السلام عليكم
...................
#بقلم _الكاتبة _ناز
نرجس... رجعنة للبيت اني كبل طبيت صعدت فوك لان كلش تعبانة حضرتلي ملابس اخذتهن طبيت سبحـــت
كملت طلعـت لكيت ســمر هم محضــرة ملابســهة حتة تسبح كتلهة قبل لتفوتين بس مشطيلي شعري لان مالي واهس حيل كالت تمام
مشطتلي كملت كام فات للحمام واني انتضرت شعري ينشف رفعتة كعكــــة ونزلت جوة لكــيت ماما تحضر بلعشة كتلهة ماما اساعدج
ماما ... لا بنيتي ماعندي شي خلصت بس شوية انوب حضري الزلاطة
نرجس ... ماشي
طبيت للصالة كعدت ع القنفة مالتنة واني اتذكر شلون جنة عايشين بيتنة بكــل هدوء وطمأنينة وبين دفــــو العائلــة يــعنــي مـاكــــو لا مشاكــل ولا قــال ولاقيـــل
نزلت سمر هم كعدت يمي وسئلت ع ماما وباب
سمر... وين ماما وبابا
نرجس ... بابا بلغرفة وماما دتسوي عشة
صاحتني ..ماما كمت ســـويت زلاطة ونقلنة الاكـــل ع طاولة وصحنة البابا وكعدنة ناكل وبدو يحجون بأمور المطعم ..اني مادخلت ولا شاركت بلحديث لان ماحب ادخل بأمور اكبر مني اكتفيت بلسكوت
كملنة غسلنة المواعين خدرت جاي فار وصبيت ورحت قدمتلهم وصعدت جبت مبايلـي لان عفتة بلغـرفة فوك صعدت جبتة ونزلت
كعدت يمهم كمت اكلب بلمبايل شوية وصلني اشعار ع تلكرام انو باجـــر استلام النتائج شفت الرسالة وكمزت
يعني شعور فرح او خـوف توتر كلهن انجمعن بهـل اثناء
ماما ... يمة اسم الله بنيتي شبيج كمزتي
نرجس ... باجـر استـلام النتائج
بابا ... ايي بوية وذاا جان تكسرتي ع هاي الكمزة
سمر ... عزة ولجج نرجس باجر النتائج
نرجس بضحكة ... ايي ادري ترا اني كلت
سمر ... اويي هية مال تحشيش كلبي صار بمعدتي من ورة الهبطة
ماما ... كولن يا الله انتن مو كلتن امجاوبات والاسئلة سهل بعـــد عليش الخوف اتـــوكلــن ع الله وانشــالله ناجحات
نرجس... انشالله الله كريم
سمر ... امين يـارب ننجــح ونخلــص والله حتة لـــو مجاوبين بس يبقة توتر والتفكير مال استلام النتائج ميروح
نرجس ... شسمة ساعة ب7 الدوام
بابا ... ايي بوية انتو اكعدو من وكت وكعدوني وياكم واني اوصلكم واجيبكم
نرجس ... تمام لعد
سمر ... الزي مال مدرسة لو عاادي ايي زي نلبس
نرجس ... اعتقد ايي زي لان هوة استلام نتائج مو دوام والتزام
سمر ... ايي خوش لان ملابس المدرسة ضامتهن ومادري وين مخليتهن
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
