ارئ في مَلاذ. ما لا يراه قيسُ في ليلئَ.

15

صباح اليوم التالي,,,,
قام سند وهو يمسح وجهه واردف:يعني ما تكون سند إذا ما قمت قبل المحكمه بساعتين
قام وهو يغسل وجهه وصلى الفجر وأخذ اغراضه ونزل
صدف اصايل الي كانت بالحوش تلاعب القطوه ومشى ما كانه شافها عشان ما تنحرج
رفعت اصايل وجهها وهي تناظر سند وقلب وجهها أحمر
واردفت:وه يا اصايل كل مره لازم يشوفك وحالتك حاله سكتت شوي واردفت:بس والله كشوخي يا حظك يا اصايل
ركب سند سيارته وهو ملامحها مو راضيه تفارقه تعوذ من ابليس وطرت بباله اغنيه وابتسم وهو يشغلها
"اشوفك كل يوم وأروح
وأقول نظره تردَّ الرَّوح
أعيش فيها عشان بكرا
عشان ليلي الِّلي كله جروح
صحيح النَّظره ما تِكفي ً
من الآلام ما تِشفي
ولكن عذرنا الحاضر
نراعي الوقت والخاطر
وما دام النَّظر مسموح
أشوفك كل يوم وأروح
عسى النَّظره تردَّ الرَّوح
توصَّيني على الكتمان
وتبغى حبَّنا ما يبان . وتنساني
تقول لي ودَّنا صافي
وتحسب حبَّنا خافي"
بيت ابو غيث
دخلت اصايل وهي تمسح وجهها:ياربي وش ذا النوم
طلعت ملاذ من الغرفه ووجهها شاحب واردفت بخوف:وش فيكك ؟؟
ملاذ:الغرفه حررر حررر
ضحكت اصايل واردفت:عدليه من الريموت شكل غيث برد وطفاه
ملاذ:هين بخليه يطلع ما يدري هذا باب ولا دريشه
اصايل:كل شي ولا اخويي
ناظرتها ملاذ بتنرفز وراحت تشرب مويا واردفت اصايل:الله يعيننا على نفسيتك هالفتره وهو احنا الي مو متعودين الا على ضحكتك بتاكلينا
دخلت ملاذ الغرفه ورفعت على المكيف اخر شي ورجعت نامت قام غيث من البرد وهو يناظر ملاذ: يارب انك تعيينني وتصبرني
قام يغطيها وطلع من الغرفه وصلى وناظر امه واردف:يمهه ملاذ بتموتني وبتموت الي ببطنها
ام غيث:بسم الله عليكم وش صاير
غيث بقهر:انااا متت برد متت واطفيه واصحى الاقيها مخليته اخر شي ومو متغطيه هذا وش تسميه ؟؟
طلعت اصايل من المطبخ واردفت: فعالية
ضحكو كلهم واردفت ام غيث:والله يبه تحملها هذا وهي ببداية حملها
غيث:الله يرزقني صبر ايوب
اصايل بضحك:يكفي انك تحبها تحمل
غيث بضحك:الا اعشقها
دخل الغرفه وهو يناظر ملاذ وقعد جنبها يتأمل ملامحها واردف:يارب ابننا ياخذ من ملامحك كثيرر مهما تاملتك ما امل
تنهد غيث وهو يبتسم ودخل تحت البطانيه وهو يحضنها وكمل نومه
عند سند
خلص سند قضيته بسلام ودخل الظالم سجنه وطلع المظلوم وشاف فرحه اهله بعيونهم توجهه له
محمد بتوتر واردف:سند إذا جيت اطلب اختك توافق!!
