" အဲ့တော့ မင်းကငါ့ကိုကယ်ခဲ့တာလား ... "
ဆေးရုံကုတင်ပေါ်က Jayက လူနာဝတ်စုံဖြူဖြူကြောင့် ပိုပြီးဖြူဖျော့နေသလိုလို ။
ဒါပေမယ့် ဘေးခုံမှာထိုင်နေတဲ့ ကောင်လေးကိုမကြည်သလို ကြည့်နေတဲ့ Jayမျက်လုံးတွေက အရှိန်အဝါပြင်းနေတုန်း ။
Jayရဲ့ ဒီလိုမီးလိုမျက်လုံးတွေနဲ့ အကြည့်ခံရတဲ့သူဟာ ရိုးတွင်းခြင်ဆီထဲအဖောက်ခံရသလို ကြောက်ရွံ့နေကျ .. ။ ဒါပေမယ့် ထူးဆန်းစွာပဲ Jayရဲ့ အရှိန်အဝါတွေက ဒီအသားဖြူဖြူကောင်လေးပေါ် နည်းနည်းမှ သက်ရောက်မှုမရှိဘူးလားမသိပါ ။
Jayကို ထီမထင်တဲ့မျက်လုံးတွေနဲ့ပြန်ကြည့်ရင်း ပီကေတောင် တဖောက်ဖောက်ဝါးနေသေးသည် ။ ဘယ်လိုငတိလဲမသိ !
" ဟုတ်တယ် .. "
ကြည့် .. အသံကအစ အချိုးမပြေတာမို့ လူကြီးဖြစ်တဲ့ Jayကပဲ တစ်ထစ်လျှော့ပေးလိုက်ရပါ၏ ။
" ဘယ်သူတွေလုပ်တာလဲဆိုတာ မင်းသိလား "
" မသိဘူး ။ ရုပ်မြင်ရင်တော့ မှတ်မိမယ်ထင်တာပဲလေ "
အေးပေါ့ .. မေးသာမေးရတာ ဒီလက်တောက်လောက်ကလေးက ဘယ်သိမှာလဲ ။ Jayကတော့ အံကြိတ်ထားမိတာ နှုတ်ခမ်းသားတွေတောင် ပေါက်တော့မလို့ ။
သေချာတယ် .. ဟိုကောင်ပဲနေမှာ ။
" ဒါနဲ့ ... ကျွန်တော်ပြန်တော့မယ် "
" အော် ပြန်ပါ "
" ဟ ဒါပဲလား "
" ဟင် .. ထပြီးနှုတ်ဆက်ရဦးမှာလား ။ အဲ့တာတော့ စိတ်မရှိနဲ့ကွာ .. ငါ တကယ်မထနိုင် ..."
" ဟေ့လူ ... "
ရုတ်တရုတ်ကြီး ထိုင်ရာကထခုန်ပြီး ရှူးရှူးရှဲရှဲဖြစ်လာတဲ့ ကောင်လေးကြောင့် Jayမှာလဲ အူကြောင်ကြောင် ။ မနေ့ညက ရေထဲကန်ချခံထားရတာငါပါဟ ။
" ခင်ဗျားကို သက်စွန့်ဆံဖျားကယ်ထားခဲ့ရတဲ့လူကို ဒီအတိုင်းကြီးပြန်လွှတ်တယ်ပေါ့ ။ သူဌေးဖြစ်ပြီးကပ်စေးနည်းလှချည်လား ခင်ဗျားအသက်က ဒီလောက်တောင် တန်ဖိုးမရှိတာလား "
" ဟင် ရှိပါတယ် .. "
" ရှိရင် ပေးလေ ပိုက်ဆံ "
YOU ARE READING
𝙒𝙝𝙚𝙣 𝙏𝙬𝙤 𝙒𝙤𝙧𝙡𝙙𝙨 𝘾𝙤𝙡𝙡𝙞𝙙𝙚 (𝙥𝙨𝙝.𝙥𝙟𝙨)
FanfictionWhat If ... ? CEO Park Jay's competitive world and Student Park Sunghoon's broke monotone world COLLIDE ? SungJay / JayHoon Burmese Fanfiction
