Unicode
နောက်ပြောင်ကျီစယ်ခြင်း
လူသတ်လိုက်ပြီ....လူသတ်လိုက်ပြီ....
အိမ်ရှေ့စံက လူသတ်လိုက်ပြီ...
၀မ်ချီရဲ့ထိတ်လန့်နေတဲ့အကြည့်တွေက ယွဲ့ရှန်းရဲ့အလောင်းကိုကြည့်နေရင်း ကြက်သီးတွေပါထလာသည်။
သူရုပ်ရှင်တွေထဲမှာပဲ အသတ်ခံရတဲ့ပြကွက်မျိုးမြင်ဖူးပေမယ့် အခုလိုသူ့မျက်စိရှေ့တည့်တည့်ကြီးမှာ လူတစ်ယောက်အသတ်ခံရတာကိုတော့ ပထမဆုံးအကြိမ်မြင်ဖူးခြင်းဖြစ်သည်။
၀မ်ချီတစ်ယောက် ဗိုက်ထဲမှာအော်ဂလီတွေဆန်လာကာ အကြောက်တရားကအန်ချချင်စိတ်ကြောင့်လွင့်ပျယ်သွားသည်။
သူတဝေါ့ဝေါ့အန်ချလိုက်ချင်ပေမယ့် ကံကောင်းစွာနဲ့ထိန်းထားလိုက်နိုင်ပြီး အနောက်ကို၂လှမ်းလောက်ဆုတ်လိုက်သည်။
ရှီးရယ်ဘေးမှ ကုန်းကုန်းတွေ နန်းတွင်းအစေခံတွေကလည်း မြင်နေကျမြင်ကွင်းကိုကြည့်နေရသလိုမျိုးအံ့သြမနေကြပေ။
ကုန်းကုန်းကြီးက မျက်နှာသေနဲ့လက်ခုပ်၂ချက်တီးလိုက်တော့ ကုန်းကုန်း၄ယောက်ထွက်လာကာ ယွဲ့ရှန်းရဲ့အလောင်းကိုသယ်ထုတ်သွားကြသည်။
၀မ်ချီကတော့ ကျောက်ရုပ်တစ်ရုပ်လိုရပ်နေဆဲ။
ထို့နောက် အစေခံတစ်ယောက်က လက်ကိုင်ပ၀ါထုတ်လိုက်ကာ ဒူးထောက်ပြီးယွဲ့ရှန်းအားထိခဲ့တဲ့ရှီးရယ်၏လက်ကိုသေချာသုတ်ပေးနေတာကို ၀မ်ချီတိတ်ဆိတ်စွာကြည့်နေသည်။
ရှီးရယ်ကခေါင်းစောင်းပြီး အေးတိအေးစက်အကြည့်တွေက ၀မ်ချီဆီရောက်သွားသည်။
သူ့ရဲ့ထက်ရှနက်ရှိုင်းတဲ့အကြည့်တွေက ၀မ်ချီရဲ့၀ိညာဥ်ကိုတောင်ထိုးဖောက်ပြီးစိုက်ကြည့်နေသလို ခံစားနေရသည်။
၀မ်ချီကလျင်မြန်စွာခေါင်းငုံ့လိုက်ပြီး လက်ဖက်ခြောက်သေတ္တာကိုကိုင်ထားတဲ့လက်တွေက တုန်ယင်နေသည်။
ထို့နောက် ရှီးရယ်ကအေးစက်စက်အသံနဲ့
"မင်းက အခြားလူတွေဘာပေးပေး ယူတာပဲလား...နဲနဲလေးမှသတိမရှိဘူး"
၀မ်ချီရဲ့ခေါင်းကပိုငုံ့သွားပြီး မြေပြင်ပေါ်ကိုပဲစိုက်ကြည့်နေကာ ရင်ထဲမှာမုန်တိုင်းထန်နေသည်။
ယွဲ့ရှန်းသူ့ကို လက်ဖက်ခြောက်လက်ဆောင်ပေးတာ ရှီးရယ်ကဘယ်လိုသိတာလဲ....
ထိုအချိန် ရှီးရယ်က
"ဒီလက်ဖက်ခြောက်ထဲ အဆိပ်ခတ်ထားမှာမကြောက်ဘူးလား"
YOU ARE READING
အာဏာရှင်၏ကိုယ်လုပ်တော်အဖြစ်သို့ကူးပြောင်းလာခဲ့ခြင်း(မြန်မာဘာသာပြန်)
FantasyThis is not my own story. It is fan translation. Credits to original author. Picture credits to original artist. Associated name- 穿成暴君的男妃 English name- Transmigrated to become the Tyrant's Male Concubine Type-Chinese novel Author- Sweet And Greas...
