السلام عليكم
.................
#بقلم _الكاتبة _ناز
نرجـس : ترا انـي ردت اكوم اكفشهة بس كوة لزمت نفسي عنهة
سمـر : والله لو انـي جان كمـت سحلتـهة سحل
نـرجس : ايي انـي اسحلهة وانتف شعرهة هم بس
غير كلت عيب من عمو
سمر : ايي خطية والله عمو رجال فقير وع نياتة
بـس بنتة مو خوش ادمـي
نرجـس :خل تعيد هلحركات انوب وشوفي شسوي بيهة
ماما : ها يولن شو تبسبسن سمعنة وياجن
نرجـس :لا دنحجي ع هيج موقف صارلـي بلمدرسة
ماما : ايي احجي سمعينة
الكل جان كاعد ويحجي بس مــــن حجت ماما وكالــت سمعينة كلهم سكتو واتوجهت علية كل الانضار وبابا كال ايي بنيتي احجي
شاورت سمر كتلهة عزة بعينج شحجيلهم هسة يول
انتي احجي بدالــي لان راح اكــوم اجفص بلحجــي
سمر : والله حبيبتي اني اجفص اكثر منج خليني ساكتة احسلــي
ضليت صافنة بوجوهم مادري شحجي وشألف من موقف صارلي يربي هسة وكتة ضلو منتضريني
احجي
محمد : شبيج صافنة يولي خاف فقدتي الذاكرة
نرجس : لا بس داذكرك غير
محمد : شتذكريـن صارلنة ساعة صافنين بوجهج
وماذكرتي
نرجس : هوة ليشوف وجهك هم يذكرلة شي
سمـر : ها محمد الله بلخير
محمد : الخير يصيبج ام كفشة
سمر : هاي عليمن ولك
محمد : عليج قابل ع جديتي
الجدة : نجب ولك سكط اكـوم اكسر العكازة عليك
محمد : ايي جدة وشكلنة قابلة سبينة العنب الاسود
الجدة : يا انتة صدك يرادلك كتلة معدلة كوم لابارك الله بيك
محمد : مشكورة جدة متقصرين
سمر : متنة ضحك ع محمد خطية اكل رزالة معدلة
نرجـس : شفتهم يضحكون حاولت اسحب نفسي
واكوم من يمهم كمت وطلعت واخيراً رحت كعدت
بلمطبخ صافنة واسمع واحد يتنحنح وراية
- صديت وشفتة يضحك
محمد : اكولج نرجوس
نرجـس : شو صارت بيهة نرجوس لازم عندك مصلحة يمي
محمد : لا يبت عمي مامرجية منج
نرجـس : يي كول شعندك يول
محمد : ضحكت حلو هاي مال يول
نرجـس : يي والله ادري
محمد : اكول يولي شسمة تكدرين تكوين قميصي عندي طلعة وية اصدقائي ومها ورقية اذا اكوللهن يحركن القميص ميعرفن يكون
أنت تقرأ
احضان من جمر
Детектив / Триллерللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
