ارئ في مَلاذ. ما لا يراه قيسُ في ليلئَ.

9

عند شامخ
وقف متكتف وهو يسمع كلام عدنان
عدنان:يبه كشفو خطتنا من رجالك الكلاب ما بنفتك منهم الا لو حطينا خالد بوجه المدفع
شامخ بضحك: خالد خلصت حاجتنا منه دامه واثق فينا بيكون لعبه بيدينا
عدنان:بضبط
سكر شامخ ولبس جاكيته وأخذ مضلته ووشاحه وهو يغطي وجهه ونزل ويتمتم:عساكم الموت
بيت ابو غيث جناح عيال ابو سند
قام سند وهو يشوف ملاذ سوت لهم الفطور ورايقهه تكتف عند باب غرفته واردف:كيفك اليوم؟
ابتسمت وهي تناظره:الحمدلله
طلعت صفاء وهي تمدد يدينها وتمسح عيونها: أمس خوفتينا عليك
ناظرتها ملاذ وحطت يدينها على خصرها:أي وذلفتوني المستشفى مع غيث
تربعت سندس على الكنبه واردفت:تبينا نخليك وتفطسين علينا
قعدو يفطرون وبعد ما خلصو اردفت ملاذ: وينه سعود؟
سند وهو يضحك:بالغرفه بسابع نومه طاح من السرير ولا قام
ضحكو كلهم وقالت صفاء:خلوه ينام تعبتو أمس كثير
سند: اليوم برضو شكلي ما برجع الا اخر الليل انتبهو لنفسكم مو نفس أمس وناظر ملاذ انتي بذات ترى
ملاذ:وش ذنبيي
سند:احشي معدتك بعدين قولي وش ذنبيي سعود قايل بيروح المزرعه عند زرِه بياخذك معاه
ملاذ: اخيراا ما بغيناا
سندس:إذا قام خيرر وبركه
صفاء: الدنيا مطر كيف يروحون
ابتسمت ملاذ اول ما تذكرت غيث أمس وقامت تجهز شاهي واردفت:سندد تبي شاهي؟
سند:لا بمشي تبون شي؟
صفاء: لا
نزل سند ووقف اول ما شاف غيث مع نيم يتدربون بوسط الحوش واردف:عسى ما تعبناك امس؟
غيث وهو يضحك:لا مافي أي تعب بس اختك ماشاءالله عليها عناد
سند وهو يضحك: راسها يابس عاد تحملها كل شي ولا ملاذ ترى
غيث وهو يبتسم:حاضرين ولا يهمك
طلع سند متوجهه لمركز الشرطه وهو يتصل على ابو غيث
عند اصايل
كانت تجهز اللوحة وهي تناظرها واردفت: يعني لو ما عجبتك ما عندك ذوق صراحه
دخل غيث البيت بعد ما رجع نيم مكانه وقعد بصاله ودخلت ام غيث:تبي شي؟
غيث:لا يمه سلامتك
ام غيث:زين انا بركب فوق اشوف ملاذ كيف صارت
ابتسم غيث على طاريها وهو يتذكر هديتها ودخلت اصايل وهي تعطيه اللوحة واردفت:كلل عام وأنت بخيرر
ابتسم غيث وهو يحضنها:وانتي بخير ياروح اخوك بس تراك مو اول من عايدني هسنه
عقدت حواجبها باستعجاب:من
غيث:مدري شي يخصني
اصايل:تراك حيوان وما تنعطى وجه
غيث: اليوم بنروح المزرعه بتجين!!
