورفعت الطبيبه ملابسها ووضعت جهاز السونار فوق بطنها بينما امينه وسليم يتابعون الشاشه الظاهر عليها وضع الجنين
اشارت الطبيبه الى الشاشه بمزح: الله الله دا كبر اوى اهو وجاهز يطلع
تولين بتصديق: بجد
الطبيبه: انتى صدقتى بعد شهرين هيبقى بجد بجد
بينما يتابع سليم حركه الجنين ويستمع الى نبضات قلبه
اغرورقوا اعينه بالدموع كالعاده من مشاهدة طفله يتحرك و من استماع نبضاته
لاحقته امينه بالدموع فرحه برؤية حفيدها
الطبيبه بمرح: مستعدين تعرفوا نوع الجنين اى ولا هتأجلوها زى كل مره
تولين بسرعه: لاء دلوقتى ولد صح
انتظر سليم ما ستقوله الطبيبه بفرحه هو وامينه
الطبيبه بفرحه: حامل فى ولد
صرخت تولين بفرحه وهيا تحتصن امينه: مش قولتلك ولد انا كنت عارفه
سليم وهو يحتضن تولين بسعاده: مبروك يحياتى
تولين بفرحه: الله يبارك فيك عشان تعرف انا مش بخسر قولتلك ولد
ضحك سليم وقبل جبهتها: وانا برضوا كنت عارف
تولين بضحك: اه انت هتقولى
الطبيبه بمزح وهيا تمسك الابره وتتجه ناحية تولين: وقته وقته وقته
تولين بخوف وهيا تشدد من احتضان سليم: كفايه يا سليم بليززز مش عايزه
سليم بحنان: اخر وحده خلاص مش هتاخدى تانى
تولين ببكاء: ماما قوليله مش عايزه
ربتت امينه فوق شعرها: معلش يبنتى اخر مره
دفنت تولين وجهها فى صدر سليم بقوه وبكاء
انتهت الطبيبه وانزلت ملابسها: يلا خلصنا ووعد منى مش هتاخدى تانى دى اخر مره
تولين بدموع و الم: جسمى بيوجعنى
سليم: معلش يحبيبى
الطبيبه: كده ادويتها قاعده زى ما هيا وان شاء الله على ميعادنا زى ما هو
امينه بشكر للطبيبه: تسلمى معلش تعبناكى معانا
الطبيبه: ولا تعب ولا حاجه دا واجبى
ودعا الطبيبه و عادو الى المنزل وسط فرحتهم لتولين التى تكاد ان تموت من كثرة فرحتها بأنه ولد
(هيا طبعآ كانت هتفرح برضوا لو بنت مش هتزعل بس هيا كان نفسها ف ولد عشان كانت متفقه هيا وسيلا انهم هيجيبوا ولد زى بعض بس الى متعرفوش ان سيلا هتجيب بنت😂)