ليت الليالي سمحة محيّا

10

السلام عليكم ورحمة الله وبركاته.

اسعد الله اوقاتكم بكل خير اتمنى تكونون بخير وسعادة

حيّ الله الناس الطيبة وحي الله القلوب الحلوه اسعدتوني امس بقرائتكم وتوقعاتكم للاجزاء ، انبسط دايم بلطفكم وكرمكم وحلو كلامكم الله يرفع من قدركم ويسعدكم شخص شخص والله اني محظوظه فيكم و الحمدلله عليكم ، ماطول عليكم بس حبيت اشكركم بدايةً . .

يا عاقد الحاجبين على الجبين اللّجين
‏إن كنت تقصد قتلي قتلتني مرّتين

‏تمر قفز غزال بين الرّصيف وبيني
‏وما نصبت شباكي ولا أذنت لعيني

‏تبدو كألا تراني وملؤ عينك عيني
‏ومثل فعلك فعلي ويلي من الأحمقين

‏مولاي لم تبق مني حيّاً سوى رمقين
‏أخاف تدعو القوافي عليك بالمشرقين
‏
- بشارة الخوري

- الجزء العاشر :

" صباح ملكة لارا "

في بيت ام فهد تكلم ام جهاد وترد لها بالموافقة من زواج جهاد بليالي

في بيت منيره :

لارا ووقفت امام المراءه تنهّدت وهي ترى عيناها اللي بات عليها اثر البكاء . . بالامس فقدت كُل أعصابها لم يكن السبب عدم اخذ رايها بقدر ماهو احراج من اللاتي حضرن الحدث . . تنهّدت لم يعُد الصبِر ينفع أبدًا . . ولم يعد للمحاولة مجال . . لاشك انها ستخفي كل مشاعر الرفض وستظهر العكس اليوم , لم تنام طيلة الليل وهي تُفكر وأستخارت وتُريد أن تُنهي كل شيء وتريّح هذا القلب من التفكير وتُعطي العقل فرصة أن يُقرر ! ولكن آبى القلب ان يُقرر فليس لقرارهِ مُستمع . . خرجت من غرفتها قاصده اتجاه والدتها

منيره أنتهت من غسيل الحوش وداخله متوجه للمطبخ
عند باب المطبخ وقفت لارا : قبل تكملين شغلك أبغاك بموضوع
منيره بمكابر  : خير ؟
لارا : أنا فكرت وأستخرت
منيره رفعت حاجبها : إيه
لارا : قبل لانكبر هالفجوة وقبل لانغلط على بعض أكثر أنا أبي اقولك رغم ان رايي ماله اهميه انا موافقه على هالزواج مابي احد يعرف ان امي غاضبتني لهالزواج ، حظي كل ماحاولت أزيّنه من جهة أنكسر من جهة ثانية !! ابي الناس تدري ان برضاي مو غصب
منيره بتانيب ضمير لاذع :بس ذا اللي تبيه
لارا بإرتباك : إيه وكثر الله خيركم
منيره  : تم
جت لارا بتطلع ماقدرت رجعت مره ثانيه
لارا بغصه و حروفها ترتجف : لـ . ليــــــــــــ...ـ...ــــــــــــه . .. ليه ليه يمه ؟
منيره واقفه بصمتْ
لارا  : قولي أنك تحبيني مثل فجر وليان خواتي قولي اني مثلهم عندك قولي كنت بشاورك قولي انه هذا رايك مبدئياً عطيني فعل واحد بس ابي يبين انك مو قاصده انهان قدام بنات خوالي بس ابي يقول أنك تحبيني مثل خواتي وماعاد بفتح سيرة هالغصيبه أبد
منيره  . . سكتت وهي محتاره تعلم بنتها ولالا
لارا : مافيه أفعال تبيّن حُبك لي مافيه شي يبين ودك لي  !! كيف اصبر ابي سبب واحد يخليني اصبر
منيره : لأنك أنتي غير ، الحرمه مختارتك خصوصا لان الولد طالبك بالاسم صارت سالفه وانا حامل فيك . . " سكتت شوي "مو لازم تعرفين
وخرجت من المطبخ بسرعه متوجه لغرفتها
لارا بقهر مشت وراها : الحين عطيتيني بداية الموضوع وتخبين الباقي علي !! أنا ابي اعرف كل شي مابي اصير جاهله شي او وش الاسباب !! واوعدك ماجيب للموضوع طاري ابد !!
منيره ألتفت عليها وقررت ماتقولها اليوم : روحي تجهزي اكيد شوي يجونك البنات
لارا تكتفت ودمعها يتجمع بمحاجرها وابتسمت باستهزاء : منتي معطيه نفسك حتى تعلميني !! ماعليه يمه بس لا تلوميني على اي شي اسويه " ضحكة باستهزاء وقهر " أبشري بصير احلى عروس اليوم
منيره وهي متوترة كل شي تمسكه وتنزله من يدها : زين انا بكمل شغلي 
لارا : يمه جرحتيني جرح محد يعرف عمقه الا انا من امس احاول ابرر لنفسي سبب لك وأقول معليه هذي امي عيوبها محاسن . . لكن ماعاد يُطاق هالشيء والله ماعاد لي حيل بهالوضع . . . حبّيني بس شوي يمه بس شوي تكفين . .  
طلعت غرفتها تمسح دموعها وتجهز اغراضها قبل يجون البنات قررت تكتم حزنها وتنبسط قدام الناس اقل شي