ابتسم سند بصدمه واردف:والنعم فيك والله يا محمد وأنا اعرفك ليش ارفض واقطع نصيب البنت؟
ابتسم محمد بخوف واردف:والله يا سند تعرف انه ابوي الله يرحمه وامي الله يرحمها واخواني مو جنبي واخاف اطبق على وجهي لو جيت اخطب
ابتسم له سند وهو يعرف حاله:ما عليك وأنا اخوك اشوف رأيها وتوفيق الله
ابتسم له محمد وهو يحضنه واردف:ياخي ما منك ثنين والله
ضحك سند وتوجهه للسياره وهو رايقق اليوم
جناح عيال ابو سند
قام سعود وهو فاقد النوم من ليله امس صلى وقعد يتابع مسلسل
عند صفاء
قامت بتعب وهي ما شبعت نوم واردف:سندسس قوميي تراك الظهر
سندس:بنام بعد شوي صحيني
صفاء:لا حول ولا قوة الا بالله
قامت صفاء وهي تمسح على وجهها وطلعت ودقت باب غرفه سعود
سعود:هااا
صفاء: جوعان؟
هز سعود راسه ب لا واردفت صفاء:صار لك فتره ما تاكل زين فيك شي ؟
رجع هز سعود راسه ب لا وتنهدت صفاء وطلعت تلبس جلالها ونزلت
ام غيث:اهلينن
توجهه لها صفاء وهي تبوس رأسها:كيفك عمه
ام غيث بابتسامه:بخيرر يا بنتي
صفاء:ملاذ ما قامت مو من عادتها
ام غيث بضحك:قامت الصبح معصبه ورجعت نامت وقام غيث معصب ورجع نام
ضحكت صفاء وابعدت جلالها عن شعرها واردفت:وش فيهم
ام غيث:ملاذ ترفع للمكيف وغيث يقوم بردان ويطفيه وتقوم حرانه وتشغله قام يقول يمه بتموتني وبتموت الي ببطنها
ضحكت صفاء ودخلت اصايل واردفت:شاحنييي يا جماعه ابني بيموت
صفاء:شكله مع ملاذ لان ما جابو اغراضهم
تكتفت اصايل واردفت:اغراضي مش للبيع لو سمحتو ستوميئة مره بئلكو أنا مش بهزر
ام غيث بضحك:نسيت لهجتها من القهر
اصايل:والله يمه ملاذ نفسيتها ماشش الحين تقوم تثلجنا
ام غيث:لو تموتكم حلال عليها 
صفاء:عمه الحين لو صارت بشهر الخامس بتبيدنا
ضحكت اصايل واردفت: شوفو اتخيل تتوحم على غيث وما تصير تطيقه وتصير أقوى مناقره لعام١٤٤٤
غرفه غيث
قامت ملاذ وهي تناظر غيث الي وجهه صار أبيض من البرد واردفت:يقلبيي ومتحمل عشاني
سكرت المكيف ولحفته زين واردفت وهي تمسح على شعره:غيث يبه يلا قوم إذن الظهر
غيث بنوم:بقوم بس ربع ساعه ارجع انام
رحمته ملاذ وباست راسه وقامت غسلت وجهها وصلت ونااظرت غيث الي للحين ما قام وتوجهه للمجلس وهي تبوس راس ام غيث
ام غيث بابتسامه:اهلين يمه كيفك؟
ملاذ وهي تنسدح بحضن اصايل:بخيرر
مسحت اصايل على شعرها واردفت بضحك لا يكون غيث ثلج؟
ملاذ: اسكتي اخاف عليه اكثر من وجهك بس هو حيوان
صفاء:ملاذ
ملاذ:لبيه
صفاء:بترجعون اليوم!!
