ارئ في مَلاذ. ما لا يراه قيسُ في ليلئَ.

16الاخير.

صباح اليوم التالي
قامت ام غيث وهي تجهز غرفه ملاذ واردفت:اصايللل وين سرير سيلين
اصايل:يمه هي ثنين أي واحد
ام غيث: الي ينفتح من جهه عشان ترتاح ملاذ
صفاء:عمه شوفي أي لبس أحلى ؟
اصايل: شوفي الابيض حلو بس الوردي أحلى
ام غيث:كلها
ابتسمت صفاء ورجعت وهي ترتب الملابس بدولاب
جناح عيال ابو سند
قام سعود بتعب وهو لاول مره من فتره طويله ينام بهالفرح وفتح جواله وهو يرسل لملاذ عشان يطمن عليهم
بالمستشفى عند ملاذ
كانت بسابع نومه وما قدر غيث يصحيها من تعبها واردف وهو يحمل سيلين: صباح الخير يا بابا صباح النورر حضنها وهو الود وده يدخلهم بقلبه من كثر ما يحبهم ويخاف عليها دخلت الممرضة واردفت:تقدر ملاذ تطلع اليوم
ابتسم لها غيث وطلعت وبكت سيلين من الجوع واردف غيث:يعني الحين نخاف نصحي الماما تقومين تبكين ياقلبي ؟
سدحها وهو يسوي لها حليب وحملها لحضنه  وهو يشربها
قامت ملاذ على صوتها وابتسمت وهي تشوف غيث كيف يهتم فيهم واردفت:غيث
ناظرها غيث وابتسم:سمي ياروح غيث
قامت وهي تتسند واردفت: عطني هي وارتاح
توجهه لها وهو يقعد جنبها ومد لها سيلين الي نامت واردفت ملاذ:يعيون ماما وروحها أنتيي
غيث:وانا؟؟
ضحكت ملاذ واردفت: كل حياتي
ابتسم غيث واردف:قلبي اليوم نرجع البيت
ملاذ:بيت عمتي
غيث:ايي بدون اعتراض
ابتسمت ملاذ وهزت رأسها ب طيب واردفت:غيث أخذت اغراض لها؟
غيث:ايي كل شي جاهز لهنتفه
عند نجلاء
وقفت تناظر ولدها واردفت بضيق:فيك ملامح منه كثيرر لهدرجه بتعذبوني وما بنساه؟
باست عيون ودخل نايف وهو مبتسم: الحمدلله على سلامتك ياروحي وسلامة حبيب ابوه
قعد جنبها وحمله واردف:يقلب بابا انتت
سكت شوي وناظر نجلاء الي تسرح واردف وهو يمسك يدها: وش تبينا نسميه
نجلاء بغصه: سعود
ابتسم وبدا ياذن ويردد اسمه واردف نايف: نجلاء وش فيك
دخلت ام نايف واردفت:تعب الولاده وش بيكون فيها
صدت نجلاء بضيق ولاحظ نايف ضيقها واردف:يمه انتي على عيني وراسي بس انك تدقين نجلاء بكلامك لا والله  خلينا كذا حلوين بدون زعل لأنه ما ارضى عليها
ابتسمت له نجلاء وهي ملاحظه قد ايش يحبها بس في شي داخلها صاد عن الكل ومايبي الا سعود
بيت ام رقيه
ساميه:ياروحييي رسلت لي صورتها شوفي يمه بنت ملاذ
ام رقيه بابتسامه:حلوه الله يحفظها لهم
شمعه:يمه شوفي شعرها وأنا كل ما ولدت طلع اصلع وش ذا
ام رقيه بضحك:احمدي ربك ما كثر بثر وما قل زان
ساميه:وش رايكم نروح عندها؟
ام رقيه:أنا ما اقدر اخلي ابوكم من بعد وفاة خالد الاعاقه الي جته متعبتنا
شمعه:ما عليه يمه ملاذ لا صارت احسن هي بتجي وتشوفك
بيت ابو غيث
اصايل:يالله حيي الحامل والمحمول
ابتسمت ملاذ واردفت:الله يحييك
