ارئ في مَلاذ. ما لا يراه قيسُ في ليلئَ.

12

عند اهل ام رقيه
كان ساميه وشمعه وحولهم فصفص وشاهي ويسولفون عن العرس
شمعه: شفتي ام غيث من فرحها ما قعدت وعلى تعبها كله ما كشرت بوجه احد
ساميه:قلبها لله مو نفس الي وتاشر بحواجبها على امها
شمعه بضحك:حسبي الله
ساميه:طله ملاذ تجننن
شمعه:حتىى زفتهاا كل شي كان يجنن بمعنى الكلمه
ساميه:ماشاء الله عليها هي تجنن وزادت جمال
شمعه وهي تندب حظها: شفتي غيث كيف يحبها!!أنا طاح حظي على عدنان وماعاد قام
ساميه بطنازه:والله لو تحلفين من اليوم لبكره انك ما تحبينه ما صدقتك
شمعه: سندس وصفاء واصايل ولا غلطهه شفتي فرحتهم كيف؟؟
ساميه:الله لا يضرهم وام اخضر هاذي ما ارتحت لها عيونها ما فارقتهم اعوذ بالله
شمعه:لو انتبهت لها سندس كان شمقت لها
ساميه بضحك:عليها حركاتت شفتي وقت هددت غيث؟
شمعه:اسكتي بس الله يستر لا يتناقرون
ساميه:لا ما اتوقع تحب ملاذ حبب ما بتضايقها بغيث
دخلت ام رقيه:قومي انتي وياهاا أبي البيت يلق لققق ام محسن جايه
شمعه بهمس: بقول اهه يا الركب اهه يا المفاصل
ساميه:وأنا بسوي اغمى على كيف كيفك
فطسو ضحك وكملو وبدو تنظيف وهم يسولفون
بيت ابو غيث
فتحت ام غيث جوالها على اتصال غيث
ام غيث:هلا يبه كيفكم؟
غيث:بخيررر يمه احنا جايين ترى
ام غيث:حياكم الله حتى اصايل تدوركم مدري ذبحها الشوق مدري مناقراتكم
ضحك غيث واردف:يمه ملاذ تبيك
ام غيث وهي مبتسمه:عطها فقدت حسها
ابتسمت ملاذ واردفت:كيفك عمه؟
ام غيث:بخيررر بعد ما سمعت صوتكم
ملاذ: محتاجه شي يا عمه؟
ام غيث:سلامتكم
سكرت ام غيث براحه وهي تقول لصفاء وسندس انهم جايين بطريق
وقامت اصايل تبخر ونزلت سندس:وين البخور الي تحبه ملاذ ما لقيته
ام غيث:هذا هو تعالي له
عند غيث وملاذ
وقف غيث قدام البيت وهو يشوف ملاذ تقراء كتاب واردف: يلا يلا وصلنا
ملاذ:اخيراا
غبث:بنقعد لليل يا ويل ويلك ما تاكلين وتجننيني
ضحكت ملاذ واردفت:ما عليك بخم الاخضر واليابس بس متى بشوف البيت
غيث بابتسامه:أنا صممته يعني توقعي أي شيء
نزلت ملاذ ونزل غيث وهم يدقون الباب
عند ام غيث
وقفت وهي تسمع الباب يدق
اصايل وهي مبتسمه: أكيد وصلو
فتحت ام غيث الباب واردفت:تووو نور البيتت
تقدم لها غيث وهو يبوس رأسها:البيت منور باهله يمه
تقدمت ملاذ وهي تحضنها وناظرتها ام غيث: فقدنا حسكك
ابتسمت ملاذ ودخلت وهي تناظر اصايل وقالت:يا ماشاء الله زوجت اخوي شكلها ما فقدتناا
