ليت الليالي سمحة محيّا

5

السلام عليكم ورحمة الله وبركاته

الجزء الخامس :

بالسياره عبدالعزيز ومشعل متهاوشين على الاغاني مشعل: ماتفهم انت توك انت مختار دوري الحين
عبدالعزيز: تخسي والله ماتحط
ينط مشعل فوق عبدالعزيز يحاول يسحب الجوال
عبدالرحمن يصارخ عليهم : اااااااي ياكلاببببب عورتوني بعدوا بس
فهد وهو لف كل جسمه ورى : والله لو ماقعدتوا لاانزل عليكم
بوسط صراخهم وهواشهم مد يدة رعد وطفى الصوت كلهم لفوا عليه عبدالعزيز: خييييير اغنيتي
رعد بهدوء: مابي اسمع صوت كذا افضل لا اغاني ولا هواشكم
مشعل : ييييييييع وش هالنفسية ترى نتمازح حنا
عبدالعزيز متفق معه : حنا مخططين كل شوي واحد يحط وراضين شدخلك انت
رعد ببرود : سيارتي !
مشعل : ترى حركات ورعان والله اترك عنك هالحركات وشغل لنا الصوت
عبدالرحمن: احسن عشان تعرفون تتهاوشون
عبدالعزيز بعصبيه : انت اسككت
فهد : رعد شغله وهم يتفقون كيفهم
مارد رعد وكمل طريقه عم الهدوء بالسياره وكلن معصب ع الثاني
مشعل وهو يرسل بقروبهم اللي للحين مادخلوا رعد فيه : وش فيه هذا نفسيه
عبدالعزيز: قهرني قهرني قسم بالله ببلعها واسكت لين نرجع
عبدالرحمن: تستاهلون لنا ساعه من مشينا وانتو متهاوشين
عبدالعزيز: وربي لو م انطميت لا امردغك هنا
عبدالرحمن: ماتقوى الا علي شكلك
مشعل / لا تتهاوشون الحين خلونا نفتك من هالنفسية ونرجع
طلال : وش فيكم ؟ وش صاير ؟
فهد يكتب : تحسونه ورع صح ؟ شفتوه طنشني
طلال : وشو علموني
مشعل يرد على فهد : اييييي انصدمت يوم قال كيفي سيارتي
عبدالعزيز : ليتني جلست ولا جيت
فارس يكتب : وش فيكم
عبدالرحمن: بس نرجع نعلمكم

وصلوا العاصمه تحديداً بيت عمهم خالد ابو رعد اعجبهم  كبر البيت ووسع الحاره نزل رعد وطفى سيارته وقال: اقلطوا
نزلوا بصمت معه فتح الباب ودخلهم المجلس وولع المكيفات على الخفيف لان ظهر الرياض حتى بالشتاء يجي شمس وخصوصا ان المجلس قزاز وممتلى حراره وقال انا داخل غرفتي اجمع اغراضي البيت بيتكم ادخلوا وخذو راحتكم
راح رعد غرفته وبدا يجمع اشيائه البسيطه والمهمه

عند العيال من طلع رعد وهم يتناقشون
فهد : خلاص اسكتوا عنه انتو بعد
عبدالعزيز: قهرني والله
مشعل : كنه يذلنا الوسخ
عبدالرحمن: اتركوا حركات الورعان وارفعوا علومكم خلاص الولد مايعرفكم ولا يعرف اطباعكم يومهم تتسيمجون
سكتوا كلهم وجلسوا بصمت كل واحد ع جواله
بعد فتره طفشوا العيال
عبدالعزيز وهو يهز رجله بملل : ذا وينه ؟
فهد : طول بالك شوي يجي

بعد دقايق دخل رعد وهو يقول : يلا مشينا
قامو كلهم واعطى فهد مفتاح سيارة سيارته وقال : فهد انت خذ سيارتي سوقها وانا بتصير معي سيارة ابوي
( كمل وهو متاكد محد بيجي معه ) من يجي معي ومين مع فهد
كلهم بصوت واحد مع بعض : انا مع فهد
مات ضحك رعد وكلهم ضحكوا من بعض
فهد : اجل يلا
رعد : بس بمر على خالتي اسلم عليها واخلص من شغله والحقكم
فهد : لا بننتظرك
رعد : مو مطول جاي وراكم
عبدالعزيز: خايفينك تهج ماتجي
رعد : لا معكم ان شاء الله
عبدالرحمن: نجلس ننتظرك هنا وشوله نمشي بدونك عشان انا برجع معك اصلا
فهد : خلص شغلك وتعال لنا حنا هنا
رعد : تمام