رائــحــة عـــطـــر مــخــتــلــط بــٱلــدمــاء.
🎷فصول ماض دمجت بالحاضر لتكتب لنا المستقبل🎷
دارت رجل فوق رجل كتشرب فقهوتها و مرة مرة كتشوف فيه .
الينا:دابا مالك صافي برد.
أمارا(مغدد) :ليان لياان مامسروطش ليا ملي جا شاك فيه ايخرج علينا.
الينا(بٱهتمام) :المطلوب؟
أمارا:بغيت معلومات عليه هو و مارن مايمكنش يكون مقتارحها لهاد المهمة هو و ستيفن غاهكاك.
الينا:مكنظنش ستيفن غايكون داخل فهادشي.
أمارا:عارف هداك غا رويجل مدخل راسو للبوليس بزز، هاذ الخدمة الا مكنتيش سبع ينهشوك الذياب.
الينا(ميقات فيه) :زدتي فيه، على اساس حنا مطيسينو واحد يحفر للاخر و كاين لي بايع الماتش و كاين لي لاعب على جميع الجوانب بحالنا .
أمارا(شرب من قهوتو) :الأفضلية لينا طبعا، ورقة الجوكر عندنا.
الينا:كبان ليا مارن لي ضحية فهادشي، مكانش عليها دخل لهاد صداع اخرتها تمـوت.
أمارا:هي لي بغات حد ما ضربها على يديها و قال ليها تجي هه زعما شوفوني راني خاترة.
الينا:ليام توريك غاتنهشنا كاملين تعفط و دوز و عقل فين قلتها ليك.
ناضت مخلياه مبتاسم ،نطق بهمس و نظراتو كلها شر:
_هاحنا غانشوفو هادي لي غاتنهشنا كاملين لمرة لولة فلتات منها .
فــلــاش بــاكـ.
قبل ماتقلع طيارة بنصف ساعة شاف فهاتفو و تاجه لطواليت بدل ليه الكارط و دوز الاتصال ثواني و تشد الخط .
أمارا:غانعطيك واحد العنوان و معاه واحد الصورة بغيتك تجمع رجال و تفضيو مع مولاها.
الشخص:كون هاني مستر أمارا ماشي اول مرة تعامل معانا.
أمارا:و حيث ماشي اول مرة عارف اش كاين.
قطع عليه و لاح ديك الكارط فالطواليت مخلي الماء كيتكب عليها باش دوز و هو تاجه للمكان ديالو جالس مرتاح بحالا ماشي هو لي يلاه كان كخطط باش يقــتل مارن و يتهنى منها.
نــهــايــة ٱلــفــلــاش بــاكـ.
دوز الخط لشخص لي دوا معاه فالطيارة كتسناه يجاوب دازت دقيقة و زوج مكان حتى شي رد قطع و عاود صونا لكن هاذ المرة تشد ليسمع صوت غريب عليه و سرعان ماتحولو ملامحو لصدمة فاش نطق بكلماتو :
_أمارا الشافيعي حصلتي. . .
أنت تقرأ
CHANEL|شانيل|
Aksiyonبـــقـــلـــم: إدغـــــــــار. ْC H A N E L🎷 _ يـمـكـن أن يـكـون لـلـقـدر ألـعـاب قـذرة تـورط بـها ٱلـكـثـيـرون . . ْ ْ ْ كــمـا يـمـكـن أن يـتـواجد شـخـص أنـهـى تـلـك ٱلـألـعـاب و أصـبـح يــتــلـاعـب بـٱلـأخـريـن...