رائــحــة عـــطـــر مــخــتــلــط بــٱلــدمــاء.
🎷فصول ماض دمجت بالحاضر لتكتب لنا المستقبل🎷
#خيوط_ٱلنهاية_
خدات فنجانها و رجعات لغرفتها متاجهة لدرج فين خبات الورقة فتحاتها و عاودات قراتها لكن هاذ المرة بصوت مرتافع :
_______ٱلحياة كانت قاسية معاك كيفما كانت قاسية مع ولديك، كنتي بنت 3 سنين فاش قرر باباك يعطيك ل ريلز و مارغاريت يربيوك حفاظ على سلامتك، خصوصا بعد عدة رسائل تهديد كانو كتلقاوها بسبب عطور شانيل و لا نقول العطور المحرمة أساسا من بعد عام توفاو على اثر السم لي تحط ليهم.
هاد العطور من حقك أ مارن شانيل، صحيح غا يجيك اسم غريب لكن وقتما بغيتي ترجعي نسب عائلتك غانساعدك حيث هداك حقك كيفما هاد العطور من حقك، أنا لي سرقتهم من الأول مكنتش باغي ندخلك فهاذ الصداع كامل لكن حتى حاجة مكتمشي كيف باغين و عمرها غاتمشي، أكيد غا تساءلي الا عطيتك هاذ العطور شنو اتكون اخرتها مع الشرطة؟ غانقوليك بلي طلبت يتصنعو عطور مشابهة ليهم و كوني أكيدة حتى واحد مغايشكش.
أنا وراء قتـل ريلز و مارغاريت عتابريه انتقام على شنو دوزو عليك خاصة أنهم باعوك ل نادر ألستون و لا نقول أحمد العلماني ولا نقول ولدي الغير الشرعي هه لي ساعدني هو و خوه فبزاف د لحوايج.
فاش حسو بالخطر كانو عيطو ليك باش يخبروك الحقيقة و بلي هوما ماشي والديك اتفقت مع هاذ الاخير و وهمتو انهم خانوه و هكذا تسدات القضية.كنت باغي ندوي كثر لكن ضروري ما نحتافظ بشي حوايج،يمكن يجي شي نهار نتلاقاو و نعاودهم ليك.
توقيع:زوج عمتك|هنري روبرت|_______
طوات ديك الورقة و رجعات للكوزينة خدات البريكة و شعلات فيها العافية و الابتسامة مامفارقاش شفايفها ضحكات بمرح و هي تنطق :
كنظن غانكمل حياتي كلها و انا حفيدة سرية لغابريال شانيل (بٱستهزاء) مارن شانيل. . .
رجعات لبيتها تشرب قهوتها باش تتاجه من بعد عند الفريق لي أكيد حتى هوما توصلو بنفس الرسالة .
أنت تقرأ
CHANEL|شانيل|
Azioneبـــقـــلـــم: إدغـــــــــار. ْC H A N E L🎷 _ يـمـكـن أن يـكـون لـلـقـدر ألـعـاب قـذرة تـورط بـها ٱلـكـثـيـرون . . ْ ْ ْ كــمـا يـمـكـن أن يـتـواجد شـخـص أنـهـى تـلـك ٱلـألـعـاب و أصـبـح يــتــلـاعـب بـٱلـأخـريـن...