غيث:أنا طالع مع سند يا ماما تبين شي؟
ملاذ:لا تخلون سعود
ابتسم غيث واردف:تامرين أمر
طلع غيث مع سند وسعود للمجلس
واردف سعود:صبرر أبي اشوف سيلين وينها
سند بضحك:اوهه انساها دامها مع اصايل ما بتفكها
سعود بتنرفز:لا والله روح جيبها
ابو غيث بضحك:أنا بروح اجيبها
توجهه ابو غيث للمجلس واردف: كيفك اليوم يا ملاذ؟
ابتسمت له ملاذ واردفت:بخيرر يا عمي
حمل ابو غيث سيلين واردف:سعود يبيها
هزت ملاذ رأسها ب طيب واردفت اصايل:لا يبه أنا اولى فيها منه عطني هي
ابو غيث بتعجب وضحك:خالها يا بنتي
توجهه فيها ابو غيث للمجلس واردف سعود وهو يحملها:يازين نتفتنا يا زينهاا
سند:لايكثر وعطيني هيي
غيث:لا انت ولا هو بنتي وخرو عنها
ضحك ابو غيث واردف:أنا غاسل يدي منكم حتى على هطفله بتتهاوشون
ضحكو كلهم وحملها سند وهو يبوسها واردف غيث:على كل بوسه٥٠٠لو سمحتو
سند:انقلع والله ما تشوف ريال
غيث بضحك:اجلل عطني بنتي ولا يكثر
حمل غيث سيلين وهو متوجهه فيها للغرفه عند ملاذ واردف:يقلب باباا انتي ياروحهه
ابتسمت سيلين واردف وهو يناظر ملاذ:ابتسمت لي يعني تحبني اكثر منك
ملاذ بضحك:يحق لها
غيث بضحك: الحمدلله بدا لسانك يسترجع الإصدار القديم لأنه الإصدار الجديد ما عجبني
ضحكت ملاذ ودقت ام غيث الباب واردف غيث:ادخل
دخلت ام غيث وهي تحط الاكل جنب ملاذ واردفت:هذا الاكل يا بنتي واذا تبين شي ناديني
غيث:أنا بطلع يمه قعدي عندها او خلي وحده من خواتها تقعد لا تخلونها لوحدها
ابتسمت ام غيث واردفت:ان شاء الله
طلع غيث ونزلت صفاء وسندس
صفاء:ياروحيي يا ملاذ
ابتسمت لها ملاذ واردفت:تعالو
دخلت صفاء وهي تحضن ملاذ واردفت:كيفك اليوم ؟
ملاذ:بخيرر بعد شوفتكم
ناظرت ملاذ سندس الي تصور سيلين واردفت:اكلتينها بصورر
سندس:هص وراي ستريك
اصايل:خلي غيث يسمعكك تخيلو كل ما مدحو سيلين قال اذكرو ربكممم
صفاء بضحك:خله بنته يخاف عليها حتى تمشي بعدها تطلع عيونهم
ملاذ:فداها البيتت كله لو تبي تكسره
صفاء: خالاتي جايين
اصايل: اشتقت لهم مالهم حس
سندس:جدي تعب هالفتره ما مداهم يجون
اصايل:الله يشفيه
كلهم:امين
اردفت ملاذ:وين ملابس سيلين؟
صفاء: بدولاب كل شي لها
ابتسمت ملاذ وقامت تطلع لها ملابس ولبستها واردفت اصايل:ياروحيي شوفي حركاتها كيفف
سندس: ياروحيي اكلككك أنا اكلككك
حملتها ملاذ واردفت:بنات مو مصدقه انه هالحلوه بنتيي
سندس:ابوها وامها مزيونين أكيد بتطلع مزيونه
ملاذ:اقولل أنا بس مزيونه ولا يكثر
صفاء:اشم ريحه حريقهه
اصايل:حريقهه؟الا دخان طلع
ملاذ بخجل:بسس خلاص حيوانات
طلعو يجهزون لجيه ساميه وشمعه وقعدت ملاذ تتامل سيلين واردفت:تدرين يا حلوه انه كان عندك جد وجده محد بطيبتهم؟كان بيفرحون كثير بجيتك
نزلت وهي تبوس رأسها واردفت:الله يرحمهم برحمته الواسعه
