دخلوها قبل مايشوفها الطبيب جا المكلف عند أمين
وقال ليه شكون لي غادي يخلص.
قال أمين بي غضب ماكيهمكش حياة الناس كيهمكم غير لفلوس
وجبد الشيك وخلص .
عاد جا الطبيب باش يشوف حالة سهيلة
في ديك اللحضة وصل الشرطي
وقف على أمين
وقال جبد لوراق ديال السيارة .
قال أمين السيارة ماشي ديالي ديال السيدة لمريضة
قال الشرطي جبد رخصة السياقة ديالك .
قال أمين ماعنديش.
إتصل الشرطي بالأمن جاو بالسيارة واعتقلوه.
جات الأم ديال سهيلة لعندها
خرج طبيب سولاتو امها شنو عندها أسيدي
قال الطبيب غير تعصبت بزاف و وقع له إنخفاض في سكر الدم الحمدلله انها جات بسرعة للمستشفى ودابا راها بخير
ممكن تمشي معاك .
خرجت سهيلة هي والأم ديالها.
مشات الأم باش تخلص .
قال المسؤول راه خلص السيد لي جابها.
قالت الأم شكون هاذ السيد لي جابها .
جبد الكتاب وقال إسمو أمين الطالبي.
الأم رجعت عند سهيلة وقالت
شكون هاذ أمين الطالبي .
قالت سهيلة تلميذ عندي.
وفي الغد مشات سهيلة الى المدرسة
درت الدرس وأمين ماجاش حتى كملت الحصة .
إتصلت بيه لقات الهاتف ديالو طافي
مشات سهيلة عند ريم وقالت واش ماعرفتيش أمين علاش ماجاش .
قالت ريم لا هاذي أمور كتخصو علاش يقولها ليا .
قالت سهيلة ياك انتي على علاقة معاه .
تبسمت ريم وقالت انا كتربطني مع أمين فقط علاقة أخوية .
سهيلة تفاجأت وقالت اه فهمتك .
بعد ما كملت سهيلة الدوام ديالها مشات لدار أمين وعرفت من الأم ديالو انه معتقل وغادي يخرج في الغد بغرامة مالية.
في الغد امين خرج من المعتقل وجا للمؤسسة دخل للقسم
وملي إنتهت الحصة خرج امين وتبعاتو سهيلة حتى خرج من المؤسسة
ومشات بسرعة وصلت عندو وقالت أمين سمح لي على هاد الشي لي درت معاك
وعلى لكلام لي قلت ليك راني كنت معصبة
وسمح لي تعتقلتي بسبابي.
شاف فيها بي نضرة باردة وقال ماشي مشكل ومشا .
قالت وقف بغيث نتكلم معاك.
قال كنضن راك تكلمتي.
قالت بغيث نتكلم معاك في السيارة غير لوحدنا
قال لا ما كاينش لاش نتكلمو .
وبقات كتبكي وقالت انت قلتي بي اني كيف الام ديالكم رغم صغر سني واش غادي ترفض الطلب ديالي
بقى كيشوف فيها وساكت.
وهو يقول اوكي
مشا معاها لي السيارة ومشات لي مكان بعيد على المؤسسة
وقالت أمين حتى انا كنحبك وبغاك تكون حلالي.
قال حيت ديتك إلى المستشفى كتقولي هكدا.
قالت لا انا كنحبك من شحال هادي وكنت كنشوفك مع ريم والتعامل ديالك معاها وأمها كيصحاب ليا نتا على علاقة معاها.
قال ماتيقتكش بدات كتبكي وقالت أقسم بي الله
شاف فيها وقال أنتي هي البنت لي قلت ليك كنبغي من الجزائر.
تبسمت والدموع في عينيها .
امين بغا يشوفها كتضحك
وقال انا بغيث غير نفهم حنا التلاميذ كيرسلونا الأباء ديالنا باش نقراو
ونتوما أ الأساتذة كترتبطو بينا .
سهيلة بدات كتضحك
وقالت حتى أنا بغيث غير نعرف علاش الأباء كيرسلو لينا تلاميذ أكبر منا في السن .
وبداو بجوج كيضحكو .
في الغد جات سهيلة للقسم فرحانة كملت الحصة
وتلقات مع سناء .
قالت سناء وجهك مبشر وناشطة أ سهيلة هي شي خبار كتفرح هاذي .
قالت سهيلة أمين قال لي أنه كيحبني.
قالت سناء راه نتي لبنت لي قال ليا كيحب صراحة كتليقوا لبعضياتكم الله يكمل ليكم بخير
عنقتها سهيلة وقالت شكرا لك .
أنت تقرأ
خاوة 🇩🇿🇲🇦 ( بالدارجة المغربية)
Romantizmتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
