وكملت الأستاذة النداء على التلاميذ
بدون ماتعيط على أمين حتى إنتهت الحصة.
وقالت لي مزال ما عيطت عليه حتى الحصة الجايا.
خرجوا التلاميذ.
ومشات ريم عند أمين.
وقالت ليه علاش عطيتيني البحث ديالك
راه مهم وكون عيطت عليك وملقاتش البحث عندك
راه غادي نتسبب ليك في مشكل.
قال ماكيهمش .
عرفتي علاش ضحيت على قبلك.
قالت لا.
قرب ليها وقال بصوت ضعيف وحزين انا ماجيتش هنا لي اجل الدراسة انا جيت فقط باش نشوف بنت الناس ونتزوج بيها وماتصورتش اني غادي نلقاها بهاد السرعة كاملة .
وهي تصدم وبقات ساكتة .
وهو كيشوف فيها بي نضرة حزينة.
وهو ينفجر بي الضحك
وقال يا ريم راني شفتك مخلوعة وغادا تسخفي ملي عيطت عليك الأستاذة
وساعدتك حيت أنتي صديقة ديالي
إلى موقفتش معاك في لحضة ضعفك راني منستهلش نكون معاك في لحضة قوتك.
ومشا وبقات مصدومة من فعل ديالوا وكلاموا.
جات عندها صديقة ديالها
قالت ليها مالك أ ريم.
قالت ريم البحت لي عطيت الأستاذة ماشي ديالي ديال أمين.
صديقتها تعجبت وقالت إذن طاح فيك .
قالت ريم معرفتش لكن قال ليا غي دابا أنه جا لهنا باش يتزوج ولقيت لي كنقلب عليها زعما انا
وبدأ يضحك ما كانش صادق في كلامو.
لكن ملي قالها ليا حسيت بي الأرض لعبت بيا و وليت كنترعد وبغيت غير يبعد من حدايا خفت نطيح نغيب.
قالت ليها صديقتها قولي ليه أنتي بالشعور ديالك إتجاهو.
قالت ريم صافي نساي الموضوع.
في نفس اللحضة خرجت الأستاذة كتقلب على أمين
لقاتو وقالت ليه أمين باغا نتكلم معاك.
جا لعندها
وقالت أمين ريم قرات عندي هذا هو العام الثالت ديالها واش كتضن أني مكنعرفش كتابتها.
أنا عارفة بي أنا البحت ديالك حتى ملي قريتوا لقيت فيه شخص متمكن في اللغة الإنجليزية وإنسان عندوا تجارب كثيرة في الحياة ميمكنش يكون ديال بنت عندها 17 سنة .
و أمين ساكت كيسمع وكيشوف فيها وكيتعجب من ذكائها.
وكملت كلامها وقالت وانا ملي كنت كنعيط على الأسماء من بعد ريم جا إسمك أمامي وما قلتش ليك جيب البحت ديالك باش منحرجكش قدام الأصدقاء ديالك .
ودابا غادي تقول لي ريم بينك وبينها تجيب البحت ديالها ليا وعقوبة ليك حتى انت غادي تدير بحث جديد يكون مخالف على الأول .
أنا كان بي إمكاني أني نطردك من عندي على هاد التصرف
ولكن الناس ماغداش تقول أستاذة طردت تلميذ ديالها.
غادي يقولوا جزائرية طردت مغربي
ومع مواقع التواصل الإجتماعي بي سرعة تولي فتنة بين بلدين شقيقين.
ومع دالك أنا معجبة بك لأنك كتعاون الأصدقاء ديالك في الفصل.
عندي لك سؤال .
قال اه مرحبا سولي .
قالت علاش ملي كنكون واقفة نشرح مكتنتابهش معايا إلى قليل.
قال مانقدرش نجاوبك.
قالت أنت ماشي في سن التلاميذ لي عندي أنت في السن ديالي انا
ديرني بحال الأخت ديالك وصارحني .
قال صراحة مكنشوفش فيك بي سبب ملابسك القصيرة فا أنا كنحشم.
والمدرسة هي لي طلب العلم ماشي لي عرض الأزياء
وأنا أسف على هاد الكلام
وفي الآخير أنتي حرة في لبسك.
أنت تقرأ
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