فزت ملاذ على صوت جوالها وبكت سيلين واردفت:بسم الله عليك يا ماما بسم الله
ردت ملاذ
غيث:ملاذ
ملاذ:عيونها
غيث:وش فيها تبكيي؟
ملاذ:انفجعت من صوت الجوال
غيث:ياعمري عليها آسف ياروح بابا أنتي
ملاذ:ياقلبي هالبابا الحنون
ضحك غيث واردف:نسيت حتى وش أبي
ابتسمت ملاذ واردفت:انتبه لنفسك وخذ لي معاك ككاو بخاطري
غيث:من عيوني تبين شي بعد؟
ملاذ:لا
سكرت ملاذ واردفت وهي تناظر سيلين:بابا يقولك اسف ياعمري سمعتينهه؟
ابتسمت سيلين واردفت ملاذ وهي تبوسها:اكلككك انا اكلككك
عند نجلاء
طلعت نجلاء وهم متوجهين لبيت امها واردف نايف:محتاجين شي ؟
نجلاء: لا
نايف: نجلاء ليش تصدين عني شفتي مني شي ضايقك؟
نجلاء بغصه:لا والله ما شفت منك شي ضايقني
تنهد نايف بضيق واردف:وصلناا عطيني سعود ما شبعت منه
عطته وامتلت عيونها بدموع من ذكره واردف نايف بفرح:شوفيه يبتسم
ناظرته نجلاء واردفت بضيق: ياعمري هو
حملته نجلاء ودخلت البيت
ام نجلاء:اهلينن الحمدلله على سلامتك
ابتسمت نجلاء واردفت:الله يسلمك يمه
توجهه لها اثير وهي تحمله واردفت:هالحلو من يشبه
ابتسمت نجلاء بضيق واردفت اثير:وش اسمه؟
نجلاء:سعود
ناظرتها اثير بتعجب وهمست: نجلاء ما بترحمين نفسك ؟
نجلاء:والله قلبي الي ما تاب عنه يا اثير
صدت اثير بضيق وهي تلاعب سعود واردفت:ملاذ كلمتني تسأل عنك
ابتسمت نجلاء واردفت بضيق:فقدت حسهم
اثير:تبين تكلمينها؟
نجلاء:كيف لي وجه اكلمهم
اثير:يا نجلاء ملاذ بس تسأل عنك بعدين هي ولدت عندها بنت ما بتباركين لها؟
ابتسمت نجلاء واردفت:أبي اشوف بنتها
فتحت اثير جوالها وعطت نجلاء واردفت:يقلبي تجنن وهي توها ما وضحت ملامحها
اثير:ما احكي لك فرحتها
نجلاء بتردد:ما قالت لك عن سعود؟
اثير:نجلااء
نجلاء بضيق:اثير احبه احبهه تدرين وش يعني احبه؟؟اناا لو يطلب روحي عطيته طول هسنين منتظرني ولا زاغت عينه عني متخيله؟انتي بس تخيلي كسرة قلبه وقتها ادري لو صد صدته اخيره بس يوم عرف اني حامل كلمني كلامه يا اثير شلع قلبي عاد كيف قلبه؟؟
تنهدت اثير بضيق وفتحت جوالها على اتصال ملاذ وردت
ملاذ:سلام كيفك ؟
اثير:بخير
اشرت نجلاء بيدها "من"
اثير:ملاذ كيفك وكيف ملاكنا الصغيره ؟
ابتسمت ملاذ واردفت:بخيرر كيفها نجلاء ؟
اثير:ولدت وجابت لنا امير
ابتسمت ملاذ بضيق واردفت بغصه:يتربى بعزها
لاحظت اثير ضيقها واردفت: نجلاء عندي تبين تكلمينها
ملاذ:أي فقدتها
حاولت تتهرب نجلاء بس ما قدرت ومسكت الجوال
ملاذ: نجلاء
نجلاء وهي تمسح دموعها: ملاذ فقدتكم
ابتسمت ملاذ وهي تدري انه مو بيد نجلاء شي واردفت:حتى احنا فقدناك تخيلي صار عندي بنتت
ضحكت نجلاء بوسط دموعها واردفت:ام يحتاج لها ام
ملاذ وهي تحاول تغير نفسيه نجلاء:قبل شوي اسال البنات هاذي صدق بنتي؟؟