رفعت ملاذ اكتافها بعدم معرفه
ام غيث: وين غيث؟
ملاذ:نايمم حاولت اصحيه قال يبي ينام اصلن ما نام الا الفجر
صفاء:ماشاء الله عليهم امس وسندس الصبح نامت
ملاذ وهي تعدل جلستها:بنات شفتو الي امس قاعده جنب ام ريناد هاذي من ما اعرفهم بس تنغز الولد احسن من البنت خنقتنيي
ضحكو كلهم من طريقه تقليد ملاذ لها واردفت ام غيث:شفتي ام فهد؟هاذي ام زوجها
ملاذ:الله يعينها عليها صراحه
قامت ملاذ وهي متوجهه لعند سعود ودقت باب غرفته
سعود:ادخل
دخلت ملاذ وسكر سعود جواله واردف:اهلا هلاا كيف حبيب خالو اليوم؟
ضحكت ملاذ واردفت:موو بخير قالو لي خاله ما اكل
سعود: تستغليني اجل ماني جوعان
ملاذ:طيب عشاننا
ابتسم سعود وقام وهو يبوس رأسها:الله يقر عينك بشوفته ياروح اخوك
ملاذ: امينن ويمسح على قلبك
ابتسم سعود واردف:امين
حطت ملاذ الاكل لسعود واردف:تاكلين معاي
ابتسمت له ملاذ وهي ما تبي تكسر خاطره وهزت رأسها ب نعم وجلست فتحت جولها على اتصال غيث واردف: وينك
ملاذ:فوق عند سعود
غيث وهو يمسح وجهه: عندكم احد؟
ملاذ: تعال افطر مع سعود حتى يجهز الغداء سندس هنا نايمه
غيث:طيب جاي
ملاذ:صبررر دق باب غرفتك اول صفاء عندكم
غيث:من عيوني يا ماما انتي بس فطري
ابتسمت ملاذ وسكرت وقام غيث وهو يدق الباب اصايل: أطلعع
طلع غيث وتوجهه لامه واردف:كيفك يمه؟
ام غيث:بخيرر
ركبت غيث ودخل سند وهو يدق الباب واردفت: اليوم ما بنفتك
فتحت وشافت سند وانصدمت واردفت:بسم الله
سند بضحك:الحمدلله
ام غيث:باقي تقرون الاذكار
ضحك سند ودخل وهو يبوس رأس ام غيث واردف:كيفك عمه ؟
ابتسمت له ام غيث واردفت:بخيرر يبه
طلعت اصايل واردف سند:عمه بشاورك بموضوع دام عمي مشغول
ام غيث:قول اسمعك
سند:صديقي بشغل محمد تعرفين امه رحمه الله عليها صح؟
هزت ام غيث رأسها ب نعم واردفت:وش فيه
سند:قالي يبي يخطب صفاء يا عمه ومتردد لان ماله احد
ام غيث: هاذي الساعه المباركه والله ابن حلال ودامك مرتاح له شاور البنت وأخذ رايها
ابتسم سند واردف:الله يريحك يا عمه ريحتيني
قام سند وناظر اصايل الي كانت بالمطبخ تسولف مع صفاء وقعد يتاملها ولمحته صفاء واردفت بضحك:سند مضيع شي؟
صد سند وهو يركب واردف بمزح: مضيع الخيزرانه الي امهطك فيها
صفاء بضحك:يا كذبكك
اصايل:حسبي الله هالايام الا غصب انفضحح اخوك ماشاء الله عليه شوفي مضبط نفسه وأنا تقول عامله مربيه٧اطفال
صفاء بضحك:لالا ما عليك مزه
دخلت ملاذ واردفت:سمعتكمم يا اصايلل يقول المثلل"الزين زين لو توه قايم من النوم والشين شين لو تكحل كل يوم"
حضنت اصايل ملاذ واردفت:وههه ملاذذ احبككك
ملاذ:اصايللل كتمتينيي حتى انا ااحبكك
ابعدت اصايل وضحكو كلهم واردفت صفاء:أي خلك كذا أمس والصبح كان بتاكلينا اكل
اصايل:بنات تكفون ابيكم معاي اليوم
ملاذ:صحح نجهز للعرس
اصايل: ايي متوترهه
مسكت ملاذ يدها واردفت:لا تتوترين ولا شيي ولا ما بيجي عرسك الا ودبتي قدامي وحلوتنا بتحضره ببطني