فزت اصايل وهي تحضنها وابتسمت:قاعده افكر افقدكم او لا لانكم حيوانات وما اتصلتو لي اتصلتو لاميي
ضحكت ملاذ واردفت:لأنه عمتيي بتوصل للبيت كلهه
دخل ابو غيث وهو يسلم على ملاذ: كيفك وأنا ابوك
ابتسمت له ملاذ واردفت:بخيرر بعد شوفتك
قرب ابو غيث وهو يبوس رأسها وابتسم وهو يشوف غيث داخل واردف:اهليننن بالي نساننى
غيث بضحك:يبه انت دائما ظالمني من هناحيه صراحه
ركبت ملاذ جناحهم وهي فاقدتهم واول من شافت بوجهه سعود واردف:اهلااا هلاا بملاذناا تو نور بيتنااا
فزت ملاذ وهي تحضنه وشد عليها:فقدناكك البيت عقبك صاحت حتى جدرانه
ملاذ بضحك:الا سعود صاح على شاهيه الي ما ضبط
سعود:افاا يا ظالمهه
طلعت صفاء على صوت سعود وحضنت ملاذ:فقدتكك يا حيوانه
ضحكت ملاذ وهي تناظر سندس الي تكه وتبكي وحضنتها: ياروح اختك انتيي
بكت سندس وهي تكابر واردفت: يعني الحين يحق لي صراحه اكره غيث
مسحت ملاذ دموع سندس وهي تبوس خدها وتقدم لها سند وهو يسالها عن حالها
واتصل سعود على غيث ونزل له
سعود:اهليننن بالمعرس كيفكك؟
ضحك غيث واردف:بخيرر
سعود بمزح: صراحه ظلمتنا وقت أخذت ملاذ مننا لان من الصبح احاول اضبط شاهي نفس الناس ما ضبط ضحك غيث واردف:خلاص هاذي حقي مالكم شغل فيها
ناظره سعود بتعجب وضحك واردف سعود:محتاجين شي!
غيث:لا سلامتكم
نزلت ملاذ مع البنات عند ام غيث
واردفت سندس:يا عمه شفتي الي لابسه فستان اخضر؟هاذي من أكلتنا بنظراتها
صفاء:اييي اعوذ بالله ما ريحتني
ضحكت ام غيث واردفت:شفتو ام ريناد! هاذي اختها
سندس:سبحان من قال الدم واحدد نفس النظراتت ياكلون الواحد
ضحكت اصايل واردفت:يمكن يخطبونكمم
ملاذ بضحك:يرجعون سندس اليوم الثاني
سندس بضحك:حرام عليكم اصلن ما بتزوج الا عن حب تشوفون
انسدحت بحضن ملاذ وهي تتثاوب واردفت ملاذ:ما نمتي زين؟
صفاء:نامتت الليل كله
سندس:كذابهه قمت ادورك الصبح ما لقيتكك وتذكرت غيث بعدها اعلنت الحرب العالمية الثالثه معاه
ضحكو كلهم وردت ام غيث على اتصال غيث
غيث:يمه يلا قولي لملاذ تطلع
ام غيث:بترجعون؟
غيث:بشوف إذا ملاذ تبي تقعد اكثر قعدنا
ام غيث:طيب جايه
سكرت ام غيث واردفت:يلا يمه ملاذ غيث يبيك برا
سندس:بترجعينن؟
ام غيث بضحك: يقول إذا ملاذ ودها تقعد اكثر ما بيرجعون الحين
سندس:أي زين طلع فيه خير
ابتسمت ملاذ وهي تحط مخده تحت راس سندس واردفت:ان ما نمتي اليوم يويلك
ضحكت سندس واردفت: ما عليك
اصايل بضحك:فيها من تهديد غيث والله