نجلاء: شفتها ياروحي الله يحفظها لك
ملاذ:امينن ما بتوريني ابنك؟؟
نجلاء:افا الحين اصوره لك
ملاذ:وش سميتيه
نجلاء بضيق:سعود
ملاذ:يتربى بعزكم ياروحي
نجلاء ببكى:ملاذ كيفه سعود؟
ضاقت ملاذ من نبرة صوتها واردفت: بخير يا نجلاء
نجلاء:امانه لا تكذبين علي
ملاذ وهي تمسح دموعها: لا تشيلين همه أنا وغيث معاه انتبهي لنفسك يا نجلاء ولابنك وانسي سعود يا ماما على الاقل تناسيه حرام تضيعين عمرك
نجلاء:ماقدر يا ملاذ لو يضيع عمري على ذكره راضيه
تنهدت ملاذ بضيق وناظرت سيلين الي بكت واردفت نجلاء: شوفيها يا ملاذ ومبروك ما جاكم
سكرت نجلاء قبل ترد ملاذ
وناظرت اثير ببكاء:لو انك ما عطيتيني يا اثير!!
حضنتها اثير بضيق واردفت:الله يجبر بخاطركم
بيت ابو غيث
طلعت ملاذ وهي حامله سيلين وتوجهه
للصاله واردفت ام غيث:محتاجه شي يا ملاذ ؟
ملاذ:لا يا عمه بس مليت من الغرفه
دخلت شمعه وساميه ورهف واردفت ساميه:سلامم
ابتسمت ملاذ واردفت:وعليكمم السلامم
وقفت ملاذ وهي تسلم عليها وحملت رهف واردفت:فقدتك يا حيوانه
ام غيث:ملاذذ اعقلي قالو لا تحملين شي ثقيل
ملاذ:وه يا عمه هاذي ريشه
حضنتها رهف واردفت:هاذي بنت من
ملاذ:بنتيي
نزلت لها رهف وهي تناظرها واردفت:ماما هاذي حقيقيه؟
ضحكو كلهم واردفت شمعه:أي يا ماما حقيقيه
مسكت سيلين اصبع رهف واردفت بضحك:شوفو مسكت يدي
باستها ملاذ ودخلت اصايل واردفت:اهلينن كيفكمم
ساميه وهي تحمل سيلين:بخيرر بعد ما شفت هنقطه الي كلها كياتهه
اصايل: ياروح خالتها تجننن بسم الله عليها
دخلت سندس وهي حامله قطوه اصايل واردفت:بنات شفتو سنابات ذيكك؟
ملاذ: الله يرزقناا كل يومين مسافره مكان
ساميه:لا عاد تخيلو تقول هذا مرهه رخيص ب٨الف
صفاء:اصبرو ما شفتهم
قامت ملاذ وهي تصب شاهي وتحط فصفص:الحين صلحت الجلسه
ضحكو كلهم واردفت ساميه:وه يا بنات تيك توك شفت فيه العجب الترند الجديد يارب رحمتكك
ملاذ:لا تخيلو وفرحانين قالك طلعو ترند
اصايل:يعني فله وكذا
صفاء:الي مطلع الترند مدري وش كان يحس فيها
سندس:والناس نفس البهايم واووو ترند جديدد
بدت سيلين تبكي وحملتها ملاذ: ياروح ماما الجوعانه
سندس:اسوي لها حليب؟؟
ملاذ:لا مسويه لها
ساميه:يقلبيي حتى بكيتها تجنن
اصايل:اقولك البيت كله منهبل عليها لو تبكي يجيبون لها القمر والشمس عشان ترضى
فتحت اصايل جوالها على رساله سند وقامت متوجهه له
سند:اهلينن
ابتسمت اصايل واردفت: ضيعت ملفك صح؟
سند بضحك:أي والله ما لقيته
اصايل:لقيته على السرير وخبيته
طلعته اصايل وعطته ومسك يدينها وهو يبوسهم واردف:فداك العمر وايام الشباب ولمّة الاقراب
وسنينٍ تجي وتروح قبلك ماهيب محسوبه
وفداك القلب وراعي القلب
ياوجهٍ من عرفته صارت الايام مرغوبه
حضنته اصايل بخجل واردفت:ياحصيلة عمري اللي فات ياكيفي وكمّي يارجاوي عمري اللي جاي ياخير السبايب
ابتسم سند وهو يبعد واردف:ياابعد دنيتي وكل ناسي
ابتسمت اصايل بخجل واردفت:طالع مكان ؟
سند:لا بقعد هنا
اصايل:تبي شي؟
هز سند راسه ب لا وهو يبتسم ورجع يرتب اوراقه ويطقطق اصابعه ويبدا شغله
ابتسمت اصايل وهي تناظره وطلعت
قامت ملاذ بتعب وهي تحمل سيلين واردفت صفاء:تعبانه؟
ملاذ وهي تبتسم:لا بس برتاح شوي
دخلت ملاذ غرفتها وحطت سيلين جنبها واردفت:شكل الماما بتدخل في سباتت عميقق معاك
حاوطت ملاذ سيلين بيدينها وهي تقربها لحضنها ونامت
عند غيث
وقف غيث سيارته وهو يناظر سعود واردف غيث:يا سعود شوف حياتك الدنيا ما توقف عقبها
سعود:غيث تقدر بدون ملاذ؟طيب تقدر تشوفها مع غيرك؟تقدر تشوف عندها بنت مو بنتك؟غيث الشعور يوجع والله يوجع
تنهد غيث واردف: أصبر يا سعود عسى ربك يفرجها وأنا والله لو أهد لك ياسعود ضلوعي فدا وسع خاطرك يبه والله الدنيا ما تستاهل ضيق عيونك الي نساك انساه والي يدور ذكرك اذكره والي يتقدم لك خطوه تقدم له خطوات والي يشتري مجلاسك من بين الناس اشتري مجلاسه نفسك عزيزه ياسعود لا تذلها الحب قطع كبود البعارين حتى الحمير السود يلعن جدفها
ضحك سعود من جملة غيث الاخيره واردف: ياخي إذا جيت تضرب مثل خله يتناسق مع كلماتك
غيث بضحك: حسبي الله داخل جو المواسي أنا
سعود:حرك حرك قبل الآذان
غيث:صحح ملاذ تبي ككاو ذكرني
سعود: صراحه مادري من الطفله بينهم
غيث بضحك: كلهم بناتي
ابتسم سعود وهو يشوف حب غيث لملاذ وحمد ربه أنه اطيب قلبين اجتمعوا وهو من كثر حبه لهم وده يخبيهم بقلبه من كل ضرر ممكن يمسهم أو نقدر نقول ضرر الفقد
وصل غيث البيت ونزل وهو يدخل من الباب الخلفي ودخل الغرفه واردف وهو مبتسم:ياقلبي انتو شكلي طولت
حط الاغراض على الطاوله وتوجهه لسيلين وهو يحملها بهدوء:ياعيونن بابا الي صاحيه يعيونوو
ابتسمت سيلين وفتح غيث لفتها واردف:هي ماما لافتكك تفكرك يرقه؟
قامت ملاذ وهي تناظرهم واردفت:متى جيت
غيث وهو يبتسم:توني جيت صحيتك؟
ابتسمت له ملاذ واردفت:لا
غيث:ليش ان شاء الله لافه بنتي؟؟
ضحكت ملاذ واردفت:كذا امان لها وقت تنام يا غيث بعدين ترتاح
غيث:لا خلها تتنفس شوفي هالوجه الحلو احد يلفها كذاا؟
ملاذ وهي تناظر سيلين: تشوفين بابا يخاف عليكك؟
ابتسم غيث وهو يحط سيلين بسريرها وفتح يدينه لملاذ بمعنى تعالي وحضنته وشدت عليه وهي تحبس ريحتها بصدرها وشد عليها غيث واردف:والله لو يرجع عمري ببتديه فيك انتي اول امالي واخرها
ابتسمت ملاذ واردفت:دنيتي بدونك يا غيث ما تسوى سبحان الله زرع محبتك بقلبي
ابتسم غيث وهو يبعد واردف بضحك:جبت لك الي تبينه
ملاذ بضحك:فكرتك نسيته
غيث:افااا ملاذ تطلبني شي وانسى!!!