ضحكو كلهم واردفت اصايل:احلىى من بتحضر عرسي ببطن أحلى ماماا
توجهه سندس وصفاء واصايل وام غيث للسوق وقعدت ملاذ بتنرفز وقامت تتصل لغيث
غيث:سمي ياروح غيث بغيتي شي ؟
ملاذ:أي يا حيوان ابيك
غيث بضحك:جاي نزل غيث ودخل الغرفه
ملاذ:غيث ضقت من البيت
غيث:ليش ما رحتي معاهم يا ماما
ملاذ بتنرفز:مابي
غيث: يلا قومي البسي
ابتسمت له ملاذ ولبست عبايتها واردفت:خلصتت
ابتسم غيث واردف:ببالك مكان نروحه؟
هزت رأسها ب لا واردف:حلوو أنا عندي
ملاذ:وينن
غيث:بعدين تعرفينن
ركب غيث السياره وركبت ملاذ واردفت:وع احس بغثيان
ابتسم لها غيث ومسك يدها:يقلبي أنتي بكل تقلباتك وتعبك بتحملك عشانك وعشان هالحلوه الي باقي ما جت على الدنيا
ابتسمت ملاذ واردفت:غيث احبك
ابتسم غيث واردف: اعشقكك
وقف غيث قدام بقاله واردف:تبين شي يا ماما ؟
هزت ملاذ رأسها ب لا
غيث:تنزلين معاي ؟
ملاذ:لا
نزل غيث واردف:سكري السياره
ملاذ:من عيوني يا غيث
عند البنات
ام غيث:اصايل انتي ما يعجبك العجب ولا الصيام برجب
اصايل:يمه ما عجبونيي
صفاء:طيب نروح المكان الي ملاذ اخذت منه فستانها؟؟
اصايل:تكفون بعيد تكسرت
سندس:اجل انطمي ولبسي لخمام صدعت
ام غيث:أقول امشي وبلا دلع يلا
اصايل:شرايكم نرجع لملاذ
صفاء:تقنعك بكف هالمره
اصايل: حسبي الله خلاص امشو فتحت اصايل جوالها على اتصال ابو غيث وردت
ابو غيث:سلام يبه خلصتو!!
اصايل:لا باقي
ابو غيث:اجي لكم؟
اصايل:لالا ارجع البيت ارتاح قدامك ملاذ وغيث
ابو غيث:أجل دامه كذا خلني اخلص اشغالي اول
اصايل:بتوفيق يبه
سكرت واردفت:يلا مشينا
عند غيث
ركب غيث واردف:أخذت لك معاي
ابتسمت ملاذ اردفت:كيف عرفت اني احبهه!! غيث:هو توقعت
ملاذ:يا كذابب
ضحك غيث واردف:يلاا بنروح لنيم
ملاذ:ترى لو مرينا بيتنا بنزل ولا بركب
غيث:لا مو بلبيت
ملاذ بتعجب:وين
غيث:ما ندري
ملاذ وهي متنرفزه:غيثث
غيث بضحك: ياروحيي الحين نوصل وتشوفينن
صدت ملاذ وهي تاكل واردفت:تبيي؟بعد قول لا إذا وصلنا
غيث بضحك:أبي
أكلته ملاذ واردفت:الحين إذا كان عندنا ولد وش بخاطرك نسميه؟
التفت لها غيث وهو مبتسم واردف:لو قمتي بسلامه يعيوني بعدين نفكر
غيث:إذا كان بنت وش بتسمينها؟
ملاذ وهي تقلد طريقه كلامه:إذا قمت بسلامه ياروحي بعدين نفكر
وصل غيث المكان واردفت ملاذ بذهول: يجننننن غيثث
بعد مرور ٩اشهر وخطبه صفاء وزواج سند
بيت غيث
ام غيث وهي تكلم غيث
ام غيث:يبه تعالو عندنا هذا شهر ملاذ لازم احد يهتم فيها
ناظر غيث ملاذ بقلة حيله واردف: والله يمه تسمعك هلكتني بعنادها
ملاذ بضيق:غيث مابي أتعب عمتي بعدين أنا بخير وانت ما تفارقني وش فيها لو قعدت بلبيت
غيث:خلاص الي تبينه يا ماما ولا يضيق لك خاطر
ابتسمت ملاذ ونزل غيث لمستوى بطنها وهو يبوسه واردف: ياروح بابا الي بتنور دنيتنا
ضحكت ملاذ واردفت:ماا تسمعك وانت كل يوم مشتط تكلمها