اصايل:ايي إذا البنات رايحين رحت
جناح اولاد ابو سند
ركبت ام غيث وهي تدق الباب وفتحت سندس:اهلينن عمه كيفك؟
ام غيث وهي تبتسم: بخيرر الحمدلله
دخلت ام غيث وهي تقعد:الا كيفها ملاذ؟
طلعت ملاذ رأسها من عند باب المطبخ:بخيرر يا عمه
ضحكت ام غيث على هبالها:وش تسوين؟
ملاذ:اغسل المطبخ
طلعت صفاء وهي تنشف شعرها:شوفهه عينك يا عمه ما منها رجاء عنيده
ملاذ:يا عمه يرضيكك تقول عني كذا؟
ضحكت ام غيث واردفت:كل شي عندي الا ملاذذ بس يلا تجهزو بنروح المزرعه
سندس:كلنا؟
ام غيث:أي
عند سند
سند:ها لقو شي؟
حميد:لقو الشقه فاضيه
ابو غيث:بس رجالنا بكل مكان حوالين الشارع مستحيل يطلع
سند:ان شاء الله
عند غيث
كان متكتف منتظرهم بالحوش وسعود توه قام
نزلت ملاذ وهي بيدها فروته وباليد الثانيه الاغراض ومدتها له: مشكور
ناظرها وسحب الاغراض من يدها:العفو
صدت عنه ملاذ وهي تركب السياره:مغرور
نزل سعود وهو يشغل سيارته واردف:كيفكك
غيث وهو يبتسم:بخيرر وانت؟امس ما تنشاف وش صار؟
سعود:اوههه خلها على الله على الاقل اليوم انسى الموضوع
رجع سعود يناظر ملاذ وهو يضحك:ما بتروحين مع زوجك
ناظرته ملاذ بطرف عين:انقلع
التفت له غيث واردف:يا ويلك يا سعود تضايقها
التفت له سعود بتعجب وضحك وركب السياره:
تسمعين وش يقول حبيب قلبك؟؟
شبكت ملاذ يدينها ببعض وهي خجلانهه وودها لو تنشق الأرض وتبلعها
بسياره غيث
اصايل:والله وطلعت تهدد عشانهاا
ابتسم حيث وهو يردد بداخله اهد الدنيا ولا تضيق عيونها ناظرته ام غيث وهي تشوف حبه لها بعيونه الي ما يقدر يخبيه ابدا رغم بساطه الموقف خاف تشيل بخاطرها وتزعل
وصلو المزرعه ونزلت ملاذ بسرعة وهي تتوجه لزرِه
سندس:تونا ما قلنا بسم الله
ام غيث:خليها
توجهه سعود وغيث لوراء الاستطبل عشان ما يضايقون البنات
عند ملاذ
قعدت وهي تكلم زرِه
ملاذ:صار عندك مهره حلوه قعدت جنبها وهي تمسح عليها شكلك تعبتي كثير
تكتف غيث وهو يناظرها سبحان من سواك يا ملاذ
حست ملاذ عليه ورفعت رأسها له وابتسمت
غيث بنفس الابتسامه: يلا اطلعي من هنا برد
وقفت ملاذ وهي تنفض نفسها:بطلع زين ؟
غيث:اوهه غريبهه
ابتسمت له ملاذ: وين سعود
غيث:قاله عمي ابو منصور انه الاحصنه يحتاجون اغراض وراح يجيبها
ملاذ: يعني الحين قاعد لوحدك؟
غيث:يعني يمكن
ملاذ:تبي شي اجيب لك؟
ابتسم لها غيث:شاي
ملاذ:انتظر شوي واجي
عند البنات
وصلت ملاذ
ام غيث:وينك يا بنتي طولتي
ملاذ وهي مبتسمه: عجبني المكان هناك يا عمه
وقفت ملاذ متوجهه لغيث وشافته يقراء الكتاب الي عطته وابتسمت وحطت الشاي قدامه واردفت بخجل:عجبك؟
غيث سكره وهو يبتسم لها: كثير
ملاذ بضحك:كنت ادعي يعجبك كل عام وانت بخيرر
غيث الابتسامة شقت وجهه وهو يشوفها فرحانه من كلمه بسيطه:وانتي بخير وصحه وسلامه
توجهه نيم لملاذ وهو يقعد جنبها
غيث بذهول:سحب عليي ولا اعترف فيني حتى
ملاذ وهي تمسح على نيم:على فكره حصانك حلو بس مغرور
غيث بضحك:نفس غروري؟
ملاذ بضحك:يمكن
غيث وهو يمد لها فروته واردف:بتضل ملاحقتك حتى تلبسين فروتك
ملاذ وهي تتكتف:والي مو بردان
غيث:بيبرد
عقدت ملاذ حواجبها:وانت
غيث بضحك من تصرفاتها الطفوليه:عندي غيرها
لبستها ملاذ وهي تحب ريحة عطره الهادئ فيها كثيررر ناظرها غيث وهي سرحانه بالمطر وسحب العود واردف:تغنين!!
