تصدمت من كلاموا وبقات كتشوف فيه بي نضرت إعجاب.
وقالت انت في الحقيقة بطل وغادا نقولها لك بالإنجليزية (هيرو)
وغادا نبقى نعيط لك غير هيرو.
تبسم وقال وأنا غادي نبقا نعيط لك زماني.
قالت شنو كتعني زماني .
بقى كيشوف فيها و قال البنت لي كنقضي معاها أكثر الزمن يعني الوقت.
قالت واش كتحب شي بنت.
قال أه أكيد.
قالت واش البنت في المغرب.
قال لا هنا في الجزائر وبلا متقولي ليا شكون
أو واش كنعرفها حيت غادي نضطر نكذب عليك.
سهيلة عرفت ان البنت لي قصد أمين هي ريم
حيت شافتهم في المستشفى كيف كان كيضحوا
وردت الفعل ديالو ملي تلاحت من الطاج الثاني
تبسمت وقالت يكفيني غير الكذب ديالك ملي قلتي سعد لمجرد صديقك و ولد حومتك.
تبسم وقال ونتي واش مرتبطة او مخطوبة لشخص ما .
قالت أه انا معجبة بي أستاذ في نفس المؤسسة ديالنا سميتو منصف هو كيدرس اللغة العربية أنا من المراهقة وأنا لحلم ديالي نتزوج أستاذ .
تفاجأ منها وشعر بي الحزن ومبينش ليها وبقى كيتكلم معاها.
وهي تقول ليه شنو الحلم ديالك تكون في المستقبل .
قال إن شاء الله طبيب ديال الأطفال أنا كنحب الأطفال بزاف.
قالت كان كيصحاب لي باغي تكون ممثل او مغني.
تبسم وقال علاش .
قالت حيث انت صوتك زوين
وشكلك وسيم بحال ممثلي هوليود
تبسم وقال شكرا ماعمري شفتك مع منصف واش أنتي على علاقة معاه او نتي كيف قالت شرين عبد الوهاب( أنا مش مبيناله انا ناوياله على ايه).
ضحكت وقالت أنا على علاقة معاه
ولكن بلى منكدب عليك هو ممسوقش
حتى نرسل ليه الميساج عاد يجاوب وحتى ندير معاه موعد عاد نتلقاو
وهو مكيجي منو والوا لكن مشكلة أني كنحبو ومعرفت ماندير .
قال أمرك ساهل مترسلي ليه لا ميساج ولا تديري معاه موعد وماتجوبيش حتى على الميساجات ديالوا مدة 15 اليوم.
قالت مانقدرش قال راك تقدري غير حاولي إلى كنتي باغا المساعدة مني.
وإلى نجحت الخطة قولي ليه انك مليتي من هاد العلاقة وإلى كنتي فعلا باغي تستمر معايا أجي خطبني من دارنا (أنس واخا قال هاد لكلام عارف ان منصف ماغاديش يجي يخطبها حيث اصلا منصف كاع مامسوق ليها كيف هي قالت).
دازت الأيام دارت سهيلة بي نصيحة أمين مدة 15 يوم ونجحت .
ومنصف قرر انه من بعد شهر غادي يجيب والديه ويخطبها.
سهيلة عجبها الأمر ومشات عند أمين وهي فرحانة وكتقول ليه لي وقع
وهو كيسمع وهادئ
وكيقول في نفسوا كون غير فشلت هاد الخطة لي قلت لك .
وتبسم وقال متنازليش على كرامتك لي أجل أي شخص مهما كان حتى حد مايستاهل.
.قالت كلامك صحيح غير بعد المرات الغرام مكيخليش ليك العقل باش تشوف الصواب من الخطأ
واش كان عندك شي علاقات في المغرب مع فتيات .
قال اه لكن غير علاقات عابرة مع المراهقات.
فقط وحدة لي كانت كتجمعني بيها علاقة صداقة ماشي الحب
وهي لي طالت علاقتي الأخوية معاها
و فهمت أنا الصداقات تستمر أكثر من الحب.
أنت تقرأ
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
