تبسمت سهيلة وقالت لا ماعنديش باباهم.
فرحت سناء حيت عرفتها ممزوجاش ومبغاتش تبين ليها
وقالت علاش ياك خليتك مخطوبة.
قالت سهيلة فسخت الخطوبة ديالي.
قالت سناء شنو السبب.
قالت سهيلة قبل 5 سنوات كانت في البيت ديالي ودخل الاب والام ديالي جلسو وبقاو كيتكلمو وماعرفوش أنني في البيت.
وقال ابي عقلتي يا فاطمة على الشاب المغربي لي بغا يتزوج بي سهيلة.
قالت ماما أه أمين.
قال بابا جا عندي لي المحل ديالي وقلت ليه إلى بغيتي سهيلة ترجع المدرسة خاصك تخرج من الجزائر وترجع لبلادك ووافق على كلامي وخرج
عرفتي ملي شفت في عينيه شحال ديال الالم فيهم فاكرني في شبابي ملي كنت كنحبك وجيت نخطبك.
ردني هاد الشاب سنين لور.
ماما تكلمت بصوت فيه الحزن.
وقالت نتا الاب ديالي وافق عليك ومجرحكش ولكن انت رفضتي هاد الشاب وجرحتيه وناضت من حداه وبقات كتبكي .
أنا في ديك لحضة تدكرت أني واعدت أمين أني مانكون غير ليه حيت نسيت وعدي و وافقت على الخطوبة.
نضت من بيتي وخرجت عند بابا بالدموع ديالي
شافني واستغرب قال مالك أبنتي.
قالت أنا سمعت أ بابا كلشي لي قلتي لماما وانا قررت باش نفسخ هاد الخطوبة وضنيتو غادي يغضب لكن جاوبني بي برودة دم
وقال أنا رفضت أمين لكن أنا مكنلزمكش بي اي شاب تزوجيه هداك إختيار ديالك غير مايكونش من الجيران(المغرب).
وفسخت خطوبتي.
قالت سناء صراحة انتي وهو مجانين أكتر من 5 سنوات ونتوما كتسناو في بعضياتكم بدون مايعرف حتى حد فيكم شنو واقع مع الاخر أنتم باغين تعيشونا في زمان قيس و ليلى.
تبسمت سهيلة وقالت لي خلاني نتسنى هو التقة ديالي في امين.
قالت سناء وأمين يستاهل تضحي من اجلو انا كنت معاه غير البارح حتى هو متزوجش وكينتاضر فيك وهو لي قال ليا باش نجي عندك .
قالت سهيلة وهي مصدومة واش بصح .
قالت سناء أه ونأكد لك هو غنى عليك في كل الاغاني في البرنامج .
قالت سمعت ليه بعدما تكلم عليه سعد المجرد في احد البرامج.
قالت سناء عطيني النمرة ديالك نعطيها ليه يتواصل معاك راه مابقاتش عندي .
عطاتها سهيلة النمرة شكرتها.
ومشات سناء لنعد امين.
عطاتو النمرة شكرها
وهو يتصل بسهيلة.
جاوبت قالت .ألو .
اول مرة أمين يسمع صوتها من بعد 6 سنوات سكت شويا وقال معاك أمين.
هي بدات كتبكي وقالت اهلا أمين .
قال علاش كتبكي .
قالت على والو.
قال وهو مأثر علاش يفارقونا وحنا مادرناش شي حاجة غلط.
ماجاوباتوش وإستمرت كتبكي.
وبقا كيتسنى حتى حبست من البكاء وبداو كيتكلمو .
وقال الام ديالي توفت وبقيت غير بوحدي.
وقربت نولي طبيب الأطفال إن شاء الله
سهيلة انا مابقى ليا حتى حد في المغرب أنا كنواعدك أني منخرج من الجزائر غير وانا وياك او نموت هنا .
قالت سهيلة إما اني نتزوجك بيك او نموت لوحدي بدون راجل.
كملت المكالمة.
وقال أمين لسناء غادي تبقاي حتى ندوز في نصف النهائي ليوم.
قالت راه شافت الفيديوهات ديالكم كتغنيو حتى ليل ودابا راه غير الصباح وانا خاصني نمشي.
تبسم وقال راه كنسجلو الحلقة في الصباح كنغلقو الابواب وكنشعلو الاضواء باش يبان البرنامج مصور في ليل .
وبقاو مريحين كيتكلمو دخلت لجنت التحكيم
داز المشترك الاول و وصل الدور ديال أمين قرر باش يغني على سهيلة .
أنت تقرأ
خاوة 🇩🇿🇲🇦 ( بالدارجة المغربية)
عاطفيةتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
