قالت سناء كتكذبي عليا وكتقولي الجمال ديالو متوسط وهو ينافس على ملك جمال المغرب .
ضحكت سهيلة وقالت درتها ليك مفاجأة
ملي وقف شفتك مصدومة وكاتشوفي فيه جاتني الضحكة ومبغيتش نضحك باش منحرجكش قدامو.
قالت سناء هذآ هو المغربي لي كنت كنقلب عليه عفاك أختي سهيلة ديري شي قهوة معاه وعيطي ليا .
قالت سهيلة واخا من بعد.
دازت الأيام وكان أمين مريح مع سهيلة في المقهى.
دازت امامهم سناء
شافتها سهيلة وعيطت عليها
جات سناء وريحوا مجموعين
وعرفتهم سهيلة على بعضيتهم .
بقاو كيتكلمو وقالت سناء الى ماكان عندك حتى مانع باغا نعرف علاش تعطلتي في الدراسة ديالك .
قال الامر عادي نقول لك كنت في عمل خيري في الصحراء المغربية
وخطفوني البوليساريو ودروني في سجن في المخيمات عندهم 6 سنوات.
قالت سهيلة بي إستغراب هاد الشي مقلتيهش ليا.
قال انتي مسولتينيش وهاد الشي انا كيألمني غير سناء سولتني وجوبتها.
قالت سناء أنا أسفة ماعرفتش هاد الشي.
قال ماشي مشكل انا السجن كان خير ليا تعلمت فيه بزاف الأمور واللغة الإسبانية والإنجليزية.
يقول الله سبحانه عسى أن تكرهوا شيئا وهو خير لكم.
زاد الإعجاب ديال سناء بي أمين بي سبب أنه بان ليها شخص واعي و مثقف
وقالت كاين فيلم أمريكي جميل إسمو Sweet November في السينما
انا كنعرض عليكم باش تفرجو فيه .
قالت سهيلة انا عندي شي شغل
وسناء متافقة مع سهيلة باش ترفض ويمشي غير أمين وسناء.
قال أمين أنا موافق .
قالت سناء وهي مبتسمة نهار السبت مع 15h00 .
وصل السبت وتلقى أمين معا سناء و
مشاو إلى السنما
بقاو كيتكلمو وكيضحكو وكيتعارفو أكثر .
بدأ الفيلم تفرجو فيه و خرجو إلى أقرب مطعم
ريحو وأثناء الأكل
قالت سناء عجبك الفيلم.
قال أمين اه أنا تفرجت فيه من قبل.
قالت بي إستغراب وعلاش مقلتيهاش ليا ملي عرضت عليكم وكون مشينا لي سينما أخرى وشاهدنا فلم اخر .
قال لا يهم أنا جيت إلى السنما فقط من أجلك حيث عرضتي عليا.
عجبها كلامو وتبسمت وقالت شكرا لك.
وصلاتوا في السيارة ديالها إلى الدار فين ساكن.
شكرها ومشات.
في الغد سولت سهيلة أمين وقالت شنو بان ليك في سناء.
قال امين بنت لطيفة وجميلة وكتحس ملي كتكلم معاها أنك كتعرفها من زمان.
قالت بلى كذوب واش حبيتيها .
شاف فيها وقال أنا كنحب وحدة أخرى وقلتها ليك المرة لي فاتت.
قالت ربما طلعت لك في راسك وقلتي نبدل .
قال بي صوت حزين كل يوم كيدوز كيتزاد حبي ليها
أقسم لك أني ماعمري حبيت شي بنت قد حبي ليها
وغادي ندير المستحيل باش نديها
بقات ساكتة ومأثرة حيت شافت في عينيه حب عميق ودارت بلا ماتكلم ومشات .
بقا كيشوف فيها وهي غادى حتى مبقاتش كتبان ليه .
أنت تقرأ
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
