تلميذ مغربي ينقطع عن الدراسة
6 سنوات
وبعد رجوعه الى الدراسة
يقع في حب أستاذته الجزائرية التي في مثل سنه.
مقتطف من القصة
قال امين سهيلة انا كنحبك وباغيك في لحلال.
هزت راسها شافت فيه بي غضب
وقالت أنا جايا عندك باش تخفف عليا وانت باغي تستغل لح...
لبس أمين ملابس أصبح يضهر فيها بحال ممثلي هوليود ومشا مع الام ديالو لعند سهيلة وأخدو معهم بعد الهداية .
وصل امين لدار سهيلة إتصل بها وجات حلت الباب سلمت عليهم ورحبت بيهم .
و أول ماشافوه الاب والام ديال سهيلة نباهرو بي الاناقة ولجمال ديالو رحبو بيهم.
جلسو وقالت ام أمين حنا جينا عندكم ليوم بغينا بنتكم لولدي أمين.
قال الأب ديالها مرحبا وشاف في سهيلة وقال اش كاتقولي أبنتي .
سهيلة حشمت وهبطت راسها وهي مبتسمة.
قال الأب واش موافقة أبنتي على امين .
أشارت براسها اه بلا ماتكلم .
قال الأب الله يكمل ليكم بخير نسيت ماسولتكمش واش نتوما من سطيف.
قالت الأم لا واش ما قالتش ليكم سهيلة ان حنا من المغرب.
ملي سمعها أب سهيلة تصدم وبان في وجهوا الغضب وهبط راسو وبدا يحك جبهتو بيدو وهاز راسو وشاف في امين وقال ولدي أمين بغيت نتكلم معاك بيني وبينك.
ناض الأب وتبعو أمين وبعدو عليهم.
قال الأب انا ماكنتش عارف انكم من المغرب .
تبسم أمين بإستغراب وقال دابا انت كتعرف اننا مغاربة فين المشكل.
قال الأب أ ولدي منقبلش بنتي تتزوج من مغربي.
أمين تعصب وقال وعلاش .
قال الأب حنا عندنا مشاكل مع المغرب وفي 1963 في حرب الرمال بين المغرب والجزائر قتلوا ليا المغاربة الاب ديالي وعمي كلهم كانو في الجيش الجزائري أنا مايمكنش نعطي بنتي لناس كانو سبب في قتل عائلتي وانا مزال طفل صغير .
تأتر سعد بي كلامو وقال أنا متأسف ليك
وحرب الرمال ماتوا فيها مغاربة وجزائريين ولكن أنا مكنتش في ديك الحرب وشنو ذنبي
واش أنا مسؤول على حرب جرت قبل مانتولد .
قال الاب أنا ماكنلومكش ولكن مايمكنش نزوج ليك بنتي .
قال أمين هاذ الامر كيرجع لك .
وبغا الاب ديالها يستهزأ من امين وقال ليه إلى قدرتي انك تفتح الحدود بين المغرب والجزائر نزوجك بنتي.
أمين حس بأنه كيستهزأ بيه وماعاودش تكلم معاه ومشا عند الأم ديالوا وهو غضبان وقال أمي ياله نمشيو .
إستغربت الام منو ياله بغات تتكلم وهو يشير بي راسو لا بلى متكلمي وما قالت والو.
ومشى عند أم سهيلة وقف أمامها تبسم رغم المرارة لي في قلبوا
وقال شكرا على الكرم ديالك واللطف.
الطعام كان لذيذ.
شاف في سهيلة وأشار براسو ان أبيها رفضو .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