ناظرته ملاذ وهي تبتسم:ما أقول لا
بد يدق العود وبدت تغني
(يا مدور الهين ترى الكايد احلى
واسأل مغني كايدات الطروقي
الزين غالي لكن الأزين اغلى
ولكل شراي بضاعه وسوقي
النو عالي والسما فوقه اعلى
ولا فاق علم جاه عالم يفوقي
والصعب هلا قلت ياصعب سهلا
دامك تبيني فانت ياصعب شوقي
أحب عسف المهرة اللي تغلى
واحب أروض كل طرف يموقي)
كمل معاها غيث وهو مبتسم ويتاملها
(واحب اسافرمع سحاب تعلى
وأحب فوق الغيم لمع لبروقي
وأحب أساهر بدري اللي تجلى
وارسم شعاع الشمس عند الشروقي
يامن على ثاير فوادي تولى
خلك على قلب الكرامه شفوقي
أكرم عزيز بالعمر مااستذلا
يسوق عمره للمشاريف سوقي
اخترتك من الناس للقلب خلى
ياحيثك مرادي وكيفي وذوقي
مارحت أدور كل زول تحلى
لولاك تسوى ماعطيتك خفوقي)
عند البنات
ابتسمت ام غيث وهي تسمع اصواتهم ودعت ان الله يديمهم لبعض من كل قلبها
انسدحت اصايل بحضن صفاء واردفت وهي تتنهد:اللهه يا الحب يمه زوجيني
ضربتها ام غيث:انتي بذات ماني مزوجتك وابلي ابن الناس فيك
سندس:والله طلعت اختي تعرف تحب واحنا لنا الله
صفاء بضحك:اذكري الله عليهم
عند سعود
وقف عند باب المزرعه وهو يرد على سند
سند بخوف:اطلعووو من المزرعهه بسرعهه
سعود بقلق:وشش فيهااا
سند: اطلعو بدون أسأله تكفونن
دخل سعود مستعجل
عند غيث
ملاذ وهي تناظر شخص جاي من بعيد
ناظرت غيث بخوف يتكرر معاها نفس الموقف:غيث
غيث:هلا
ملاذ بخوف:تشوف شخص هناك؟
وقف غيث وهو يناظر المكان ويطلع سلاحه ولا شعوريا احتمت ملاذ وراء ظهره وهي تتشبث بفروته بخوف:غيث
غيث:خلاص يا ماما يا ملاذ أنا معاك ليش الخوف
قرب الشخص وبدت توضح ملامحه واردف:يا مسرع نسيتيني يا ملاذ؟
غيث بتعجب:ان كان لك كلمه وجهها لي مو لها
ملاذ وهي تعرف صاحب هصوت زين شدت عليه ببكاء وخوف على غيث:غيثث
خالد:قتلت ابوك بكل دم بارد تتوقعين برحم الي محتميه فيه الحين؟
غيث بغضب:والله وبالله وتالله اني لا اذوقك الامرين يا خالد ولا ما اكون غيث بن فيصل
تقدم غيث وهو يطقطق اصابعه ويرجع سلاحه وبدت معركه ما ندري وش نهايتها
غيث:تقولها بكل دم بارد يا ابن الكلببب
خالد بضحك وهو يضرب غيث بوسط بطنه:والحقكك وراه لو تبي
كانت ملاذ واقفه وهي حاطه يدينها على اذونها وتبكي وصل سعود بعد ما وصل البنات السياره وبخوف طلع سلاحه وهو متوجهه لهم وسمع صوت طلقه صرخت ملاذ بصوت مليان غصه وبكى:غيييثثث
عند البنات بعد ما وصلهم سعود السياره وتطمن عليهم
ام غيث:يارب خير
اصايل:امين يمه
تجمد سعود مكانه وركض وهو منهبل عند غيث
وتنهد براحه: الحمدلله يارب