طلعت ملاذ وهي تدور بعيونها عن غيث وناظرته وهو يغني لها (هلابش حي من عكس اتجاه الريح وجابش هلا بش قد ما سوا الوله فيني بغيابش)
ضحكت ملاذ واردف غيث:يعني لو ما ناديتك ماطلعتي
ملاذ:هو يمكن اني نسيتك
ابتسم غيث واردف:تبينا نروح البيت؟
ملاذ:ايي خل اشوف هالبيت الي عجزت توصفه لي
غيث:أجل يلا أنا بسياره انتظرك
ملاذ:أنا بشوف سندس واجي
ابتسم غيث واردف:اخذي راحتك
ابتسمت ملاذ ودخلت شافت سندس نايمه:يا مسرع نامت
صفاء:ها راجعين ؟
هزت ملاذ رأسها ب نعم ووقفت صفاء وهي تحضنها:انتبهي لنفسك يا ماما
حضنتها ملاذ واردفت:لا تخافين
توجهه لها اصايل وهي تحضنها بقوه واردفت ملاذ:وهه اصايل كسرتي ضلوعيي
ضحكو كلهم واردفت اصايل: يقولك ومن الحب ما قتلل
ملاذ بضحك: شكراا مابي أموت من حبك
توجهه ملاذ لام غيث وهي تبوس رأسها:عمه محتاجين شي؟
حضنتها ام غيث واردفت:لا ياعيوني سلامتكم
توجهه ملاذ لسندس وهي تبوس رأسها واردفت:إذا صحيت خلها تكلمني
صفاء:ما بتقوم الا الفجر بس ابشري
ابتسمت لهم ملاذ وركبت تشوف سند وسعود وسلمت عليهم ونزلت تركب السياره
غيث:طولتيي
ملاذ بضحك:قلت خذي راحتك
غيث بضحك:صار كلامي ضدي الحين
بنص الطريق قالت ملاذ:وقفف غيثث
وقف غيث وهو مفجوع:وش فيكك
ضحكت ملاذ واردفت:شوف الشارع فاضي ومطر امانه خلني انزل
تنهد غيث براحه:فجعتيني
ابتسمت ملاذ وهي تناظره:اسفه
ابتسم لها غيث واردف:ما عليه طلباتك اوامرر
نزلت ملاذ بفرح وهي تدور تحت المطر وتوجهه لغيث وهي تسحبه معاها ونزل ومسك يدها وهو يمشي معاها:تدرين شفتك مره تحت المطر؟
ملاذ بتعجب: متى
غيث بضحك:شفتي يوم جاء مطر ؟طلع نيم وأنا لحقته عشان ارجعه لقيتك معاه
ملاذ بضحك:كان حالتي حاله
غيث وهو يناظرها:بكل حالاتك تسلبين قلبي
ابتسمت ملاذ وهي تغني
(نشوتك تلعب معَ قطر المطر . . و انتشى قطره معك
و السحاب يطاردك بين الشجر خالق الزين ابدعك . .
الندى في وجنتك . . صار عطر بلمستك . .
و الهوى! غنى طرب تستثيره لمستك . .
كل ما ضمت عيوني منك طيف . . يا بعد كل الطيوف!
قلت ما مثلك على الدنيا وصيف . لا حشى مالك وصوف
لا سحاب . . و لا مطر
و لا نسيم . . و لا زهر!
و لا طيور . . و لا غزل .
و لا معَ باقي البشر!)
نزل غيث راسه وهو يبوس خدها وشدت على يده وابتسم واردف:البيت الي قدامنا حلو؟
ملاذ:يجننن
غيث وهو يضحك:واذا قلت بيتنا؟
ملاذ بتعجب:كبيررر
غيث:اميرة قلبي تعيش اميره بهدنيا
ناظرته ملاذ بخجل وفتح غيث باب البيت واردفت ملاذ بضحك وفرح:استطبل لنيم؟
غيث وهو يناظر فرحتها:تحبينه!
