وصلت حصة المقهى وملي إنتهت .
بقى أمين كيتكلم مع سهيلة .
وقالت سهيلة أمين واش مكتحبش بلادك .
قال أمين أكيد كنحب بلادي والأب ديالي قدم روحو لي اجل المغرب
علاش هاذ السؤال .
قالت غير سولتك حيت تكلمتي عليها بسوء داك اليوم .
قال حتى وإن كنت كنحب بلادي راه لايمكن اني نحب كل شيء فيها .
غادي نقول لك قصة حدثت في بلادي كل مرة كنتفكرها كنتألم.
في 1972 دارو الجنرالات إنقلاب .
ومانجحش وشدوهم وحكموا عليهم بالإعدام .
وكانو معاهم عسكر جايين مع القائض ديالهم معرفينش بي الإنقلاب
ومدارو والو
وتبين في المحكمة أنهم أبرياء.
مع ذالك شدوهم وحكمو عليهم .
كاين لي حكمو عليه بي سنة وسنتين وثلات سنوات.
عرفتي شحال بقاو في السجن يا سهيلة 18 سنة
في زنازين كل واحد بوحدو.
معندهمش الضو و مكيشفوش الشمس
منهم لي مات ومنهم لي حماق.
ولي مرض مكيعطيوهش الدوا
كيبقى إما يموت أو يشفى
والأكل شويا ديال القطنية عامرة بالحجر و شي مرات كيلقاو فيها المسامر والحشرات .
أما لي مات مكيغسلوهش ومكيصليوش عليه كيحفرو حفرة ويلوحوه فيها .
وكان معاهم واحد مرتو أمريكية
كان كيخليوه يخرج لي الشمس وكيجيبو ليه الأكل الشواء والفريت داكشي زوين فقط حيت مرتوا أمريكية.
كيفما قال أحمد المرزوقي : المغربي يساوي درهم.
والأمريكي يساوي دولار.
تأثرت وقالت هاد شي عيب عليهم علاش كيديرو بحال هكذا .
قال أنا ماشي كنكره بلادي غير أنا ماشي منافق لي كاين كنقولوا ولو يكون سيئ وأتمنى تصبح بلادنا العربية أفضل
صافي نساي هاد الموضوع راه كيألمني.
قالت أوكي بغيث نعرض عليك لمطعم خاص بالأكل الجزائري .
تبسم وقال انا موافق .
مشاو لمطعم دخلو ريحو وقالت سهيلة كيف جاك المطعم .
قال جميل تبارك الله غير انا كيهمني الأكل وليس شكل المطعم .
ضحكت سهيلة .
جاب ليهم النادل الأكل .
بداو في الأكل ودخلت بنت
شافتها سهيلة وتصدمت من جمالها وقالت أمين شوف وحد البنت كيف دايرة بي الزين والملابس ديالها متناسقة واو .
قال امين لا مانشوفش.
قالت غير شوف مالك.
قال لا.
ضحكت وقالت أنت كتحشم بزاف.
امين ماعجبوش كلامها وقال واش عارفة أنا الناس لي مريحين في المطعم حتى واحد فيهم ما عارف انك فقط أستاذة ديالي.
كلهم كيشوفوا فينا أننا حبايب او متزوجين
الى بقيت كنشوف في البنت لي قلتي غادي يشوفوا فيك بي نضرة إحتقار
وغادي يقولوا السيدة مريحة معاه وهو ممسوقش ليها وكيشوف في وحدة أخرى .
أنت تقرأ
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
