ليت الليالي سمحة محيّا

8

السلام عليكم ورحمة الله وبركاته

كل عام وانتم بخير جميعاً

اعتذر على التاخير

البارت الثامن :

بعد يومين في يوم زواج ليان و احمد ولد عمها الكل ببيت ابو محمد بعد ماتجهز الامهات جاهزين والعيال بالحوش كاشخين ويصورون ويسولفون البنات بغرفة جوري مقومين الحرب وكل وحده مضيعه شي كان الكل سعيد ومبسوط

بغرفة جوري وهم يلبسون عبايتهم
جوري : بسرعه ابوي عصب يابنات
كلهم : يلا يلا
ليالي وهي تاخذ المبخره من ريما : هاتي هاتي انتي خلصتي تكفين روحي خوذي جوالي مع امي لا تطلع وهو معها
ريما : يلا بسرعه باخذه واطلع مابقى الا انتي وترف بسرعه
ليالي ونوف : يلا دقيقه بس
طلعت ريما الصاله تدور عمتها ام فهد بتاخذ جوال ليالي : بنات شفتن عمتي ام فهد
منيره وهي مرتبشه ومتوتره : اي راحت المطبخ

ابو محمد من عند البنات : يلا ماخلصتننننن بسرعه تاخرنا على العرب
ام محمد : الا يلا خالصات ، يلا ياجوري قولي للبنات
جوري بصوت عالي بنص الصاله يدها باذنها تقفل حلقها : يلااااا يابنات يلااااا بسسسسسرعه

بالمطبخ ريما داخله مستعجله وهي تتلفت بالمطبخ : عمه وينك ، لفت جهة الثلاجه لقيت واحد واقف محمل بيده علب مويه شهقت وجت بتصرخ . .

عند العيال فارس وهو قايم : بجيب علب مويه احد يبي
رعد وفيصل وعبدالرحمن : انا
فارس ؛ طيب

دخل المطبخ مع باب الحوش وفتح الثلاجه طلع 4 علب مويه سكرها بطرف رجله على مالف الا قدامه بنت كانت لابسه فستان اسود طويل ساتان وعاري من فوق شعرها طويل تاركته مفتوح بدون تسريحه وتوقع فارس انها مو حاطه مكياج والصحيح حاطه مكياج درجات النود ومكثفه الرموش على عيونها كانت طويله وجسمها جميل شك انها عارضه لان هالجمال مايشوفه الا بالصور انصدم من كمية الجمال تمنى لو كل عمره  يناظرها مستحيل يمل هالجمال ومناظره . . شاف فارس انها بتصارخ على طول نطق : اش اش
ويجي بيطلع من الباب شده شهقتها وهي تبكي من الخوف قال :  انتي مين
ماردت ريما وهي تشاهق وتبكي
لف ناظر لها وهو يقول اخر مره صدق اخر مره بناظرها: مين انتي تكفين بسرعه قولي عشان اطلع قبل يجي احد يفهم خطا
ريما ببكي وصوت متقطع : انـ اا ريـ ييما

طلع بسرعه فارس ومعه علب المويه نزلهم كلهم عند العيال ونسى انه عطشان جلس وبقى ساكت وقلبه يدق بقوه يمكن خاف ان احد شايفه او يمكن من شكل ريما المثير مايدري

ريما وهي تطلع للبنات بالصاله وهي تبكي
كلهم بصوت واحد : وشششش فيك
ريما : سكرت باب المطبخ ع يدي
جو يشوفون يدها مافيها شي ريما تهمس للبنات بصوت واطي : صرفوا بعدين اعلمكم
جوري : ياحياتي ريما بسيطه رضه خفيفه
ليالي : واضح ماتعور خلاص اهدي
ترف : يمكن بكت من الخرعه ماعليه
ام محمد: بسم الله عليها يلا دام مافيها شي اطلعن
لارا جت  : يلا بنات نطلع ليان جاهزه ، ( ناظرت ريما) وش فيك تبكين  ؟
ريما : بعدين اعلمك امشي نطلع الحين
طبعاً ريما نست جوال ليالي من الربكه ماخذته من ام فهد