ارئ في مَلاذ. ما لا يراه قيسُ في ليلئَ.

8

صباح اليوم التالي
ابو غيث توجهه لصاله يدق الباب
ملاذ:ادخل يا عم
دخل ابو غيث واردف بقلق: يلا يا ملاذ قولي لاخواتك يتجهزون نرجع بسرعهه وبدون أسأله إذا صرنا بطريق قلت لكم
ملاذ بصدمه:طيب سند؟
ابو غيث:يدري يا ماما يلا لا تخافين ولا شي
توجهه ملاذ لسندس وصفاء وقالت لهم وكانت ردت فعلهم نفس ردت فعلها طلعت صفاء وهي تتنقب متوجهه لعند اصايل واردفت: اصايل شسالفه!!
اصايل بتوتر رفعت اكتافها بمعنى مدري
دق الباب سعود ودخلت اصايل
سعود وهو يتصل على سند:جهزتو؟
هزت صفاء رأسها وركبو الشنط بسياره ووقفو منتظرين ابو غيث الي يكلم سند
سند:يا عمي الموضوع ماهولعبه شامخ مدخل ناس بيننا على أساس انهم عساكر واخذنا منهم معلومات عنه وانه بيسافر وبيرسل رجال اكثر وعنده ابن محد يعرفه يعني لو رجعتو هناك بنامن عليكم اكثر
ابو غيث وهو يمسح على وجهه:الله ياخذه أخذت عزيز مقتدر
سند بقهر:امين
عند سند
سند:حميد اتصل للمطار يجيبون لنا اسماء المسافرين خارج المملكة كلهم
حميد:أكيد مزور اسمه ابن الكلب
سند وهو يشد على راسه من الصداع:أي اسم مشتبه فيه او مو مشتبه بنبحث عنه ونطلعه
حميد:برسل امن للطرق والبيت والله يفك هالكربه ويفكك عظام شامخ
سند:كيف عنده ابن وما انتبهنا له؟؟من الي كان يزوره؟
حميد:ما عنده سجل زيارات
سند بجنون: كيففف قبل فتره أسأل وينه قالو عنده زياره
حميد بقلقل:مدريي يا سندد يلعب فينا لعبه خبيثه
بسياره ابو غيث كان فيها ملاذ وصفاء وسندس وام غيث واصايل وسياره سعود فيها غيث وسعود
غيث:يعني أكيد البيت امان ولا كيف شفت وش سوو يقدرون يدخلون بسهوله
سعود:مستحيل سند جايب ناس يعرفهم
غيث:بقعاء تصوع شامخ وتخالف مثاني عروقه
انفجر سعود ضحك واردف:ياخي مرات أأمن على ملاذ فيك ومرات يطيح كل الامان
غيث وهو متعجب من كلامه:افاااا هذا قولك يا سعود يكفي انها اختك بحطها بعيوني
ابتسم له سعود وكملو طريقهم
وقف سعود عند واحد يبيع شاهي ووقف جنب سيارته ابو غيث
ابو غيث:عسى ما شر؟
سعود:لا يا عمي كملو بس باخذ شاي والحقكم
ملاذ:يا عم قوله معانا إذا يبي بنعطيه
ابو غيث:معانا يا سعود تبيه؟
سعود:أي وخلي ملاذ تجي معانا وتجيب اغراض عشان ما نوقف الا البيت
ابو غيث:يلا ملاذ وأنا ابوك حطي لهم اغراض وانزلي معاهم اريح لك
توهقت ملاذ وهمست لصفاء:والله لو سكتت ابرك لي شفقة بهالملعون بس الظاهر بقعد اندب على حظي
صفاء بضحك:يلا امسكي وانزلي
ملاذ:هينن
نزلت ملاذ وطول الطريق وهي تناظر سعود وساكتهه
وغيث راحمها ناظرها بالمرايه وشافها تقراء الكتاب الي اخذه لها وابتسم
بعد ما وصلو البيت ركبت ملاذ جناحهم وهي مهلوكهه ودخلت في سبات عميقق
صفاء:ياا مسرع نامت
اصايل:شكلها تعبانه خليها
سندس:وأنا جوعانه سوو لنا اكل
صفاء: اصبرو بطلب
اصايل:زينن أنا باخذ شور على بال ما يجي الطلب
طلعت اصايل وهي ضايقه من حس سيارات الشرطه حوالين البيت
ناظرت غيث وهو يقراء كتاب ورفعت حواجبها بذهول:شكل عدوة ملاذ بحب الكتب انتقلت لك
غيث:شكله
اصايل بابتسامه:هذا كتاب ملاذ!!