غيث بضحك: شعرفكم أنتو عندنا طريقه تواصل محد قدر يوصل لها
ملاذ:خلنا اليوم ما نطلع
غيث:لااا ما قلتينها بتمشين من بيتنا لبيت امي وبدون عناد
عقدت ملاذ حواجبها واردف غيث:يا عاقد الحاجبين على الجبين اللجين ان كنت تقصد قتلي قتلتني مرتين
ضحكت ملاذ وهي تتذكر اول ما شافت غيث متضايق
واردف غيث وهو يقعد جنبها:ها ها تذكرتي شي وش
ملاذ بابتسامه: شفت يوم قررنا نرجع بيتنا وتضايقت!كنا بالحوش والستاره مو على الدريشه قعدت اناظرك وطرت على بالي هالابيات
غيث بتعجب:والله وطلعتي تتاملين فيني بعدد 
ملاذ بمزح:الحين شبعت منك مابيك حتى ملامحك حللتها
غيث:قاعد على قليبكك وبنتنا يارب تطلع تشبهني ونسخه عني عشان وين ما صديتي عني تلاقينها بوجهك
ابتسمت ملاذ واردفت:يلا نروح
مسك غيث يدها وهم متوجهين لبيت ام غيث
عند ام غيث
قعدت على سجادتها وهي تدعي لملاذ وقامت
توجهه لها صفاء واردفت: ياعمه ملاذ وغيث جايين
ابتسمت ام غيث واردفت: والله يمه لو تبطل ملاذ عنادها وتقعد عندنا احسن لها
صفاء:تعرفينها يا عمه بتقول بضيق عليهم واتعبهم
ام غيث:الله يسهل لها
وقفت صفاء واردفت:سند الباب يدق
سند:طيب يا صفاء قايم
ناظر سند اصايل الي انسدحت من التعب ونزل لمستواها وهو يبوسها واردفت اصايل بخجل:سند الباب
قام سند وهو مبتسم وتمتم:الله يعين قلبي من حبك الي قطع شرايينه
فتح الباب واردفت غيث:سنههه صدقني اطلع وقفة ملاذ من ضلوعك
ابتسم سند واردف:اسفيننن يحقق لكم تزعلونن ويحقق لكم نراضيكم
ناظر سند ملاذ واردف:كيفك اليوم يا ماما
ابتسمت ملاذ واردفت:بخيرر
دخلو وتوجهه ام غيث لهم واردفت: مشيتي اليوم ؟
هزت ملاذ رأسها ب نعم وقامت وهي تكابر ألم بطنها واردف غيث:ملاذ يا ماما تبين شي أنا اجيبه لك
طلعت اصايل:ملاذ قعديي تبين شي أنا اجيبه
ملاذ بالم:لا مابي شي
ام غيث: يعورك شي يا ماما؟
هزت ملاذ رأسها ب لا وهي تناظر غيث الي عرف نظراتها زينن واردف بخوف:يلا يمه البسي عبايتك
ناظرته ام غيث بتعجب واردف:احنا بسياره يمه استعجليي
قام غيث وهو يسند ملاذ عليه وركب السياره
واردف:ملاذ يا ماما لا تكابرين على الألم
ملاذ ببكى وهي تشد على يد غيث:غيثث لا تخليني
غيث بقلق:ما اخليك ياقلبي تطمني
ركبت ام غيث وهي تناظر ملاذ واردفت: هذا وقتها يا غيث
غيث بخوف:يمه لمتى بتضل على هالحال
ام غيث:ما عليه يبه بس ريح اعصابك
شدت ملاذ على شفايفها بالم وشد غيث على يدها
بتوتر وبدا يرتل ايات قرانيه
بيت ابو غيث
اصايل:صفاء شكله موعد ولادتها
صفاء بقلق:الله يسهل لها
سندس:تكفونن بنات إذا طولت يمكن أموت
بجناح عيال ابو سند
سلم سعود وسند وابو غيث واردف سعود :اللهمّ أرنا من كرمك ورحمتك، وأخرج المولوده سالمه سليمه عافيه متعافيه لا شر فيها ولا ضر، اللهم واجعلها من عبادك الصالحين وجنّبها الشيطان، واجعلها نصرة وذخراً وخيراً للإسلام والمسلمين.
