Unicode
အီဟီဆွန်းကိုရည်းစားတော်တဲ့သူကအရူးပဲ
အံ့ဩစရာကြီးနော်
ပိုအံ့ဩစရာကောင်းတာဘာလဲသိလား
အဲ့လိုပြောခဲ့တဲ့ငါက သူ့ရည်းစားဖြစ်သွားတယ်တဲ့
ʜᴏɴᴇʏ's ᴅᴀʀʟɪɴɢ
***သို့
ချစ်လှစွာသောဂျုံဆောင်းလေးရေ။
မင်းကကိုယ့်ကိုသိချင်သိလိမ့်မယ် ဒါပေမယ့်ကိုယ်ကမင်းကိုမသိပါဘူးကွယ်။***
ဟမ့် ဇောက်ထိုးကြီး သူရူးနေတာများလား
ဂျုံဆောင်းပထမစာကြောင်းကိုစိတ်ထဲကဖတ်ပြီး သူ့ရှေ့မှာမအီမလည်ရုပ်နဲ့လာရပ်နေတဲ့ မဟာတန်းက စီနီယာအီဟီဆွန်းအား ဘောက်ဆတ်ဆတ်ဖြင့်မျက်လုံးလှန်ကြည့်လိုက်သည်။
ထားပါလေ ပေးတဲ့သူကအီဟီဆွန်းပဲဟာ အဲ့လောက်တော့ရှိမှာပေါ့။ ကဲ ဆက်ဖတ်မယ်။
***ရင်ထဲမှာရှိတဲ့စကားတွေကို စာနဲ့စီရင်ကုန်နိုင်မှာမဟုတ်ပါဘူး။ဒါကြောင့်ကိုယ့်နှလုံးသားဆီကလာတဲ့ ရှည်လျားလှတဲ့မင်းကိုချစ်မြတ်နိုးကြောင်းသံစဉ်လေးတွေကို စိတ်ရှည်ရှည်လေးနဲ့ ဖတ်ကြားပေးဖို့ အနူးအညွတ်မေတ္တာရပ်ခံပါရစေနော်။***
အင်း ရှည်ထားတယ် မတရားကိုဆွဲဆန့်ပြီးတော့။
ဂျုံဆောင်းဒုတိယအကြိမ် စီနီယာဟီဆွန်းကိုထပ်ကြည့်လိုက်သည်။
ဂျုံဆောင်းသူ့ကိုယ်သူချစ်စရာကောင်းတာလက်ခံပေမယ့် ခုလိုမျိုးသူ့ကိုရည်ရွယ်ထားတဲ့ ချစ်ကြောင်းကြိုက်ကြောင်းစာရှည်ကြီးများကို ဒီနေရာတင်မတ်တပ်ရပ်ဖတ်ဖို့အထိတော့ စိတ်ကမရှည်။
***အများကြီး ချစ်တယ် ဂျုံဆောင်းလေး
မှ စီနီယာဟီဆွန်း***
ဘာရယ်!
ပြောတော့အရှည်ကြီးဆို
"အီဟီဆွန်း ခင်ဗျားမျက်နှာလာပြောင်တာလား"
"ဟင် မပြောင်ရဲပါဘူးခင်ဗျာ"
"အဲ့ဒါဆိုဘာလဲ ရွဲ့တာလား ပြောတော့ရှည်လျားထွေပြားလှတဲ့ ချစ်မြတ်နိုးကြောင်းသံစဉ်လေးတွေဆို!!"