غيث بنفس الابتسامة:اي
اصايل:إذا خلصت عطني بقراه
غيث:طيب بس فارقي خلني اخلص
اصايل:الحمدلله اني ما طلبت لك معاي عشان ما اندم
طلعت وهي تصفق الباب وراها
عند ابو غيث وسند
ابو غيث:ارتاح يا سند بنلاقيه هلكت نفسك من الصبح
سند:لا يا عمي ما برتاح الا إذا لقيته
كانت قدامهم اوراق كثيره متناثره بكل مكان وسند يرتبها
حميد:ما لقيت شي غريب للحين
سند:اسم فهد بن قاسم ماله سجل سفرات من قبل هويته سعوديه مسافر لندن لوحده
ابو غيث:بنرسل رجالنا يتاكدون ونشوف وش يطلع معانا وانت ارجع وارتاح
سند وهو يمسح على وجهه:ان شاء الله
بيت ابو غيث جناح عيال ابو سند
صحت ملاذ بتعب والصداع ينهش رأسها شربت مسكن ورجعت قعدت
صفاء:انتي بخير ؟
ملاذ هزت رأسها بنعم وهي من كثر الصداع مو قادره تتكلم
توجهه لها اصايل وهي تقيس حرارتها:ما اتوقع ابدا انك بخير حرارتك مرتفعه
ملاذ:بخيرر بس عطوني بطانيه ثانيه
قامت سندس وهي تلحفها ببطانيه ثانيه
صفاء:ما يصلح نخليها كذا
سندس:والحل؟
اصايل: المستشفى!!
ملاذ:اسمع ترى اسمع مالهه داعي أنا بخير
اصايل:والله لو بتموتينن قلتي بخير
صفاء:أنا بتصل على سند وسعود إذا جايين يودونها
اصايل:توهم واصلين وسند من الصبح مشغول وغيث موجود
سندس: يعني تتوقعون تروح؟؟
اصايل:برضى ولا بالغصيبه ما تشوفين حالتها؟
صفاء:خلوها ربع ساعه ونشوف
اصايل:طيب
نزلت اصايل وهي تدق باب غرفه غيث
غيث: ادخل
دخلت اصايل وقعدت قدامه :لا تنام
غيث:ليش ان شاء الله
اصايل:ملاذ تعبانه ومافي احد يوديها المستشفى لو تعبت زياده
فز غيث وهو يقعد ويمسح على وجهه:طيب وش منتظرين تتعب زيادهه؟
اصايل:ما رضيتت ياخي
غيث:جهزوها بس أنا بطلع اشغل السياره
طلع غيث وهو يتعوذ من الشيطان وشغل سيارته وهو منتظرهم وبينفجر عشان يطمن عليها
عند ملاذ
طلعت اصايل:يا هدرج لو انه بشر طردني من كثر ما طلعت فيه اليوم
دخلت غرفه ملاذ وقعدت جنبها
اصايل:ملاذ ملاذ يلا قومي
صفاء:صبري بحاول اصحيها
فتحت ملاذ عيونها بتعب ولون وجهه مخطوف وترجف من البرد
اصايل بخوف:مستحيل تقدر توقف بتصل على غيث سحبت جوالها وهي تتصل
غيث:ها شصار
اصايل:على حالتها هاذي مستحيل تقدر تنزل من الدرج تعال
غيث بخوف:طيب جاي خلي اخواتها يدخلون اي غرفه
اصايل:تعال بس
قامت صفاء ودخلت الغرفه عند سندس وهي خايفه على ملاذ
دق غيث باب الغرفه
اصايل:تعال مافي احد
دخل غيث وهو يشوفها تحت البطانيات وملامحها شاحبه وترجف وتجمد مكانه من خوفه عليها واردف بخوف:يعنيي بالله هاذي حالتهااا مخلينها كذاا قرب وهو يحط يده على جبينها حرارتها مرتفعه ناظر اصايل:روحي جيبي عبايتها بسرعه والحقيني السياره حملها وركبها السياره ونزلت اصايل وهي تلبسها عبايتها
عند سند
قام هو وسعود على اتصال صفاء وهي تقوله ملاذ تعبانه وتوجهه للبيت دخل وهو عقله متشتت:وينها؟
صفاء:وداها غيث واصايل المستشفى
حط يده على راسه وهو يستغفر
صفاء:خلاص ارتاح إذا وصلو بيطمنونا
