السلا عليكم
................
#بقلم _الكاتبة _ناز
سمر : كاعدة بلصالة يمهم واني صافنة عليهم
وعلى حجيهم ماشاركتهم بلحديث شوية وفات
عمو وجدو من باب الصالة سلمو وكعدو ضل جدو وجدة
يحجون وعمو يحجي وية عمة ميسون شوية
وطب محمد من باب المطبخ او وكف يم باب
الصالة سلم وباس جدة وصعد لغرفتة
الجد : سميرة جيبلي مي بوية
سمر : ادلل جدو الاشكر
ضحكو كلهم طلعت من الصالة فتت للمطبخ
وصار بوجهي فهد
سمر : يمة اسم الله
فهد : شبيج اشفتي جني
سمر : ايي اقصد لا بس جفلتني
فهد : يعني هسة اني جني مو سميرة
سمر : لا مو قصدي والله
فهد : لعد شنو قصدج
سمر : اكول فهد جدو ميت منل عطش وكال جيبيلي مي بسرعة وانتة هسة كاعد تستجوبني وكل ما اتاخر ديزيد عطشة بين متخلص استجوابك وياي اني لازم اوديلة مي بلتانكي
كلت هيج شو هاذة فحطت من الضحك واني ما صدكت اخذت مي وطلعت بسرعة
فهد : راحت واني رحت للصالة سلمت كعدت شوية وكمت صعدت الغرفتي فتت وسديت الباب اتمددت ع جرباية شوية ريحت جسمي وكمت فتحت الكنتور طلعتلي تراكسود فتت للحمام سبحت وطلعت نشفت شعري وكفت كدام المراية شسورت شعري ورشيت عطر واخذت المبايل خليتة بجيبي ونزلت
نرجس : صعدت لغرفتي رحت بوجهي للكنتور وابتسامتي شاكة حلكي فتحت الكنتور صفنت ضليت اكلب بلملابس اريد شي البسة ماكو رغم انو الكنتور متروس ضليت اكلب اخر شي لكيت دشداشة
لو زيتوني ماما مشتريتهة الي بس ضامتهة ما لابستهة قررت انو البسهة فتت للحمام سبحت وكملت وطلعت وكلساع عاثرة اول مرة البس دشداشة وما متعودة رحت وكفت كدام المراية
اباوع على نفسي كلش حلوة طالعة رحت نشفت
شعري ومشطة ولميتة لفيت الشال فتحت الجرار مال اكسسوارات طلعتلي اسوار لبستة ورشيت عطر ونزلت لكيت البنات بلمطبخ الي تسوي زلاطة والي تصب والي تحضر المواعين طبيت صفنن علية البنات
مها : اكول رقية منو هاي البنية ام الزيتوني
رقية : والله يا اختي جنهة هاي نرجس لو اني متوهمة
مها : بلة والله هاي نرجس
نرجس : ايي بنات اني نرجس ليش مستغربات
مها : لاا بس شنو هلتغير الصادم
نرجس : حبيت اصدمج وغيرت
مها : عاشت ايدج والله احلاا صدمة
ضحكنة فتت ساعدتهن اجة محمد فرش السفرة خلينة المواعين بلصينية اجة شالهة محمد ورتب المواعين بلسفرة بقة كم ماعون كمنة ننقل بيهن بادينة طلعت من باب المطبخ وشفت فهد توة نازل
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
