ارئ في مَلاذ. ما لا يراه قيسُ في ليلئَ.

7

بطريق وهم راجعين
وقف سند قدام مسجد وهو يمسح على وجهه واردف:يلا نصلي ونعين من الله وخير ونتحرك ورانا طريق
نزلو البنات مصلى النساء ودخل سعود وغيث مصلى الرجال
عند البنات
سندس وهي تصارخ:يمههههه بناتتت
فزت صفاء وهي تسحب ملاذ وتوجهو عند سندس
ملاذ:وعمىىى يعمي عدوك وشش فيكك!!
سندس:فارررر
صفاء بخوف:وينهه؟
انكتمت ملاذ من الضحك وهي تشوف حالتهم واردفت:والله لو شفته لا اطير عقولكم المهفهفه
صفاء ناظرتها بطرف عين
بعد ما صلو وخلصو
صفاء :أقول وش رايكم نرجع السياره حتى ييخلصون؟
فزو على صوت الباب وهو يدق
سندس بخوف:أقول شكلنا بنموت
سعود بضحك:ما بتموتينن ولا شي يلا إذا خلصتو احنا بسياره
ملاذ وهي بتموت من الضحك وطلعت وسعود قدامها وناظرته ورجعت تضحك
سند:اللهم ثباات العقل يلا ورانا طريقق
ركبو واردف سعود:شرايكم نلعب لعبه الالغاز والي تحلها لها ٥٠٠؟
البنات بصوت واحد:يللاا
ناظره سند:وأنا!!!
سعود:يهو والله لا اطفر بس معاهم معاهم
ملاذ:اجل يلا
سعود:شي إذا سويته حرام واذا خليته حرام
تنهدت سندس بضحكه:أنا اعرفف
سعود: وش!!
سندس: معدتيي إذا خليتها خاليه حرام إذا أكلت حرام على وزني
ملاذ وهي تضحك:تكفينن سندس الناس كلها مشتحطه تبي٥٠٠وانتي تفكرين بمعدتك؟
تنحنحت ملاذ واردفت:صلاة السكران
سعود:خلاص فلستت
سند وهو يضحك:بنت ابوها هاذي لا تتحداها
سعود:وينهي صفاء مالها حس
سندس:نايمهه بسابع نومه
تنهدت ملاذ ورجعت لحالتها وهي تفكر اخخ يا غيث خذيت قلبي من اقصاه لين أدناه ولا ادري وش نهايه هالحب
عند شامخ
كان يتكلم معا سائق الباص بالانجليزي "الحوار بيكون عربي"
شامخ:اريد الذهاب الى فندق"""""بالقرب من شارع بوند
سائق الباص:من حسن حظك انها وجهتي الاولى تفضل
دخل شامخ وهو يتصل لعدنان وما يرد
سكر وهو يتمتم:والله يا شامخ تطورنا لمندن وانجليزي وحركات بركات
بيت ابو غيث
قعدت ام غيث بصاله وهي ضايقه :البيت خلى يابو غيث وهم لوحدهم وش بيسوون؟
ابو غيث:استهدي بالله هم بقريتهم وببيتهم مو بمكان غريب بعدين كلها اسبوع ويرجعون
طلع غيث من غرفته وهو يدق غرفه اصايل
اصايل: ادخل
دخل غيث وهو ملانن:عندك شي نسويه ملانن
اصايل:استعد لاسبوع كامل من الممل لأنه ما عندي شي نسويه
غيث:يا لطيف الطف بغيث
تكتفت اصايل وهي تناظره:وراك بلا ما تجيني من عبث
تربع غيث بوسط السرير وهو متردد يسالها:يعني وش رايك بملاذ؟
تربعت اصايل وهي تناظره بذهول: يعني؟
غيث الي تورط:خلاص ولا شي
اصايل:اقعد اقعد وش فيها؟
غيث:بفتح الموضوع مع ابوي وامي انه نروح نخطبها وقلت اسالك اول
ابتسمت اصايل بفرح:صدقق؟
غيث الي بينفجر وهو منحرج:لا كذب وش رايك
اصايل: خلاص طيب وش بتقول لامي واصلن ليش ملاذ بذات
غيث:بتساعديني ولا كيف يقولك رب صدفة خير من ألف ميعاد
اصايل بتعجب:وش اساعدك فيه!!