سعود:من ايش تعبت
رفعت صفاء اكتافها بمعنى مادري
بالمستشفى
طلع الدكتور وهو يطمن غيث
الدكتور:ضغطها منخفض ان شاء الله إذا ارتفع بعد المغضيات تقدرون تطلعونها
تنهد غيث براحه وهو منهلك من التفكير:ان شاء الله
رجع وهو يدخل الغرفه ويشوفها للحين ما قامت واصايل  منهلكه من التعب وقف عندها واردف:قومي انسدحي على الكنبه ارتاحي
اصايل:وانت؟
غيث: بروح اجيب لها اكل
ضربت اصايل رأسها:صح اليوم ما أكلت شي من الصبح
غيث:ماشاء الله عليكم حتى وجودكم وعدمكم واحد ولا تدرون هي عايشه ولا ميته
صدت عنه اصايل وهي تتصل بصفاء وتدري انه ما يقول هالكلام الا من خوفه عليها
بيت ابو غيث
هاذي اصايل تتصل ردت
صفاء:طمنينا وش صار ؟
اصايل:بس ضغطها كان نازل والحين عندها مغضيات تخلص ونرجع
صفاء: الحمدلله
صحت ملاذ وهي تحط يدها على رأسها بالم
اصايل:كيفك الحين ؟
ملاذ: بخير
ناظرت المغضي الي بيدها واردفت:من جابني المستشفى ؟
اصايل:غيث
ناظرت ملاذ اصايل بتعجب وهي ببالها مليون سؤال وقبل تتكلم سمعت دقه الباب دخل غيث وهو يحط الاكل وطلع مايبي يحرجها اكثر وهي تعبانه
حطت ملاذ يدينها على وجهها:يا فشيلتاهه
اصايل بضحك:هلكتينه خوف عليك والحين مسمرتنه برا
ناظرت ملاذ الاكل ورجعت سكرت عيونها بتعب
فتحت اصايل جوالها على رساله غيث "خليها تاكل وانتي بعد جبت لك" سكرت جوالها وهي تناظر ملاذ
اصايل:ملاذ
ملاذ:ها
اصايل:قومي تسندي يلا عشان تاكلين
ملاذ:مابي
اصايل:لا تقومين ما اكلتي شي اليوم
ملاذ:خلاص بس شوي
رجعت اصايل وهي تفتح جوالها وردت على غيث"تقول تاكل بعد شوي" تنهد غيث وهو يفتح جواله ورد "تقوم تاكل الحين ولا بدخل"
ابتسمت اصايل وهي اول مره تشوف غيث مهتم لاحد لهدرجه واردفت:غيث يقول إذا ما قمتي تاكلين بيدخل
ملاذ بعدم مبالاه: يدخل عادي
ردت اصايل على سند"تقول ادخل عادي"
تنهد وهو يدخل يده بشعره واردف:رأسها يابس
دخل الغرفه ودخلت وراه الممرضه وهي تركب لها المغضي الثاني وغيث يناظرها واردف:يعني ما بتاكلين!!
ملاذ وهي تصد وتناظر الجهه الثانيه: أي
رفع غيث راسه وهو يناظرها رغم تعبها الا انه ملامحها نفس جمالها وبرئتها تسندت وهي تناظر الاكل واكلت لقمتين ورجعته  واتصل غيث على سعود يطمنه وطلعو من المستشفى
اصايل:باقي ساعه على يوم ميلادك
ابتسم لها غيث وركب السياره اما ملاذ كانت سرحانه واردفت:مشكور يعطيك العافيه تعبتك
ناظرها غيث بالمرايه واردف:الله يعافيك
مد يده يشغل شي ويغير الجو المتكهرب الي صاير واشتغلت اغنيه لمحمد عبده
(يا بعيد وجابك الله .. لين عندي وصلك
ما تمنيتك لأنك .. كنت ابعد من خيالي
ما خطر في بالي مره .. اني ممكن اوصلك
كنت اشوفك مثل نجمٍ .. في السماء ساطع وعالي
يا بعيد وجابك الله .. لين عندي وصلك
جيتني مثل الشروق .. اللي محى عتم الليالي
جيت فرحه للحزين .. اللي من همومه هلك
جيتني وانت يحبك الف محبوبٍ بدالي
سخرك سبحانه اللي في عيوني كملك ..
