قالت سهيلة صحابك غاضبين عليك أ أمين
حيت أهنتي بلادهم
ملي قلتي ليا تصحابي حنا في سويسرا راه الإسعاف ماتجي على ساعة.
شاف فيهم وقال بغيثوني نعتذر
أولا انا ماقصدتش نقلل من الجزائر لي أني كنحبها
وكنحب ناسها
والثاني حتى في بلادي نفس المشكل الأمن ماكيجي حتى مكتبقاش باغيه
وكدلك الإسعاف.
واش عارفين أني في هاد السن إلى بغيت نقرى في المغرب صعيب يقبلوني
وانا غير جيت لعند المدير وقلت ليه بي أني مغربي قبلني وكبر بيا
و وقف معايا واش أنا غادي نرد الجميل ديالوا بي أني نهين بلادو مايمكنش.
الجزائر والمغرب عندي أنا واحد
وحنا كنتشابهو حتى في عدد السكان
نتوما حوالي 40 مليون عندكم وحتى حنا بحال هاذ العدد .
حنا درنا ثورة الملك والشعب في 1953 وأنتم درتو ثورة نوفمبر في 1954 كلنا درناهم على الإحتلال الفرنسي حتى في الثورة كاين التشابه وعندنا نفس العدو.
تبسم وكمل كلامو وقال حنا في المغرب عندنا في رمضان الشربة الأساسية هي الحريرة
وحتى نتوما وبي الخصوص في غرب الجزائر.
حنا حتى الحريرة كنتشاركو فيها كيفاش غادي نحتاقركم.
وبداو كيضحكوا.
وحتى هو ضحك وقال لكن واحد لي خاصني نعتذر منو هي هاد السيدة الفاضلة
وأشار إلى سهيلة .
سمحي ليا سيدتي أني رفعت عليك صوتي كنت مرعوب على صديقة ديالنا وقللت أدبي معاك.
أنا سيدتي كنعتبرك أم ديالنا كاملين رغم صغر سنك كتضحي معانا بي وقتك
وحتى خارج الفصل في المقهى و مكتقوليش لينا كيف ما كيقولوا الأخرين
(لي مابغاش يقرى شغلو هداك أنا راه سالير ديالي دايز )
ماعرفينش انهم مسؤولين أمام الله إلى مداروش خدمتهم .
أثر فيها بي كلامو
وبدات كتبكي وقالت شكرا لك على هاد لكلام.
وبداو الحصة .
وملي إنتهت الحصة.
خرجوا التلاميذ .
ومشات سهيلة عند أمين
وقالت ماكانش كيصحاب لي نتا خبير في السياسة .
قال الحمد الله خيبت الضن ديالك وطلعت متقف .
تبسمت وقالت أنا عارفاك متقف راك كتقرى عندي وكنشوفك كل يوم غير السياسة في الغالب ماكيهتمش بها الشباب.
قال متافق معاك نسولك واش غاضبة مني.
قالت لا بي العكس أنا فخورة بك .
تبسم وقال شكرا بزاف هوما إلى بغاو يغضبوا عليا غير يغضبوا أما نتي لا .
تبسمت وقالت وعلاش أنا لا .
قال حيت إلى غضبتي عليا غادى تسقطيني .
وهي تضحك بي صوت عالي وقالت باي إلى بقيت معاك غادي تهبلني
وهي غادى بقا كيشوف فيها
وقال أنا لي كيهمني هو نكون معاك
لايهمني اني نهبل أو شيئ أخر.
إنتهت الحصص الصباحية .
ومشا أمين وسهيلة عند ريم للمستشفى خرجوها وداوها لدارهم.
تكلم أمين مع أم ريم قال ليها غادي تحبسي من الميناج وديري مشروع صغير في دارك .
قالت شنو ندير أولدي .
قال غادي تولي ديري الفطور والغداء بي المأكولات ديالكم وأنا غادي نتكلف ليك بي كل حاجة تخصك .
أفضل ما تبقاي خدامة عند الناس ليوم كامل بي ثمن قليل.
في المحل ديالك تخدمي غير حتى لي 14h00 وتحبسي .
و من بعد تدخلي معاك إمرأة تعونك وملي يسر ليك الله تكبري المشروع ديالك.
أما بالنسبة لريم انا تكلمت مع الأم ديالي عليها و وافقت باش نساعدها
وتكلمت مع شركة(وصلني ) باش يولي يديوها إلى المدرسة ويجيبوها حتى تصح إن شاء الله.
شكروه
وقال متشكرونيش شكروا ربي لي يسرني ليكم.
سمعي أخالتي إلى ربي أخد منك الزوج ديالك فاربي ماغديش ياخد منك رزقك غادي يوصلوا ليك فينما كنتي.
قالت عندك الحق أولدي ونعم بي الله .
دازت الأيام وجاب ليهم كاع مايخص وخدمت المشروع مزيان.
أنت تقرأ
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