هزت ملاذ رأسها ب نعم وهي مبتسمه واردف غيث:يعني المفروض تحبيني أنا بس
ملاذ بمزح:ومن قال اني احبكك
غيث:عيونكك تقولل
دخل غيث البيت وهو يقولها عن كل غرفه ووقفت ملاذ عند غرفه:وهاذيي؟
غيث بابتسامه:شوفيها
فتحتها ملاذ وكانت عبارة عن جدارين رفوف كتب وطاوله وكرسي وجدارين لوحات ورفوف الوان واقلام وناظرت غيث وحضنته بقوه واردفت بفرح وبكت:غيث انت العوض عن كل الي صادني
حضنها وهو يمسح على شعرها:انتي الي منزلك وراء حدب الضلوع تدرين انك وراها وغيرك ما درى
ناظرها وهو يمسح دموعها: حتى دموعك ما ارضى تنزل ترى
ابتسمت له ملاذ واردفت:غير ملابسك لا تزكم وأنا بسوي العشاء
هز غيث راسه وهو مبتسم بطيب وابتسمت له ملاذ وتوجهة للمطبخ
بيت ابو غيث
صفاء:بنادي سند يجي يحملها وه طلعت روحي ولا قامت
اصايل بضحك:خله يحطها بغرفتي اقرب
صفاء:ماتبين تتعبين زوجك المستقبلي اجل
اصايل بفجعه:وشش قلتت اناا
ضحكت ام غيث على حالتهم واردفت:خلوها تنام لا تروح فوق ولا تروح غرفتك
وقفت صفاء وهي تلحف سندس
بالمجلس
كان سند وابو غيث يلعبون كيرم ونزل سعود معاهم
وناظره ابو غيث واردف بضحك:سند غطي عيونك ولا بتروح
سعود وهو يبنط وطلعت الحبه مع الغطاء واردف:ياليلل
ضحكو كلهم
وقام سعود متنرفز:وينك يا غيث وينك
ابو غيث بضحك:مو يمكك
بيت غيث
وقف غيث قدام باب المطبخ واردف:شكلي بنام جوعان
ملاذ وبيدها الملعقه:انت لو ما سكتت وذلفت هاذي بتعلم بوجهك رايح خمس دقايق وجاي تقول بنام جوعان روح نام احسن اكله أنا
ابتسم غيث وسحب الكرسي وقعد يناظرها
ملاذ وهي متنرفزه:وش تبي الحين
غيث بضحك ومزح:اشرف على طبخك
ملاذ: غيثث تشوف الباب الي دخلت منه ما تعرف تطلع منه ولا كيف
ابتسم غيث واردف:كُل اتجاه الى عينيكِ ياخُذُني الى اين اعبرُ يا كل اتجاهاتي
ابتسمت ملاذ واردفت:من الباب يا غيث من البابب
غيث:حسبي الله ما بطلع بقعد مالي شغل
ملاذ:اللهم صبرك يا روح
رفع غيث يدينه بضحك واردف: امينن
ملاذ:وهاذا جهز الاكلل وفكني شرك
وقف غيث وهو يحمل الاكل من يدها واردفت:ماني محتاجه مساعدتك
ناظرها غيث بتعجب واردف:ملاذ منجدك زعلتي مني!!
ملاذ بضيق: زعلت؟ الا نفسي انسدت من الاكل
ناظرها غيث وحطت الاكل واردفت:ماتبيه؟
غيث:لا مابيه تعالي
توجهه له ملاذ وما قدرت تتحمل ملامح وجهه وفطست ضحك واردفت:غيث ازعل من الدنيا كلها ولا ازعل منك
مسح غيث على وجهه واردف: ياربب غيث صبر غيث
رفعت ملاذ يدها بنفس طريقته واردفت: امينن
مسك يدينها بهدوء وهو يبوسهم:قلبيي الي تقلد حركاتي
ابتسمت له ملاذ بخجل واردفت:غيثث
ضحك واردف:الواحد لو خجل سكت لو خاف هرب لو توتر قعد وملاذ بكل الحالات تعلق على اسمي سمي ياروح غيث
ملاذ:ترى بكل الحالات بعد عندي لسان وش طوله
سحبها وقعدها على طاوله الاكل وقعد جنبها
عند اهل ام رقيه
دخلت عندهم ام محسن وهي تسلم عليهم واردفت ام رقيه:وش الموضوع الي بتكلميني عنه؟
ام محسن: صراحه ام فهد حاطه عينها على بنات حامد وتبي تسأل عنهم
تدخلت شمعه واردفت:والله يا أم محسن كاملين والكمال لله وان كان ام فهد تبي تزوج ولدها تدلون بيتهم
ساميه:بنات اختي واعرفهم صراحه ما شفت منهم الشين
ناظرتهم ام رقيه وهي تخزهم واردفت ام محسن:تمام دامه كذا أنا ببلغها ونشوف ان كان لهم نصيب
وقفت ام محسن وطلعت وناظرتهم ام رقيه:احد طلب منكم تتكلمون
شمعه:والله يمه أنا عارفه وش بتقولين ومابيك تقطعين نصيب البنت
قامت ام رقيه وهي تدخل غرفتها وانفجرت ساميه ضحك واردفت:شفتي شكلها؟؟
شمعه بضحك:الله يهديها
ساميه: الحين ملاذ ببيتها شرايك نكلم صفاء ونروح عندها بكره؟
شمعه:قدامم ما أقول لا
ساميه:كلمتني قبل شوي تسأل عننا بسالها إذا بكره فاضيه
بيت ابو غيث
صفاء:وش رايكم بكره نروح عند ملاذ!