وصلو الشرطه والاسعاف وهم ينقلون خالد ويكلمهم سعود عن الي صار  وقعد غيث وهو يمسح الدم من انفه وناظر ملاذ الي تناظره بخوف وترجف وقف غيث وهو بالغصب يمشي ووقف عندها وابتسم وهو يميل راسه:أنا بخير مافيني شي وقفت ملاذ بسرعة وهي تحضنه وتتشبث بفروته وكانها تمتص القوة منه وقف غيث مصدوم وحضنها بنفس القوه وهو يحبس ريحتها بصدره كانها تشفي جروحه وابتسم وهو يمسح دموعها واردف:لا تخافين من شي دامني موجود معاك أنا أقابل وجع الدنيا وانتي خلافي خليك قويه ولو انك مكسوره ما جابته امه الي يهزك أبعد عنها وهو يشيل شماغه ويغطيها فيه ناظرته بخوف عليه:خلهم يضمدون جروحك
غيث وهو يبتسم:من عيوني مالي قلب يقولك لا
ابتسمت ملاذ وهي متوجهه لسياره
توجهه غيث للمسعفين والشرطي ياخذ اقواله
وخلص وركب السياره
وهو يطمنهم
سعود:ما بتسوق ما تشوف حالتك
غيث:ومن بيسوق يا سعود
سعود بضحك:ملاذ عندها رخصه وتعرف
ناظرها غيث وهو مبتسم واشر لها سعود تنزل واردف:ترضين غيث يسوق وهو بهالحالها!!
كان غيث متكتف ومستند على السياره ويتامل عيونها
هزت رأسها ب لا وهي تناظره
سعود وهو يشوف خوفها عليه باين بعيونها:تسوقين بداله؟
ملاذ وهي تضحك:أيي
ركبت السياره وهي تعدل نفسها واردفت:سيارتك كبيرهه
غيث بضحك:والله انتي الصغيره مو هي الكبيره
ناظرته بطرف عين واردف سعود:انتبه لها يا غيث
غيث:احطها بعيوني لا تخاف عليها
ابتسم له سعود وركبو متوجهين للبيت
غيث بتعجب: طلعتي تعرفين تسوقين ولا ادري
ملاذ بضحك:تراني ماني هينه
غيث بضحك: أي شكلك نسيتي الي قبل شوي
ملاذ وهي تتذكر كلام خالد عن ابوها وضاقت ناظرها غيث بضيق وهو يدري بايش تفكر وناظر امه واصايل الي نامو من التعب والخوف واردف:شفيك؟
تنهدت ملاذ وهي تكابر دموعها:أنا الي همومي صايرات على كدر واوجها وحيده لو انها تحول فوق غيري فقد عقله
ناظرها غيث بضيق وابتسم واردف:وزعي عمري لك أخوان وقرايب بس لا تشكين من قولة وحيده
لا حداك الوقت ماني عنك غايب عاندي بي جور دنياك العنيده
ابتسمت لك ملاذ وهي تناظره بضحك: يعني اليوم مافي رسائل؟
ضحك غيث واردف:على فكره رسالتك عجبتني
صدت ملاذ بحرج وتمتمت حيوان
ضحك غيث واردف:سمعتك
ملاذ بصوت اعلى:ح ي و ا ن
ناظرها غيث بابتسامه:وقبل شوي كنتي خايفه على الحيوان صح؟
صدت ملاذ بخجل: وصلنا البيت وافتكيت منك نزلت وهي تسابق خطواتها
غيث بضحك وبصوته كله اردف:عمرك مربوط فيني ترىىىى
ملاذ بنفس الصوت:يا شينهههه
عند اهل ام سند
انهار البيت كله على خبر انه خالد تصاوب وتوجهو المستشفى ونفس الي صاد اهل ابو سند يوم وفاته صادهم (ان الله يمهل ولا يهمل)
بعد ما وصل الخبر بيت ابو غيث اعتلى صوت سند وهو يقرا قران (رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ وَأَنْذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُوا رَبَّنَا أَخِّرْنَا إِلَى أَجَلٍ قَرِيبٍ نُجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُوا أَقْسَمْتُمْ مِنْ قَبْلُ مَا لَكُمْ مِنْ زَوَالٍ  وَسَكَنْتُمْ فِي مَسَاكِنِ الَّذِينَ ظَلَمُوا أَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ)