رائـحــة عــطــر مــخــتــلــط بــٱلــدمــاء _
_كانت ماسكة الهاتف بيديها و على محياها علامة
التركيز الظاهر أنه هاتف مهم قطعات الاتصال و تاجهات لمكتبها حلات البيسي و بدات كطابي فيه بسرعة دقائق
ضغطات على زر الارسال و ناضت من المقعد حاملة
صاكها خارجة من دائرة الشرطة ضربات فعيونها الزرقاء
أشعة الشمس شيء لي خلاهم يلمعو ساطت بسخط و
لبسات نظاراتها الشمسية كتنتاظر فسيارة الأجرى لي
طلبات توصل، كل مرة كتفقد ساعتها مابغاتش ضيع
عليها فرصة استقبال مارن، صداقتهم مختالفة
كتنافسو مع بعض و فنفس الوقت كدعمو بعضهم الفرق
أن مجالاتهم بزوج مختالفة بعض الأحيان كتجمعهم مهمة مع بعضها مثلا نقل أثار و لا توفير الحماية لشي
قطعة أثرية إلخ، قاطع أفكارها الطاكسي لي وقف قرب
رجليها حلات الباب الخلفي و ركبات بذون ماتعير
اهتمام لسائق و لا شكون هو. . .
➖بـــــاريــــس .
خرجات ماسكة عدة أوراق بيضاء فيديها شعرها المتوسط
كتطاير بسبب الرياح القوية رغم أن الجو مشمس، ركبات
فسيارتها متاجهة للمطار لي مكانش بعيد على المركز
لاحت السوارت للحارس بعدما خدات شنطتها لي كلما
تفكرات انها جمعاتها و غاترجع ترتب الحوايج لي فيها فالماريو من جديد كتسخط و تخسر سيفتها، جلسات
فمقعدها بعدما لقات السلام عليهم بحيث لقاتهم سبقوها، ماتسوقاتش لنظراتهم و بدات كدوز الأشعة
مافوق البنفسجية على الأوراق و كتدون شنو مكتوب
فمذكرتها الفضية. . .
كان الصمت سائد بيناتهم حتى تكسر بتساؤلها :
هاذ القطعة الأثرية كفاش كان شكلها؟
الجميع استغرب من سؤالها حتى نطق ليان بتوتر :
احم عااادية ..را(قاطعو أمارا)
أمارا(بسخرية) :مافراسكش بلي ماشي قطعة أثرية لي تسرقات هه. . .
أنت تقرأ
CHANEL|شانيل|
Aksiبـــقـــلـــم: إدغـــــــــار. ْC H A N E L🎷 _ يـمـكـن أن يـكـون لـلـقـدر ألـعـاب قـذرة تـورط بـها ٱلـكـثـيـرون . . ْ ْ ْ كــمـا يـمـكـن أن يـتـواجد شـخـص أنـهـى تـلـك ٱلـألـعـاب و أصـبـح يــتــلـاعـب بـٱلـأخـريـن...
