_رائـحــة عــطــر مــخــتــلــط بــٱلــدمــاء _
ستيفن:بصح عندها الحق خاصة أن الغرض لي تسرق هاذ المرة مختالف.
شافت فيه مارن بٱستغراب كانت نسات هاذ النقطة و انغامسات مع الأوراق و هاهو دابا ستيفن مفكرها فيه حولات انظارها ل ليان لي غير لاحظ ابتسامتها الشيطانية كحل بالعمى عارفها اش كتسوا ماشي اول مرة يخدم معاها.
مارن :علاه شنو تسرق؟
جولان(بٱستغراب) :علاه مافراسكش. . .
_وسط كوخ فالغابة محيطة بيه الاشجار من كل الزوايا.
جالس فوق كنابي سوداء مسرح رجليه و فوق طابلة مبعثرة عدة اوراق يديه اليمنى شاد بيها سهم صغير ديال الميكة باللونين الاسود و الاحمر اما اليسرى فحامل بيها سيگار مرة مرة كنثر منو وهو ساهي لبعيد سرعان ماشير بداك السهم لطابلو لي امامه جا وسط جبهة صورة مارن لي معلقة الوسط و رابط بينها و بين صورة جولان و ليان خيوط حمراء رقيقة حداهم صور لكل من متحف اكروبولس و معالم لندن مدينة الضباب و لن ننسى صور المحيطات الزرقاء مربوطين مع صور مارن بخطوط رقيقة سوداء و فجنب كاينة صورة لامرأة متحجرة ذات نظرة حادة شعرها عبارة عن ثعابين و صورة لجواهر زرقاء لامعة كتوسطهم صورة لمجموعة عطور شانيل ناذرة غريبة الشكل.
ابتاسم بشيطانية و ظهرت فعينيه لمعة، وحده رب العالمين لي عارف فاش كفكر هاذ المجهول،نطق بصوت هامس باللغة اللاثينية :
_Iter cum Canali unguentis inchoavimus, transivimus obsessionem Medusae, et ante magicam lapidis lazuli aliquantisper subsistemus.( بدأنا الرحلة بعطور شانيل مرورا بهوس ميدوسا و سنتوقف قليلا امام سحر جواهر اللازورد)
جملة كفيلة تخلي اي شخص يحطات منو و من تصرفاتو و جنونو الظاهر من كل حركة كيقوم بيها .
قاطع حبل افكاره صوت رنة الهاتف نثر من سجارته عاد خداه من جنبو فاتح الخط سامح لشخص لي من وراء السماعة بالتكلم. . .
#يتبع
أنت تقرأ
CHANEL|شانيل|
Aksiyonبـــقـــلـــم: إدغـــــــــار. ْC H A N E L🎷 _ يـمـكـن أن يـكـون لـلـقـدر ألـعـاب قـذرة تـورط بـها ٱلـكـثـيـرون . . ْ ْ ْ كــمـا يـمـكـن أن يـتـواجد شـخـص أنـهـى تـلـك ٱلـألـعـاب و أصـبـح يــتــلـاعـب بـٱلـأخـريـن...