اصايل:صراحه خاطري اشوف بيتهم الي هرمني غيث فيه
صفاء:تكفينن غيث حلو وملاذ تجنن أبي اشوف ولادهم
اصايل:ياليتت ياخذون كل شي منهم الا عنادهم تخيلي يوم رحنا المستشفى وقت ملاذ تعبت
صفاء:صحح ما سالتك وش صارر
اصايل وهي تعدل جلستها:قال غيث قولي لها تاكل ولا ادخل قالت عادي دخلل وقالها اكلي قالت لا
صفاء بتعجب وضحك:ووجهها معاها
اصايل:خالتكم ياخي حلوه
ضحكت صفاء:مين منهم
اصايل وهي تتذكر:الله لا يحير مسلم كلهم حتى بناتها يجننونن وه خاطرك تاكلين خدودهم اكلل
صفاء:ذكرتينيي توهم مكلميني قبل شوي يقولون نروح عند ملاذ بكره
اصايل:يبي نجيب لهم هديه مرتبه صراحه
صفاء:اجل خلي الكيكه عليهم
كتبت صفاء لساميه "تمم احنا بنجيب الهديه وانتو الكيكه"
بيت غيث
دخل غيث المكتبة وهو يشوف ملاذ تحوس بالكتب واردف:وش تسوين
ملاذ بضحك:ادور كتاب اقراه
قرب غيث وهو يطلع كتاب كان عنوانه(شهاب مزق رداء الليل)للكاتبه سناء سعيد"
ناظرته ملاذ وابتسمت:وش قصته
غيث:تقرين وتعرفين يحلوه
سحبته ملاذ للغرفه وهي تشغل التلفزيون:وش رايك نتابع فلمم؟
ضحك غيث واردف:ذكرتينيي عندي فلم من زمان أبي اتابعه وانساه
ملاذ بضحك:كانك سعود
غيث:وهه بيوم زواجنا عند الحلاق فحس قلبيي
ملاذ: وش سوا
غيث:كنت متوتر وهو ماشاء الله ما يقصر كل ما زانت الجلسه قال صديق خلي هذا شعر صفر من التوتره كل ما قرب المكينه طاح قلبي
ملاذ بضحك:اتخيلك اقرعع
غيث:الله يسامحك
وقفت ملاذ وهي تحمل الفشار:يلا شغله
غيث:صبر قاعد يشتغل تعالي
ملاذ:قوم قوم خل اضبط السرير
قام غيث وهو يناظرها واردفت:خلصتت
غيث:اخيراا
انسدحت ملاذ وهي بخاطرها تحط رأسها على كتف غيث بس خجلت
ناظرها غيث وسحبها وهو يحط رأسها على كتفه
وبدا الفلم وبنص الفلم ناظرها غيث وهي مالها حس واردف وهو مبتسم:ياعمري طلعت نايمه
فتح جواله على اتصال اصايل ورد
اصايل:سلامم
غيث:ما تشوفين الساعه أنتي
اصايل بضحك:لا صراحه
غيث: وعليكم السلام وش تبين
اصايل:ملاذ نايمه؟
غيث:أي
اصايل:عشان كذا صوتك واطي لو أنا كان حنجرتك فيها مكبر صوت
غيث بضحك:اصايل وش تبين
اصايل:احنا جايين بكره عندكم يعني من بس احنا حتى خالات ملاذ قلت اسالكم اليوم
غيث:هو أنتو ما سالتونا أنتو مقررين من زمان
اصايل بضحك:صح
غيث:حياكم الله
