ليت الليالي سمحة محيّا

1

السلام عليكم ورحمة الله وبركاته
اسعد الله اوقاتكم

أكتب لكم لعلي أجد مبتغاي في الكتابة وأنال إعجابكم في القراءه ، استمتعوا .

للكاتبة: أديم
انستقرامي : ade_em09

( لاتلهيكم الرواية عن الصلاة في وقتها وعن ذكر الله )

البارت الاول 

في ليلة ظلماء وفي احد طرق السعوديه وفي سيارته السوداء وعلى دندنة محمد عبدو وفي ذهن شارد يفكر رعد بياس ويعيد ذكرى وفاة اهله قبل اسبوعين وكانه حلم او بالاصح كابوس سوف يرافقه طوال عمره تنهد وحاول يبعد الافكار الحزينه واصبح يفكر في مستقبله وفي طريقه الى ديرته .

تصبر وهو يردد :( أرجوك يالله ان يطمئن قلبي لوقت طويل ، طويل بما يكفي ليعوض أيام قضيتها تحت رحمة القلق )

أول شخصية بروايتي رعد : عمره 26 سنه ، إنسان هادي طول الوقت لكن إذا عصب مايشوف اللي قدامه ، غامض وصامت محد يعرف وش يفكر فيه او وش بقلبه، شاعر وفصيح لسان ، طويل وقوامه جميل يملك عيون واسعه وحاده الكل يهاب نظرته وعيونه لكن كان جميييل لابعد حد وبتتعرفون على شخصيته ومواصفاته في الروايه

الساعه 7 وربع صباحاً وصل رعد ديرته وتحديدًا حارتهم قدام باب بيت جده ناظر يمين ويسار بيت جده هذي بيوت عمامه الأربعة 3 من عمامه يسار وواحد منهم يمين وعمته بعد يمين جمب عمه تنهد وتقدم للباب وطقه انتظر ثواني وفتح الباب والا بشاب ماتعرف عليه رعد بس قال : السلام عليكم
الشاب ناظر سيارته الفارهة السوداء وطول قامته وثوبه المرتب وشماغه ورد باستغراب : وعليكم السلام امرني ؟؟؟؟
رعد : جاي اسالك عن ابو محمد موجود ؟
الشاب : لا والله جدي بالسوق وش بغيت يمكن أقدر اساعدك
رعد فهم ان الولد من ابناء عمامه او عماته من كلمة جدي : لا مومشكلة بجلس انتظره بس ام محمد هنا ؟
الشاب برفعة حاجب : جدتي !!! وش بغيت من جدتي اي موجوده بس انت مين عشان تسال عن جداني .
رعد بهدوء : رح قلها واحد اسمه رعد بن خالد يبي يقابلك وهي بتعرفني
الشاب بدا يفهم من هالرجال وتسحب بشويش وهو يقول : طيب اقلط هنا مجلس الرجال بناديها لك
تقدم رعد جلس وهو متوتر داخلياً وصامد خارجياً وجلس ينتظر

الشاب راح بعجله داخل وينادي:  ياجده ياجده وينك ياجده
ام محمد وهي طالعه بسرعه من المطبخ : هاه هاه يافهد وش فيك تصارخ
فهد بتوتر: ياجده في واحد بالمجلس يبيك
ام محمد بإستنكار : رجال !! يبيني !!!! منهووو؟
فهد وهو متوتر مره وبهدوء وترقب قال : رعد بن خالد
شهقت ام محمد وراحت بعجله للمجلس وفهد يمشي معها ودخلت بسرعه على رعد الي فز وقف يوم شافها دخلت
ام محمد : هاه ياولد خالد جاي لجدتك ليه وانت مو شايفها 19 سنه هاااااه ياولد خالد وش عندك بعد كل هالسنين " قربت لين صارت قدامه بالضبط وبدموع قالت " هاه وين ولد بطني عني ؟ وين خالد ماشوفه معك ؟ وينه الي ترك امه 19 سنه ماتدري عنه وينه ؟

تقدم رعد خطوتين وانحنى يبوس راسها وادرف: البقى لراسك عظم الله اجرك في ابوي ياجده

ام محمد ماعاد الارض تشيلها طاحت ع ركبه وصاحت بصوت علي : شلون مات ماشفته وشلون ماشاف امه " صاحت اعلى " ياحسرتي ععلييييييييك ياخالد ياحسرتي عليك يمه رحت ماودعتني اه
ضمها فهد ويهديها : ياجده هذا امر الله ياجده قولي لا اله الا الله ياجده صبر ياجده صبر
قطع عليهم دخول ابو محمد للمجلس وهو يردف : وش هالصياح وش صاير ؟ " ناظر رعد " من هالرجال الي تصحين عنده يامره وش فيكم

تقدم رعد وباس راسه وقال : معك رعد بن خالد ياجدي " شدد على الكلمة "

نوقف هنا وعطوني توقعاتكم للجزء الثاني  .
"
أستودعكم الله ♥️