يا بعيد وجابك الله .. لين عندي وصلك
هو صحيح احنا التقينا ؟ هو صحيح انت قبالي ؟
هو صحيح اني حبيبك ؟ كان لي حق اسألك ؟
كانني احلم طلبتك .. خلني هايم لحالي
خلني بالحلم عايش فيه دامي به معك ..
يا بعيد وجابك الله .. لين عندي وصلك
ممتلي بالحب قلبي .. وغير قلبي قلب مالي
اهدني قلبك حبيبي .. خلني فيه اعشقك
يا بعيد وجابك الله .. لين عندي وصلك)
كانت الاغنيه كفيله توصل أسأله غيث لملاذ الي سرحت وهي تتامل ملامحه الهادئه ونبره صوته الي ما تقدر تتخطاها وعلى سرحانها دخلت في سبات عميقق وقف غيث قدام البيت وهو يناظر اصايل وملاذ الي نايمين وطلع وهو يصحي اصايل
غيث بتعب:يا بنت الناس قومي لي ربع ساعه اصحي فيك
اصايل:طيب طيب
قامت اصايل وهي تناظر ملاذ
غيث:لا تناظرينها صحيها ويلا
اصايل بتعب النوم: صحها انت ونزلت من السياره
غيث: حسبي الله
قامت ملاذ وهي تعدل قعدتها وناظرت غيث
غيث:وصلنا يلا انزلي
نزلت ملاذ وهي بتفطس من البرد ناظرها غيث ورحمها ومد لها فروته واردف:خذيها وبلا عنادك
أخذتها ملاذ وهي تلبسها وتوجهه للبيت وغيث يسكر سيارته ويطلع سلاحه منها وابتسم للشرطي الي واقف قدام البيت: يعطيك العافيه ودخل
عند ملاذ
دخلت الجناح وكلهم نايمين دخلت غرفتها وهي شبعانهه نوم عدلت شعرها وحطت فروته على سريرها وقعدت تسرح بافكارها قامت تناظر رف الكتب وسحبت كتاب شعر وابتسمت وغلفته وهي تدعي انه يعجبه وكتبت له رسالة داخل الكتاب ونزلت بهدوء وحطته قدام باب غرفته ودقت الباب وطلعت وهي تركض
وقف غيث وهو يمدد يدينه واردف:ادخل
وقف بتعب يفتح باب الغرفه وما شاف احد رجع بيسكره بس انتبه لشيء بالارض وناظره وابتسم ودخل الغرفه وقال:مستحيل اصايل أصلن نايمه فتح التغليفه وكان كتاب شعر قعد يتصفح صفحاته ووقف عند ورقه موجوده بين الصفحات فتحها وهو يقراءها
" فاتِنٌ عرَبي في حُسنِهِ
دُرر الجمالِ الفاتن العدنانِ
حنونُ قلب لهُ عينين من دُرر
ومبسم كضياء الشمسِ إذا طلعت
بديعُ حُسنِ لو تراء لكافرِ
لسبح باسم اللٌٰه جهراٌ وكبرا"
صباحُ ميلادك يشبهك حقا حيث ان بدايته غيث)
ابتسم وهو يدري انها ملاذ وفتح دريشه غرفته وهو يشوف الدنيا مطر وشافها قاعده بجلسات الحوش وهي لابسه فروته وتشرب شاي  تنهد وهو يمسح على وجهه يعني توك طالعه من المستشفى وناويه ترجعينه فتح باب غرفته وطلع للحوش وتكتف وهو يناظرها:يعني ناويه ترجعين المستشفى
هزت ملاذ رأسها ب لا وهي تناظره وتفكر معقوله عرف انه أنا الي عطيته الهديه!!
قعد غيث قدامها واردف:أذا مانك داخله ماني داخل
ابتسمت له واردفت:عاديي تبي شاي؟
هز راسه ب أي وصبت له وتكتفت وهي تناظره:وبعدين معاك
غيث:وبعدين مع عنادكك انتي
ضحكت ملاذ وهي تناظر عيونه الي كل ما لها تغفى ورحمته:خلاص بدخل
تنهد غيث براحه وضحك:ربي هداكك ولا كنت بنام وأنا انتظر متى تدخلين
دخلت ملاذ وهي خجلانه وقبل تطلع جناحهم اردف غيث:على فكره هديتك عجبتني
ابتسمت له ملاذ ودخلت غرفتها وهي خجلانهه
عند شامخ,,,,