Unicode.....
"ကိုကိုရေ ဂွတ်မောနီးးးး"
"ကိုကိုရေ မနက်စာဘာစားမှာလဲ"
"ကိုကိုရေ ညကရောနွားနို့သောက်ရဲ့လား"
"ကိုကိုရေ ဒီနေ့ဘာအရောင်ဝတ်မှာလဲ"
"ကိုကိုရေ နေ့လည်စာဘာဟင်းချက်လဲ"
"ကိုကိုရေ ဒီပုစ္ဆာလေးရှင်းပြပါဦး"
"ကိုကိုရေ ပြန်တော့မယ်နော်"
"ကိုကိုရေ ဂွတ်နိုက်"
"ကိုကိုရေ...."
"အားးးး မှားပါတယ် သေလောက်တဲ့အပြစ်ကြီးကိုကျူးလွန်မိပါတယ်။ တောင်းပန်ပါတယ် ဖေဖေရေပြန်ခေါ်ပါတော့ ကျွန်တော်အိမ်ပြန်ချင်တယ်"
ဒါကဘုရားစူးသုံးရက်အတွင်း ဂျုံဆောင်းနဲ့ထိုကလေးကလားလေးရဲ့ ဂယက်တစ်သိန်းဖြစ်သည်။ စာလာလုပ်ရမည်ဆိုသည့်အကြောင်းပြချက်ဖြင့် စာကြိုးစားချင်စိတ်အပြည့်ရှိရှာသည့် ထိုပတ်ခ်ဆောင်ဟွန်းက သူရောက်ပြီးနောက်နေ့ကစလို့ မိုးလင်းကမိုးချုပ်သူတို့အိမ်မှာလာသောင်တင်နေတတ်ပြီး ညအိပ်ချိန်တောင်မနည်းပြန်လွှတ်ရသည်။
ဂျုံဆောင်းမှာ တနေ့တနေ့မိုးလင်းမှာတောင်ကြောက်နေရသည်။ ပြောရင်းဆိုရင်း ဟိုသံဒီသံတွေနဲ့မနက်ခင်းမှာ နေလုံးနီနီကြီးကထွက်လာပါတော့မည်။
ပုခုံးပေါ်တဘက်လေးတင်၊ လက်ထဲမှာသွားတိုက်ဆေး သွားတိုက်တံတို့ကိုကိုင်ကာ သူခိုးခြေလှမ်းလေးဖြင့် ခြံထဲကိုမျက်နှာသစ်ဖို့ဆင်းရပါဦးမည်။ သတိကတော့ကြီးကြီးကိုထားမှရမှာ။ ဟိုကောင်စုတ်လေးက နေမထွက်ခင်တည်းက ဂျုံဆောင်းကိုချောင်းနေတာလေ။ ကံကလည်းကောင်းချင်ရင် ဇွတ်။ သူတို့ခြံနှစ်ခြံကမျက်နှာချင်းဆိုင်ဖြစ်နေသည်။
နောက်ဆုံးမှာတော့ အိမ်ရှေ့လှေကားထစ်ကနေ ခြံတံခါးနားကရေဇလားကြီးဆီသို့ ဘယ်သူမှမမြင်အောင်ရောက်လာသဖြင့် ဂျုံဆာင်းဟာ အသံတိတ်အောင်ပွဲခံနေသည်မှာ လက်သီးလက်မောင်းတန်းကာ ခုန်ဆွဆွ။
"ဟေ့ကောင် ဂျုံဆောင်းရားးး အဲ့မှာခုန်ပေါက်ပြီးဘာတွေအရူးထနေတာလဲ ငါလည်းလာပြီလေ။ အထုတ်တွေလာသယ်ပါဦး"