غيث:بقول لامي تخطب لي من بنات عمي حامد رحمه الله عليه وعاد انتي دبري السالفه
اصايل:ملاذ احسن منك ما تستاهلكك صراحه
غيث الي انهبل: بتساعديني ولا وشش؟
اصايل:طيب طيب متى بتقولها
غيث: اليومم
اصايل:وراك طاير
طلع غيث وهو منعل من اسالتها:حسبي الله بس
عند عيال ابو سند
نزل سند وهو يناظر البيت وتنهد بضيق
نزلو البنات ونزل سعود ودخل سند وراهم وهم ضايقه فيهم الأرض توجهة ملاذ لغرفه ابوها وهي تبكي ودخلو البنات غرفتهم وهم منهارين لف سعود على سند وهو يناظر غرفه ابوه
سعود:سند
ابتسم له سند وهو يناظره:لبيه
سعود وهو يقعد جنبه:لا تفكر اني ما المح الحزن بعيونك
تنهد سند واردف:ياسعود راح الي نوده ونغليه
واخذ معه حلو الونس و الحبابه
الله يسقي كل درب مشى فيه
والله يصبر كل غالي قد بكاله
البيت من عقبه سكت كل مافيه
ناسه وجدرانه وسوره وبابه
والبيت ما يحييه ياكود غاليه
عقب الحياة اصبح بعيني خرابه
شد سعود على كتف سند وقال:تحمل ياسند ادري ان الصبر طال وان الدنيا زودت علينا بلاويها
لكن دام العبد على جزا صبره ينال  اصبر ياسند ونشوف ويش تاليها
اما تزين ويغدي حظنا عالي العال ولا العوض في جنه وعدنا الله فيها
ابتسم له سند وقام سعود يدور ملاذ
ملاذ كانت قاعده بغرفه ابوها وهي حاضنه شماغه وتبكي بقهر وتلوم نفسها:لو اني ما طلعت يبه ما فقدتك
تنهدت وهي تناظر صورته واردفت:كنت اتدلل بالغلى واحتمي فيه كنت مسندي يوم الليالي جفتني يالهفه خاطري لضمه يديك مرحوم يالي ضمتك فارقتني
دخل سعود على كلامها وهو يناظر حالتها: ياليت لو اقدر اشيل حزنكم بضلوعي يا ملاذ
ناظرته ملاذ وهي تمسح دموعها وابتسمت له وقامت:الله لا يحرمنا منكم
ابتسم لها سعود وهو يسحبها تمشي معاه:يلا الحين سوي لنا شاهي يمخمخخ المخ وتعالي وانا بروح اشوف صفاء وسندس
دخل سعود وهو يناظرهم وتكتف:معقوله كلكم نمتوو؟
مسحت صفاء دموعها وتربعت وسط السرير وضحكت:صاحينن
قعدت سندس وهي تبكي وتناظر سعود
تنهد بقلة حيله وهو يقعد جنبها:سود الليالي هينه لا تحاتين إذا على سود الليالي عوافي يخوفك درب الشقى لا تخافين لا صرت انا ماني موجود خافي على هواك وسوي اللي تسوين أنا بوجه الضيم وانتي خلافي
ابتسمت له سندس وهي تحضنه
ضحك سعود:ايي اضحكي والحزن خليه بعدين
سندس: يعني الحين ممنوع وبعدين عادي ماشاء الله عليك تعرف تواسيي
صفاء:أقول احمدي ربك وقومي
سعود: يلا يلا قدامي ملاذ قاعده تسوي لنا شاهي وسند لوحده متربع بالحوش
طلعو كلهم عند سند وملاذ خلصت وهي تغسل الاكواس نشفت يدها وقبل تطلع سمعت جوالها يرن رجعت تاخذه اصايل متصله!غريبه
ردت عليها
اصايل:سلامم
ابتسمت ملاذ:وعليكم السلام كيفك؟
اصايل:الحمدلله الا أقول يمكن يومين بالكثير واحنا عندكم
فرحت ملاذ وبنفس الوقت انصدمت وضحكت واردفت:احلفيي؟
اصايل وهي تضحك:والله
ملاذ:طيب ليش يعني صاير شي
اصايل:لالا مو صاير الا كل خير
سكرت اصايل وهي تناظر غيث
اصايل:ها ارتحتت؟
غيث والابتسامه شاقه وجهه:ايي فز وهو يحضنها وضحكت اصايل:يعني ملاذ لاعبه فيك لهدرجه؟
غيث وهو يضحك:هص بس ولا كلمه بروح أكلم امي وابوي
اصايل وهي تضحك:انتظرر بنزل معاك اشوف تعابير وجهك
غيث وهو يناظرها بطرف عين:اقول لا يكثر بس
نزل غيث بسرعة البرق وهو يدخل الصاله
ابو غيث:حياكك من بعد ما مشو ما تنشاف
غيث:افاا يبه هذا قولك؟
قعد وهو متوتر
ام غيث:تكلم وش فيك
غيث وهو يفكر بالموضوع ومن كثر توتره قام يضحك
ضحك معاه ابو غيث وهو يدري وراه شي على توتره هذا
ناظرتهم ام غيث:اللهم ارزقنا ثبات العقل
دخلت اصايل:سلام
كلهم: وعليكم السلام
قعدت وهي تناظر غيث ورحمته من توتره
اصايل:الا أقول يمه وش رايك ببنات ابو سند؟
ام غيث:ماشاء الله عليهم بس ليش؟
اصايل:أقول يعني غيث قال ناوي يخطب وما شفت احسن منهم له
ابو غيث:هاذيي الساعه المباركه بس عسى ما يجلط بنت الناس
ضحكو كلهم واردفت ام غيث:من تبي منهم
ناظرها غيث وهو وده ينطق ملاذ بس استحى ووقف وهو طالع:الي تشوفينها يمه
اصايل توترت من توتره واردفت:يمه أنا اشوف ملاذ مناسبه له
ابو غيث:صادقه يا أم غيث خير الامور اوسطها
كان بتضحك اصايل على ربط المواضيع عند ابوها بس مسكت نفسها
ام غيث:أجل على البركه
اصايل:متى تبونا نروح ؟
ابو غيث:هالاسبوع مناسب
ام غيث:لاا وشولهه العجله
ابو غيث:بنشوف راي البنت اول واحسن برضو لأنهم ببيتهم
تنهدت ام غيث:الي تشوفه يابو غيث
طلعت اصايل تبشر غيث وطار من الفرحه: الحمدلله يعني بتصير من نصيبي
اصايل وهي فرحانه:لا تنهبل عليناا اعقلل
طلع سند وهو يناظر زرِة"مهره سعود":اوهه بطنك كبر لازم نرجعك المزرعه التفت على نيم وضحك له:يعني انت طالع أمس عشان المطر ولا عشان ملاذ؟واضح علتنا وحده يا نيم