ليت الليالي سمحة محيّا

6

السلام عليكم ورحمة الله وبركاته

الجزء السادس :

رجع رعد مع طلال وصلوا بيت ابو محمد شاف العيال يشيلون اغراض من البيت ويركبون بسيارة جده الشاص راح لجده اللي ناداه: هلا جدي
ابو محمد : عيال عمك خلصوا الغرضان يلا بنروح مجلسنا هناك نستقبل اهل الديره
ناظر رعد مكان اللي اشر له جده كان بيوت شعر مفتوحه قبال بيتهم تقريبا والعيال هناك يشوفهم مشتطين
رعد : جدي بروح اتلبس واجي
ابو محمد ناظر ساعته اللي 7 ونص : بسرعه الناس جت الحين وانتبه بنات عمك داخل خل جوري تشوف لك درب
رعد وهو داخل : طيب يلا
دخل عند الباب المطبخ ونادى جوري جته : هلا رعد
رعد : بروح الغرفه اللبس شماغي وبطلع
جوري: غرفتك رتبناها حطينا شنطتك بغرفتي رح لها لان غرفتك بتصير مجلس اضافي للحريم
رعد : ليه مو غرفتك المجلس
ضحكت جوري / عشان غرفتك فاضيه بسرعه تنشال انا مليانه عفش
رعد : طيب بسرعه شوفي درب مالي خلق هواش جدي
جوري : وجع ابوي ترى
رعد : ماقلت شي ترى
جوري : ادخل غرفتي البنات كلهم بالصاله
مشت قدامه تشوف له الطريق وراح غرفتها فتح الباب ودخل مستعجل وقفل الباب رايح السرير اللي عليه شنطته لمح طيف واقف جمبه يمين بمكان المرايه لف شوي شوي ناظر اللي قدامه بنت اول مره يشوفها انذهل من الجمال اللي قدامه بنت شعرها نص ظهرها تاركته مسدول ولابسه فستان بنفسجي لنص الساق كان عاري الكتوف ومطلع تفاصيل جسمها ناظر وجها وهو محتار وش يمدح وش يخلي ثغرها فتنه وانفها جميل رفع عيونه بعيونها المصدومة عجز يبعد عيونه عن عيونها كانت رماديه تلمع لمعه غريبه انهبر بعيونها مايدري عدسات ولا حقيقه بقى يتامل فيها لين شافها جلست وبيدينها تغطي كتوفها ونزلت راسها عشان مايشوف وجها شاف شعرها شلون تحرك وكانه سور حاوط وجها يغطيه من كل جهه عن رعد
وعى على نفسه بعد ماشافها غطت نفسها عنه طلع وهو ينادي من عند الباب من برى على جوري

جوري جايه مستعجله : هلا
رعد :  الظاهر في احد بالغرفه ابي شماغي بس
جوري وهي تفتح الباب : صدق من فيه اووه ليالي وش عندك بغرفتي
دخلت وخبطت الباب رعد اتكى ع الجدار وحط يده ع قلبه وهو يتنهد ويفكر : ليالي اسمها نسيت منهو من عمامي عنده ليالي يويلي عليك ياليالي خذني قلبي . . انتبه لجوري اللي تندهه: وش فيك ماتسمعني
رعد وهو شارد بذهنه: ها هلا
جوري وهي تضحك : وش فيك اليوم ؟ خذ خذ رح لا يتاخر ابوي بس
رعد وهو يفكر وشلون يطلع بدونها ودها يرجع يعيد اول لقاء ، ضحك ع نفسه وهو يتبع جوري اللي طلعته من المطبخ وهي تقول : رعد صور لي كل شي ابي احط بحساباتي
رعد : اقلبي وجهك حلايا وجهي قدام جدي مطلع جوالي اصور
جوري : ماتوقع يقولك شي
رعد : عشان يهبدني بالدلال
جوري : عادي اهم شي نصور
مشى وهو يقول : وخري بس عطيتك وجه انا وتاخرت
جوري من بعد بصوت عالي : باااااااي
طلع مبتسم بدون مايرد جلس بسيارته
لبس شماغه وطلع عطره وتعطر وسحب جاكيته الكت الاسود ولبسه وهو يمسك جواله  فتح الملاحظات وينزل من سيارته رايح العزيمه كتب اول بيت بليالي/