دقت ساميه واردفت:ملاذ نايمه؟
ملاذ: لا ثواني جايهه
غيث:خلي سيلين عندي وروحي
ابتسمت ملاذ وطلعت
ساميه: سعودد بيقولك شي بس مدري وين راح
عقدت ملاذ حواجبها وهي تبتسم واردفت:ركب له جنحان وطار
طلع سعود وهو يضحك واردف وهو حامل ارنب:هاذا ارنب مينن؟
ملاذ بضحك:بنت سكرهه؟؟
هزت سعود راسه ب نعم وحضنته ملاذ واردفت وهي تحملها بدموع:فقدتهاا
ساميه:عاد كل شي ولا تبكيننن جبناها عشان تفرحين
ضحكت ملاذ ببكى واردفت:طيب وش اسوي فرحانه
سعود وهو يناظرها:وين سيلين؟
ناظرته ملاذ بطرف عين واردفت:تسأل عن سيلين وملاذ قدامك ما ملت عينك؟
سعود:افااا بس فقدتهاا
ضحكت ملاذ واردفت:عند غيث بالغرفه روح شوفها
بعد مرور سنه بخيرها وشرها وزواج سعود بروان بنت خاله اصايل,,
غيث وهو يحمل سيلين:قولي بابا
سيلين بضحك غيث: قولييي يا ماماا غصب تطلع منكك
دخلت ملاذ واردفت:خلهاا بحالهاا
حضن غيث سيلين واردف:قلبب ابوها هاذي
نزلت سيلين وهي متوجهه لالبا تحبي
بيت ابو غيث
ابو غيث: اصايلل يلا يمه طولنا غيث منتظرنا
اصايل:جايهه
سند:عمي وش رايك نمر لسعود؟
ابو غيث:كلمته قال مشغول
عند سعود
روان:سعود الحين انت الصيدله ماخذه نص عمركك!!
سعود بضحك:انتي عمري محد ياخذه غيرك
ابتسمت روان بخجل واردفت:لا والله شوف حالتك
وقف سعود وهو يبوسها واردف:انتي حالي يا كل حالي
حضنته روان وهي لو بيدها خلت الدنيا كلها بكفه وهو بكفه
وشد عليها سعود وهو وده ينهي عمره فيها ويبتديه فيها
عند نجلاء
قامت وهي تحمل سعود واردفت وهي تبوسه:ياروح ماما انت روحهاا
نايف:نجلاءء تراك مدلعتنه اخر دلع
ضحكت نجلاء واردفت:هاذا قطعه منيي لو بيدي عطيته الدنيا ما غير انت متسدح بصله توفي حقك وتزيد
طارت عيون نايف واردف:هينن
ضحكت نجلاء ونزلت سعود وهي تحضن نايف واردفت:الله لا يحرمني منك
نايف وهو مبتسم:يديمك لي عمر
عند ابو غيث
ابو غيث:يالله يا غيث استعجلل
غيث:يبه قاعد اكلم سعود ما بنطلع الا وهو معانا امشو واحنا نلحق
سكر ابو غيث واتصل غيث لسعود
سعود:لبيهه
غيث:يا حيوان كم مره اقولك تطلع معانا؟؟
سعود: مشغول ياخوك
غيث:لالا مالي شغل جاي لك وملاذ تبي روان مع البنات ياخي يالله تحرك
تنهد سعود واردف:طيب مر لي سيارتي بالورشه
غيث بضحك:انتصر غيثث وبنتهه
سيلين بتعتعه:بابا
غيث:ياروحح ابوكك ودنيتهه
دخلت ملاذ واردفت:غيث يلاا
غيث:يلا يقلبي مشينا بنمر لسعود معانا
ملاذ بفرح:بيجيي؟
غيث:ايي جايي
ركبت ملاذ وفتحت جوالها على اتصال روان وردت
ملاذ:اهليننن
روان:ملاذ سويتي قشر ولا بن؟؟
ملاذ وهي تضرب راسها:تخيلي اني ما سويت قهوه