كلهم: امين
عند البنات
اصايل: بقوم أصلي وادعي لها
صفاء:انتظرينا نصلي جماعه
بالمستشفى بعد مرور٦ساعات من القلق والتوتر سلم غيث من صلاة الفجر ورجع يرتل ايات قرانيه﴿وَاللَّـهُ أَخرَجَكُم مِن بُطونِ أُمَّهاتِكُم لا تَعلَمونَ شَيئًا وَجَعَلَ لَكُمُ السَّمعَ وَالأَبصارَ وَالأَفئِدَةَ لَعَلَّكُم تَشكُرون﴾
سكت شوي واردف
﴿اللَّـهُ يَعلَمُ ما تَحمِلُ كُلُّ أُنثى وَما تَغيضُ الأَرحامُ وَما تَزدادُ وَكُلُّ شَيءٍ عِندَهُ بِمِقدارٍ﴾
قام وهو يناظر امه واردف:يمه طولت ماعاد عندي صبر ابدا
ام غيث:وهي تمسح على شعره:أصبر يبه وردد اللهم يا خالق النفس من النفس ويا مخرج النفس من النفس، ويا مخلص النفس من النفس خلّصها ممّا هي فيه
قام غيث وهو يردد وماهي الا دقايق ويسمع صوت بكاء طفله واحدت محاجره بدموع واردف:يمه بنتي؟
هزت ام غيث رأسها بنعم وهي بتطير من الفرحه واتصلت تبشرهم وطلع الدكتور ببنت غيث واردف:مبروك ما جاكم تتربى بعزكم
ابتسم له غيث واردف وهو يحملها:امين
ناظرها واردف بتخبط مشاعره: ياروح بابا هالحلوه ياروحه بسم الله عليك من كل شر
تقدمت ام غيث وهي تناظرها واردفت بدموع فرح:ما توقعت انه بيجي يوم واشوف ولادك يا غيث
ابتسم لها غيث بوسط دموعه وباس رأسها واردف:الله يطول بعمرك يمه
بيت ابو غيث
قامت اصايل بفرح واردفت:سندد ملاذ ولدتت
سند بفرح:ياقلبيي فرحتك وفرحتهم
توجهه له اصايل وهي تحضنه واردفت:سند ابي اروح عندهم
سند وهو يحضنها:نروح يقلبي يلا البسو
ابتسمت اصايل وطلعت لهم
جناح عيال ابو سند
قام سعود بفرح واردفت: يعني الحين صرت خال يا سعود اعقلل
دخل ابو سند واردف بضحك:يلا يلا اقص يدي لو عقلت
ضحك سعود وهو يحضن ابو غيث:والله يا عمي أبي الدنيا كلها تدري اني صرت خال بس كيففف
ابو غيث:صير مذيع بقناة الاخباريه او السعوديه وأنا اضمن لك انه ٩٩٪ بينجلطون
ضحك سعود واردف:يلا يلا بنت ملاذ طارت
ابو غيث:ما قررو يسمونها؟
سعود: للحين ما استبعد لو قالو اذا كبرت بتختار اسمها
ركبو متوجهين للمستشفى
عند غيث
دخل غيث الغرفه وهو حامل بنته ويناظر ملاذ الي شحبت ملامحها وتبتسم له وقعد جنبها وهو يمسح على وجهها وباس جبينها:سلامتك من كل شر ياعمري
اردفت ملاذ بتعب:الله يسلمك ما بتخليني اشوف بنتي؟؟
ضحك غيث واردف:مو بنتك لوحدكك
حملتها ملاذ وحضنتها وهي تشم ريحتها هاذي الريحه وهالوجه الي قعد باحشائها ٩شهور الي بكل خطوه تخطيها تخاف عليها منها وكل اكله تاكلها تحسب حسابها هاذي قطعه من روحها طلعت على الدنيا وتعهدت انه ما يمسها ضر وهي موجوده جنبها وتحت حمى غيث
بكت ملاذ من الفرح واردفت:غيث شوف تشبهك
ابتسم غيث واردف:تشبهكك انتي شوفي وقت تبتسم عندها غمازه على خدها اليمين يعني نفس منن؟
رجعت ملاذ تبكي وحضنها لاكن هالمره حضن غيرر حضن توسدته روح من روحهم"سيلين"
