السلام عليكم
..................
#بقلم _الكاتبة _ناز
فهد : بعد ما طلعت ورة محمد وانطيتة المقسوم رجعت للصالة جنت اكلب بلفيس دك علية احمد فتحت الخط حجيت وياا وكال تعال رايديك
بموضوع كتلة شنو كال تعال وانتة تفهم سديت
المبايل وطلعت البيت عمي سمير فتت يمهم القيت السلام وكعدت واني افر بسبحتي شوية وكلت خير شنو الموضوع الطالبيني بي انشالله خير
عمي سمير : ايي وليدي خير انشالله
فهد : ايي وشنو هوة
عمي سمير : وليدي تعرف صديقي ابو زين
فهد : ايي عمي اعرفة خوش رجال شبي
عمي سمير : والله يوليدي مرتة اجتي بمهر سمر وشافت وحدة من البنيات وعجبتهة وتريد اتمشي لبنهة وهوة هلوحيد لهلة
فهد : ايي عمي بيهة الخير بس منو البنية
عمي سمير : بنت عمك نرجس
فهد : كال هيج احس الدم بعد ميمشي بجسمي وجهيي كام يطلع نار من العصبية تخبلت فريت السبحة ولفيتهة علة ايدي وضغطتهة حيل
وحجيت بفحيح واني ضاغط علة اسنوني
لا وردلهم خبر كللهم ماعدنة بنية لزواج
عمي سمير : ليش اوليدي توكف بقسمتهة
فهد : عمي هاذة اخر كلام عندي
وجهة صار احمر من العصبية وكف علة حيلة وعاط
عمي سمر : ليش متخلي البنية اتشوف نصيبهة احجي
لازم عندك شي وياهة وهيج واكف بقسمتهة
وكف الحجي وعاط بصوت رج البيت
الحجي : بسكم جان استحيتو اني كاعد وماخليتولي احترام اتعيطون وتعاركون جدامي
عمي سمير : يابة انتة شفتة شلون واكف بقسمتهة
الحجي : كاافيي حسك ما اسمعنة
كمت واني احس اعيوني اطلع نار وكلت
فهد : جداام الكل والحاضر يبلغ الغايب نرجس الي ومتصير الغيري ومن باجر اعقد عليهة
كام عمي يشمر بحجية ويعيط
عمي سمير : ايي من البداية وكول انة جنت شاك حاط عينك على بنت عمك
فهد : ايي مابيهة شي بنت عمي واني اولة بيهة وازيدكم الشعر بيت نرجس مو بس اريدهة واحبهة هم
عمي سمير : يعني الافهمة منك جنت علة علاقة وياااهة موووو
فهد : ولككك عميي انتة ليش اتلوصصص بحجييككك هااايي بنت عمي وعرضيي شنو علة علاقة انتة تعرفف نفسككك اشتحجييي لووو لااا
الحجية : كااافييي حسكم ما اسمعنة واليحجي
فوك كلمتي اطرنة ذنين والعباس
الحجي : كااافييي لهناا وينسد الموضوع وانتة يفهد وجدام الكل نرجس بنت عمك ومن باجر تعقد عليهة واتصير امريتك جدام الله وخلك الله
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