سكر غيث وهو يناظر ملاذ الي كانت مو مرتاحه بنومها وتردد اسم خالد وصحت وهي مفجوعه ومعرقه رغم برودت الغرفه واردف غيث:بسم الله عليك ملاذ ببكى:غيث
مد غيث يده وهو يصب مويا وشربها واردف بخوف: شفيك يا ملاذ
ملاذ :غيث شفت يوم انخطفت؟
غيث:أي وش صار
ملاذ ببكى:كان مع عدنان خالي خالد وحلمت بنفس ذاك اليوم
جمد الدم بجسم غيث وهو يسمع كلامها وانصدم:ملاذ يا ماما ليش ما قلتي لنا
ملاذ:قالي عدنان إذا قلت لكم عن خالد رهف وفرح وفارس ما يصيدهم خير
تنهد غيث وسحب ملاذ لحضنه وهو يقراء قران عشان ترتاح﴿قُلْ لَوْ كَانَ فِي الْأَرْضِ مَلَائِكَةٌ يَمْشُونَ مُطْمَئِنِّينَ لَنَزَّلْنَا عَلَيْهِمْ مِنَ السَّمَاءِ مَلَكًا رَسُولًا قُلْ كَفَى بِاللَّهِ شَهِيدًا بَيْنِي وَبَيْنَكُمْ إِنَّهُ كَانَ بِعِبَادِهِ خَبِيرًا بَصِيرًا وَمَنْ يَهْدِ اللَّهُ فَهُوَ الْمُهْتَدِ وَمَنْ يُضْلِلْ فَلَنْ تَجِدَ لَهُمْ أَوْلِيَاءَ مِنْ دُونِهِ وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْيًا وَبُكْمًا وَصُمًّا مَأْوَاهُمْ جَهَنَّمُ كُلَّمَا خَبَتْ زِدْنَاهُمْ سَعِيرًا﴾ناظرت ملاذ غيث وهي تسمع كميه الراحه بصوته واردفت:غيث
غيث:سمي ياروح غيث
ابعدت ملاذ ووقفت وهي تغسل وجهها ورجعت
غيث: كيفك الحين ؟
ابتسمت له ملاذ واردفت: بخير
غيث:تدرين من قبل شوي اتصلت ؟
ملاذ جت ببالها سندس واردفت:من؟
غيث:اصايل تقول بكره جايين هم وخالاتك
ابتسمت ملاذ واردفت:زيين
غيث بضحك:تقومين تنضفين من الحين يا ويلك البيت نظيف
ملاذ بابتسامه:كيف عرفت
غيث:اعرفكك ما ترتاحينن الا وانتي مخلصه شغلك بس كل شي مرتب
ناظرت ملاذ الفلم:سحبنا عليهه
ضحك غيث واردف:حتى ما بخلصه بنام
ناظرها واردف:تعالي يا حيوانه
ملاذ بمزح:انقلع دامني حيوانه ماني بجايه
ضحك غيث واردف:يا ملاكك
ملاذ وهي صاده:ما تترقع
غيث:ملاذذ اعقلي
ضحكت ملاذ ورجعت
بيت ابو غيث
قامت سندس بتعب وهي تناظرهم يسولفون: ملاذ رجعت!
صفاء:اوهه زمان الساعه ثنتين الحين
سندس:حسبي الله ما صحيتوني؟
اصايل:قالت إذا قمتي اتصلي لها بس توني مكلمه غيث وقال نايمه
سندس:طيب
صفاء:ترى بكره رايحين عند ملاذ
سندس وهي تدخل غرفه اصايل: برجع انامم
اصايل:غرفتي
سندس:ما اشوف ورقه الملكيه وينهها
ضحكو كلهم واردفت اصايل:مو صاحيه

صباح اليوم التالي٫٫٫٫٫