ليت الليالي سمحة محيّا

2

السلام عليكم ورحمة الله وبركاته

الجزء الثاني :

تقدم رعد وباس راسه وقال : معك رعد بن خالد ياجدي " شدد على الكلمة "

- نوقف شوي نعرفكم على ام محمد وابو محمد 
ام محمد " نوره " : انسانه حنووووونه وكريمه ورحومه تحب عيالها واحفادها مره ولاترضى عليهم قبل 19 سنه تركهم واحد من عيالها وبنشوف السبب بعدين من وقت مافارقها وهي مكسوره وحزينه ، بتتعرفون عليها زين مع الاحداث

ابو محمد " سالم" : انسان صارم كلمته وحده مابعد كلامه كلام الكل يهابه ، تاجر وراعي محلات ، مايتفهم بسرعه ، الكل يتحاشى الكلام معه ، قبل 19 سنه طرد ولده وحاول مايبين انه ندم كان ينتظر ولده يجيه من نفسه مو هو يروح له كان يكابر ومستحيل يظهر حبه ومشاعره

على بكاء ام محمد دار هالحديث
ابو محمد : لا هلا ولا مسهلًا ياولد القاطع وينه هو ماجاء الرخمه !!!

رعد ضبط اعصابه وتفهم زعل جده وقال بحده شديدة : ابوي توفى ياجدي لاتذكره بالشينه " اذكروا محاسن موتاكم " وانا جايك حسب وصاته

لحظة صمت
ابو محمد دارت به الدنيا واظلمت ضغط ع نفسه وسأل بانكسار: شلون مات ؟ متى مات ؟ وش صاررر لخالد؟؟؟ شلوون مات
رعد جلس واشر لجده يجلس جاء فهد سند جده وجلسه
أردف رعد : ابوي وامي صار لهم حادث من اسبوعين ابوي توفى ساعة الحادث وامي جلست بالعناية وبعد يومين توفت " كمل بضيق " ماعندي اخوان زي مانتو عارفين ف شلت عزاء ابوي ماخلص العزاء الا رجعت حطيت عزاء امي قبل 4 ايام لقيت ابوي تارك لي وصيه وصاني على اشياء كثير من ضمنها اني اجي لكم بالديره وحاط لي موقع بيتكم بالضبط كان كاتب " ابني الشهم رعد هذا موقع بيت اهلي واذا غيروا بيتهم روح البيت الي على يمينه بيت اخوي محمد او جمب محمد بيت اختي منيره او يسار بيت والدي 3 بيوت لاخواني اول واحد من اليسار ناصر ثم احمد ثم مساعد ، ولا دور بيت جوري كانت صغيره الحين يمكن تزوجت او بعمر الزواج روح لاي بيت منهم واسال عن امي وابوي وروح لهم وقلهم خالد يقول والله العظيم من فارقتكم فارقتني الراحه وسعة البال والله مامر علي يوم الا وانتو ببالي الحياه بعدكم صعبه صارت الدينا سوداء يمه آنا مشتاق لك مشتاق لحضنك وحنانك ياليتني بقيت طفل ولا كبرت وصار اللي صار ( انهارت ام محمد بكي مع محاولات فهد بتهدئتها) كمل رعد وهو يقول : ابوي يابطلي وسندي الاول اشتقت لهواشك لي اشتقت لحياتي معك اشتقت لتعليمك لي يبه كنت اتمنى اصير مثلك بس ياليتني صرت ربع منك بس ( غطى وجهه بشماغة ابو محمد يمسح دموعه الي صارت تنزل لا شعوري) كمل رعد : واخر شي يقولكم ابوي سامحوني حللوني لو كان بيدي ماصار الي صار كله غصب عني سامحوني خسرت دنيتي مابي اخسر اخرتي .
كمل رعد : هالوصيه كاتبها ابوي من سنه تقريبا ومخبيها فيها كلام كثير بس هذا الجزء اللي يهمكم بس

ابو محمد وهو يحاول يتماسك ويمسح دموعه : لا اله الا الله انا لله وإنا اليه راجعون ، الله يرحمه ويغفر له ، بحل وسماح ابوكك محلله على كل شي الله يرحمه ويغفر له
ابو محمد وقف يكمل كلامه : قومي يام محمد جهزي فراش لرعد يرتاح
قامت بثقل ام محمد وهي تهمس : ابشر
وقف رعد : تسلم ياجدي بس انا مستعجل وبمشي
ابو محمد حلف : والله ماتمشي ارتاح الحين واليوم بجمع عمامك كلهم نستبيح ابوك منهم ، اهم شي سالت محد يطلب ابوك او يبي منه شي؟
رعد: اي الحمدلله محد يطلبه شي
ابو محمد : زين زين ادخل ارتاح عند جدتك
انحرج رعد يدخل وخصوصًا مو عارف البيت وأهله مايذكره زين كان صغير اخر مره دخله
فهمه فهد على طول وبادر: هلا والله بالغالي ولد عمي تعال تعال انا ادخلك
ابتسم رعد بدون رد وكمل معه

وهم طالعين من المجلس يكمل فهد : عزالله تو مانورت الديره برعد
رعد : منوره باهلها
دخلوا على ام محمد وهي حاطه فراش لرعد بغرفة فاضيه عندها وهي تردد: ياهلا والله ياوليدي قرة عيوني بشوفتك عندي
ابتسم رعد بدون رد
كملت ام محمد : بخليك هنا ارتاح والحمام جمب غرفتك اذا بغيته واذا تبي شي بس نادني
رعد ووده يقفل النقاش من الصداع الي حل عليه من الخط والصياح : ان شاء الله

طلعوا وخلوه يرتاح انسدح تغطى وهو يحس برد هالشتاء مايوصل صدره اللي شاب نار ناظروهو يتامل البساطه والدريشه الصغيره والغرفه الفاضيه ويناظر مع الدريشه المفتوحه ويناظر بيت جده الشعبي البسيط تغطى وهو يقول لنفسه : ( اسفي هاليوم يا قارئ ان هالسعه والفساحه اللي بالكون ماعاد تشملني .. هاليوم بالذات)

وهو يتامل نام بدون مايحس من التعب.

صحى على ازعاج البيت من كل جهه يسمع اصوات جلس يتامل نفسه والمكان اللي هو فيه . .

نوقف هنا توقعاتكم للجزء الثالث

استودعتكم الله