حملها غيث وهو ياذن باذونها ورتلت ملاذ بتعب ﴿رَبِّ إِنِّي وَضَعْتُهَا أُنْثَى وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنْثَى﴾
سكتت شوي واردفت
﴿وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ﴾
رفع غيث شعر ملاذ وغطاها واردف:نامي يا قلب غيث احنا جنبك
ابتسمت له ملاذ وشدت على يده ونامت بتعب
دخلت ام غيث بعد ما خلصت صلاتها واردفت بهدوء:نامت يبه؟
هز غيث راسه ب نعم وحملت ام غيث سيلين واردفت:سميتوها؟
غيث:ايي يمه اسمها سيلين
ابتسمت ام غيث وهي تمسح على سيلين واردفت:قلب جدتها الي نايمه قلبها
حطت سيلين جنب ملاذ واردفت:أنا بطلع اشوف إذا جو او لا
هز غيث راسه ب طيب ورجع يتأمل سيلين وملاذ واردف:بوعدكم وعد والله لـ أوفيه لو حاربوني الناس في كل ليلة
ولو كايدو قلبي ولو نارهم فيه ... بردِ عليكم وحرها أنا كفيله
قلبي فدا لكم ضحكة منكم تكفيه 
دق الباب واردفت غيث:ادخل
دخل سعود بفرح وفز وهو يحضن غيث واردف:مبروكك ما جاكم تتربى بعزكم ان شاء الله
ابتسم غيث واردف:امينن
نزل سعود بهدوء وهو يبوس رأس ملاذ وناظر سيلين واردف بهدوء:يقلب خالوو انتيي قلبوو
غيث:حلوه لانها تشبهني صح؟
سعود:اسكت بالله
دخلت اصايل مع سند وطلع سعود وتوجهه اصايل لغيث وهي تحضنه: الحمدلله على سلامتها وما تشوف فيهم شر
حضنها غيث واردف:الله يسلمك الشر ما يجيكم وعقبالكمم
سند:امينن بس بعد سنينن
غيث:اوه انت خلك
توجهه اصايل لسيلين واردفت:ياروحي تجنن تعال شوفها سند
غيث:اذكرو ربكمم
سند:ماشاء الله تبارك الله بس مو ناوي تطلع؟
رفع غيث يده الي ماسكتها ملاذ وشاده عليها واردف:كيفف؟
سند بضحك:الله يديمكم عمر ويحفظ لكم بنتكم
ابتسم غيث واردف:امينن ياربب
اصايل:اسمها حلو على فكره اذكر مره سالت ملاذ وش بتسمينها قالت إذا بنت قماشه واذا ولد طاش
غيث بضحك:حرام عليكم كانت ما تطيق شي الحين خلاص طلعت هنتفه الي كانت مجننتها علينا
دخلت صفاء وسندس مع ابو غيث
حمل ابو غيث سيلين واردف:بسم الله ماشاء الله يازينن هنتفه زيناهه
سندس:عميي أبي اشوفها
ضحك ابو غيث وعطاهم وحضن غيث وهو يبارك له واردف غيث: تشوفونها تشبه ابوها صح!!
رفعت سندس رأسها وهي تناظر غيث واردفت بهمس لصفاء:والله مزيون
صفاء:هس عيب والله تسمعك ملاذ تطبق السماء والأرض عليك
سندس:تاخذ منكم ملامح بس تجنن
غيث:اذكري ربكك
ابو غيث بضحك:انت كل ما حد قال شي بتقول اذكر ربك؟
غيث:أيي بنتي
صحت ملاذ وهي تعدل سدحتها واردف غيث:خلك يا ماما مافي احد غريب
ملاذ بهمس:عيب غيث
غيث:لاهو عيب ولا شي ارتاحي بس
تقدم لها ابو غيث وهو يبوس رأسها واردف: انتبهي لنفسك يا ماما ولهنتفه ولهاذا الي بيتجنن على سيلين
ضحكت ملاذ واردفت:تامر يا عمي
بعد يوم مليئ بالتفاصيل الجميله برفقه "سيلين"الي نورت الدنيا واخذت من اسمها نصيب قبل تعرف الدنيا.....