_ رائـحــة عــطــر مــخــتــلــط بــٱلــدمــاء _
حيدات القفازات من يديها دليل على نهاية الحصة وقبل ماتسمح ليهم بالإنصراف نطقات:نبغي فالحصة جاية تجيبولي معلومات شاملة و بؤسلوبكم الخاص مسموح تستاعنو بالمراجع، نبغي فوائد الخل أضرارو ع...، وقبل ماتكمل جملتها قاطعتها احدى الطالبات :
_ واش الاضرار ديالو على الأكل وكفاش كفسد بعض الأطعمة ولا على جسد الإنسان؟
و بكل برودة أعصاب تبسمات ليها مارن وتقدمات نحوها رافعة راسها عاليا بخطوات موزونة واثقة مجرد شوفة تخليك تأكد انه لي واقفة قدامك أنثى متمردة لاتنصاع.
مارن(ببرود، طلعاتها وهبطاتها) :دايرة رجيم ياك،الكرش تبارك الله معندكش!
الطالبة(ابتاسمات وجاوبات بكل ثقة فنفس) :أكيد والصبور حتى هو شي حاجة ضرورية فالحياة.
مارن(حمرات فيها وجها ونطقات بصوت عال) :ديك الشحمة لي نقصتيها من جسمك عششات ليك فذماغ والقل*اوي خدمي ديك صندوقة لي عندك (بهدوء) و اخر مرة تقاطعيني.
بكل شفافية البنت مرگات ونزلات راسها متفادية شوفتها وخا تكون كاطير مع طيور جات هاذي حداتهم ليها، وهي لي كان يصحابها درويشة وماتحرك البيضة من بلاصتها صدق من القال المظاهر خداعة .
مارن(بتهكم) :بغيتكم تعرفو اضرارو و فوائدو على المخطوطات، امتى خاص نستعملوه وامتى كنعوضوه بالحرارة... حركو يديكم شوية باغين تاخدوها باردة و لا كفاش،(بٱستفزاز) طلبة غا بالفم نص فيكم طالع مزاحم هنا و مقرد ليا بحال الخ.را فاش كتجمع عليه الذبان.
الخلاصة ماطلقاتهم حتى صبطاتهم مزيان ولي راجل ومزغرتة عليه مو سبعة دزغرتات يجاوبها ليلو مايطلع عليه نهار. . .
بــــــاريـــــــس
[مدينة الأحلام، مدينة الحب، باريس مدينة العطور]
فمكتب التحقيقات المركزي، و بالضبط فغرفة الإجتماعات، حيث متواجدين مجموعة ضباط من مختلفة بقاع العالم من ملامحهم تقدر تعرف انهم في قمة أعصابهم و الله ينجينا و ينجيكم من المحققين فاش كتعصبو. دام الصمت مدة حتى نطق الشخص لي متراس الطبلة ملامحو شيطانية رغم كبر سنو تقدر تستنتج انه كان نابغة في زمنه نظراتو حادة حركاتو موزونة جسمو رياضي متقولش هاذ السيد داخل ف ربعينات و الحقيقة مكضهرش عليه نهائيا انو فالأربعينات .
°°°°:(ببرود) بون دازت سيمانة و مزال سيادتكم ملقاو حل(خبط الطبلة) كنظن ماعندناش غاهاذ القضية لي كتسنا!
نطق ستيفن من بعد تردد كبير[ ستيفن ماكمان ضابط في مركز التحقيقات البرتغالي26سنة يعتبر من أحسن المحققين فالبرتغال]: مستر أمارا حنا دايرين كثر مافجهدنا مي الشخص معامن كنتعاملو ذكي بزاف معرفت شنو الغرض ديالو من هاذ سرقة و(قاطعو أمارا مغنزر)
امارا: هاذ الخبير كامل زيدو فكر*ك بغيت الأفعال أما الهضرة كلنا كنعرفو ليها.
ستيفن:صراحة بما أن المجرم كياخد كل ماهو أثري و ضروري من بعد أي سرقة يخلي وراه جثة كنقتارح ان(قاطعو ليان هونغ ضابط كوري 29 سنة حتى هو يعتبر من احسن الضباط في مركز التحقيقات الكوري )
ليان: بغيت تقتارح مشاركة البروفيسور جابريال (ختمها ب ابتسامة استفزاز)
ستيفن (مغدد) تماما داكشي لي كنت غانقول.
أمارا(بقا ساكت شحال ) : صافي عيطو على هاذ البروفيسور نبغيه غدا يكون حاضر هنا.
وناض فحالو ماعطاهمش حتى فرصة فين يدويو لحد الأن معتابر راسو انه تواضع و دخل معاهم فهاذ نقاش لي تافه و لي خلاهم يزيدو غبي أخر من أغبياء الدولة كيف كيقول هو.
أنت تقرأ
CHANEL|شانيل|
Acciónبـــقـــلـــم: إدغـــــــــار. ْC H A N E L🎷 _ يـمـكـن أن يـكـون لـلـقـدر ألـعـاب قـذرة تـورط بـها ٱلـكـثـيـرون . . ْ ْ ْ كــمـا يـمـكـن أن يـتـواجد شـخـص أنـهـى تـلـك ٱلـألـعـاب و أصـبـح يــتــلـاعـب بـٱلـأخـريـن...