روان بضحك:هو ذا الي فالحه فيه بس الشاهي ما تنسينه
ملاذ:اكيدد مسويه ثلاجتين بعدد وحده حبق ووحده نعناع
روان:أي دامه كذا رضيت أنا بجيب بن وفصفص ومسويه معجزنات لا تشترون
ملاذ:تمم احنا قريبين
سكرت ملاذ واردفت:غيث بتنزل؟؟
غيث:أي بجيب حلى
ملاذ:مسويهه
غيث:بيكفي؟؟
ملاذ:أي صحنين كبار واحد لنا وواحد لكم
ابتسم غيث واردف:تسلم يدينكك
ابتسمت ملاذ ووقف غيث قدام بيت سعود ودق بوري ولا وقف حتى طلع سعود ماسك راسه:حسبيي الله يا غيث حسبي الله
غيث بضحك:قلت تجهزو من بدريي طولنا
ركبت روان وهي تسلم على ملاذ وحملت سيلين واردفت:ياروح خالتو انتي
سعود:عطيني هيي
روان:لا مالك شغل فيها
التفتت سيلين لسعود ومدت له يدينها وناظر روان واردف:يزينن الي تبي خالهاا
ضحكو كلهم واردفت ملاذ:غيث شغل لنا شيي مطولين حتى نوصل
ابتسم غيث واردف:تامرين واليي تامرين فيه أنا حاضر
ابتسمت ملاذ بخجل واردفت روان:سعود تعلم
ضحكو كلهم واردف سعود:والله انتي جاحده
مد غيث يده وهو يشغل لهم شي وابتسم وهو تذكره هالاغنيه ببداياتهم
(حِسك وجودي وإنتي بالدنيا عندي
وإنتي في قلبي الأولى وإنتي الأخيرة
ها الحب لو ينشاف وأبوح سَدّي
شفتي من الإحساس ما يكفي ديرة
ويا عايشة بقلبي أنا الود ودّي
روحي أقدّمها لعينك أسيرة
وإن راحت لعيناك يا منهو قدّي
أشهد وهذي الخيرة لا قالو خيرة
إحساس أرقى من الغرام
مو حب عادي والسلام
الله يِعلَم وشكثِر
شايل لك بقلبي كلام
إحساس أرقى من الغرام
مو حب عادي والسلام
الله يِعلَم وشكثِر
شايل لك بقلبي كلام
كل شي بك ينحب طيب وتحدّي
هبية وشموخ وروح وأشياء كثيرة
مدري وش أوصِف فيك ولاّ شَعَدّي
وكلك على بعضِك يا إنتي مثيرة
حَصّنتك بقلبي وأحاسيس وِدّي
بسم اللي خالق زينك ونستخيره
زينك هذاك اللي إنخلق للتِفدّي
أفداه أنا ويفداه غيري وغيره
إحساس أرقى من الغرام
مو حب عادي والسلام
الله يِعلَم وشكثِر
شايل لك بقلبي كلام
بك يا سَعد عينٍ تراك ويا سعدي
وجهك صباحي العذب وإحساسي طيره
وش قد أحبك مدري بس إنتي عِدّي
حبك فضا ويجري في دمي أثيره
كل حاجة منّك حلوة عالقلب عندي
حتى التفاصيل البسيطة كبيرة
إلاّ غيابك يقلِب الفرحة ضدّي
ويخلّي هالدنيا في عيني صغيرة
إحساس أرقى من الغرام
مو حب عادي والسلام
الله يِعلَم وشكثِر
شايل لك بقلبي كلام)
عند ابو غيث
وقف بعد ما جهزو الجلسه واردف:يبه اخوانك طولو
سند وهو يبتسم: شوفهم يا عمي ذولا هم جو
توجهه لهم ابو غيث وهو يرحب فيهم وحمل سيلين الي اردفت وهي تحضنه:بابا
ضحكو كلهم واردف غيث:الناس كلها عندها بابا
ابو غيث وهو يبوسها:تفداهاا عيوني الثنتين
