عدنان: والله لا اشتتهم واعذبهم واحد واحد ولا ما يكون اسمي عدنان بن شامخ
ضحك خالد واردف:شتتهم جعل ما يشتتهم غيركك
بالمستشفى عند ملاذ
حست بخطوات وراها بردت اطرافها وهي تتذكر كلام سند "إذا صادني شي مستحيل ما يضرونكم وأنا أبي سلامتكم ان حسيتو بخطر لا تهربون ولا تفزون خلوكم هاديين وطبقو الي علمتكم"
ابتسمت ملاذ واول ما حست بيدين تقرب منها لفت بسرعه وهي ترفسه ببطنه وتركض عند سعود
ملاذ:سعوددد الحق
فز سعود:شصايرررر
ملاذ:مادري مادري
وشرحت له الموقف
طلع وهو يكتفه وابو سند يطلب الأمن عشان يامن على بناته من بطشهم الي مستحيل يوقف على كذا وبس
دخلت ملاذ بضحكه الخوف وهي تقول لهم السالفه
اصايل:يا قوة قلبك وتضحكينن
ضحكت صفاء:زين ربي رجعك سالمه
سندس ما كانت معاهم وهي سرحانهه
صفقتها ملاذ:اختك كان بتموتت وانتي سرحانه!!
سندس:تحبين الفلسفه ياخي اشوفك قدامي مثل لحماره
ضحكو كلهم ودق الباب سعود وصد
قامت سندس:أقعدو أنا بشوفه
توجهت له وهي تاشر بيدها وش
سحبها سعود:سندد قامم بكره نقدر نشوفه
وصل ابو غيث على كلامه
ابو غيث:الحمدلله على سلامته الله كتب له عمر جديد
غيث وهو يحضن سعود: الحمدلله حمدا يليق بجلاله الكريم
مسحت ام غيث على وجهها وهي تشكر الله وانتشر الخبر بينهم وفرحتهم ما تنوصف
وراحت سندس تبلغ البنات وهي طايره من الفرحه
مركز الشرطه عند حميد
حميد:اعترفففف احسن لك من وراكك؟
كامل كان ساكت وهو يبي يستفز حميد لابعد درجه
حميد قرب بهدوء وبيده صاعق كهرباء:بتعترف ولا أتعامل معاك بطريقتي؟
تكتف كامل وهو يقول:ابهرناا
صعقه اكثر من مره وكامل يصرخخ
دخل محمد وهو يسحب حميد:استهدي بالله يا حميدد تبي تموته عليناا!!
حميد:يعتديي على بنات اخوي واسكتت متاكد انه له علاقه بالي صار لسند متاكدد
محمد:بنعرف لا محاله بس اهدى وروح شوف سند وطمنا عنه
حميد:ادري انه وراها شامح وما بنوم لي جفن والله لا اطلع الي سوا فيه كذا من تحت الارض
بعد مرور يوم كامل من التعب والهم والحزن
كان البنات يصلون جماعه مع ابو غيث وابو سند وسعود مستند عند السياره ينتظرهم يخلصون وام غيث واصايل رجعو البيت بعد ما تطمنو
خلصو صلاة
ابو غيث:يلا يا بنات استعينو بالله ومشينا المستشفى
ملاذ وهي تناظر صفاء:يلا يا عمي بس أجهز اغراض لسند واكل ونمشي
ابو غيث:تمام ننتظرك لا تطولين
ملاذ:ان شاء الله
راحو يجهزون الاغراض وسندس فيها ضيقه الدنيا كلها بعد حادث سند تذكرت وفاة امها
انسدحت بحجر ابوها وهو يمسح على شعرها وقال:لا تنزلين دموع عينك وتبكين تبكي عيوني قبل تبكي عيونك
خوذي وعد من ابوك والوعد دين اني ماافارقك لعنبو من يحزنك
والله لا اعيشتك الفرح لين ترضین واني لا اضمد في يميني طعونك
ابتسمت سندس وهي تحضنه:والله لو الليالي صعيبه دامك معي يبه ماحس بثقلها
جو ملاذ وصفاء
ملاذ:ماشاء الله رحت دقايق صارت هي حبيبه قليبك واناا يبهه؟
صفاء:وخرو كلكم يبيني أنا
ضحك وهو يحضنهم كلهم وقال: يلا وأنا ابوكم تاخرنا على سعود
طلعو وسعود متكتف
سعود:الشمس غلغلت راسيي وينكمم
سندس:تستاهلل
ملاذ:سندوسوو كل شي الا حبيب قلبيي
سعود:حبيبه اخوها هاذي
ابو سند:يلا يلا لو تقعدون من اليوم لبكره ما خلصتو مناقره
سعود:يلا توكلنا على الله
أنت تقرأ
ارئ في مَلاذ. ما لا يراه قيسُ في ليلئَ.
Mystery / Thrillerالكاتبة:شُتات اَحمد. "ياسعود ياللي كل شاعر يناديك يشكي عليك من الظروف العظيمة هو أنت شيخ ونعتزي كلنا فيك او لك حكاية ب السنين القديمة "