توجهه ملاذ وروان للبنات واردفت روان :هاييي
اصايل:اهليننن طولتوو
صفاء:وه يا بنات تخيلو نسيت عشانا
روان:نتعشى عليك مافي مشكله
ملاذ:لالا ما عليكم أنا لو شديت حيلي شوي جبت البيت
ضحكو كلهم واردف سندس:ملاذذ صبي لي شاهي
ملاذ:لا ثواني اصب قهوه الحلى لو برد محد بياكله
ام غيث:عطيتيهم حقهم؟
ابتسمت لها ملاذ واردفت:أي يا عمه عطيتهم
صبت لهم ملاذ وحست في شي وراها ولفت تناظر سيلين الي جت تحبي عندها واردفت:ياروحييي شوفوو من وين جايه
اصايل:يقلبيي شكلها جوعانه
حملتها ملاذ وهي تاكلها حلى واردفت:حلوو؟
ناظرتها سيلين وابتسمت واردفت ام غيث:انتي وغيث شي ثانيي البنت توها تقول ماما وبابا
ضحكو كلهم ومدت سيلين يدها لام غيث وحملتها
جهه الرجال
استغرب غيث وهو يشوف سكاب جامح واردف: هذا وش بلاه؟
سند:خله يتجنن بساحته
سعود:غيث لا تقول بتقوم له
غيث:بسكر بوابته اخاف يطلع
ابو غيث:الحين يتوطى ببطنك
ضحك غيث واردف:ما اخاف من الموت اخاف على قطعتين مني بعد موتي
ابتسم له ابو غيث وهو يعرف قد ايش غيث يحبهم واردف سعود:يلا يلا خلناا ننطرب وش هالجو الكئيب
سند:قدامم
بدا سعود يغني وهم يرددون معاه
(سايق الخير ساقك يم عاشق جمالك
لو تأخرت أبصبر لو هي ألفين عام، لو تأخرت أبصبر لو هي ألفين عام
أسفرت وأنورت من يوم شعشع هلالك
فز قلبي لفزك يا ظبي العدام
إنزل القلب وأمر ما به إلا حلالك أشهد إنه حظيظ اللي غدى لك مقام
ما يسد بمكانك غيرك أحدٍ بدالك
باني لك قصور وباني لك خيام)
تنهد سند واردف وهو يبتسم:ياربب هبنا سبعه اجسام احنا نحب بعاطفه سبعين ام
______________________________________
وهنا تنتهي روايتنا الي بدات معانا
١٦يوليو سنه٢٠٢٢
١٢/١٧سنه١٤٤٣
وانتهت
٢اغسطس سنه٢٠٢٢
١/٣سنه١٤٤٤
انتهت بحلوها ومرها وعشناها بمشاعرنا الحلوه والشينه أحب اشكر كل شخص وقف معاي ولولاكم ثم فضل الله ما كان وصلت للي أنا فيه كان حلم كبيررر بنسبه لي أكون كاتبه رواية بعد تحطيمات كثيرر وها أنا اليوم كاتبه لرواية"ارئ في ملاذَ.
ما لا يراه قيسُ في ليلئَ."
اتمنى من كل شخص ما يستسلم بسبب كلام أشخاص آخرين لان الحلم يبقى حلم والامنيه تبقى امنيه وكلمة ليت تقدر تكون حقيقه خطيت لكم روايتي بمشاعري وليس باناملي الحياة تنعاش بحلوها ومرها وما توقف على شي ابدا نفس قصه سعود ونجلاء
والدنيا بعد الصعاب تجيب لك العوض نفس ملاذ وغيث
وحنيتك على اولادك ابدا ما تنقص منك شي نفس حنيه الآباء والأمهات بهروايه
انتهت روايتنا ورغم انتهائها يبقى غيث يرئ في ملاذَ.
ما لا يراه قيسُ في ليلئَ......