السلام عليكم
..................
#بقلم _الكاتبة _ناز
ودعتك السان وكلب مبري العشك
الذمة
مادام مو نفس الحلم كلمن يروح
الحلمة
ماشفت منك بس حزن
ينفتح شباج السجن، بس
مايفوت نسمة
انتَ الكتاب الحافضة
ولليوم ما مفتهمة
ماريد يبقى بخاطري، وماريد
احس بذنبك واتمنى اوصل
مرحلة لا اكرهك ولا احبك
فيروز : كاعدة انضف واعزل بغرفتي ومشغلة اغنية وادندن وياهة انفتح باب الغرفة وطبت نور تكمز وفرحانة كتلهة شبيج يولي اشو الابتسامة شاكة حلكج
نور : ايي طبعاً انتي متدرين بلتطورات الجديدة
فيروز : ليش شصار
نور : حددو
فيروز : نور لتشلعين كلبي شنو شحددو
نور : حددو موعد عرس غيث
كالت هيج حسيت كلماتهة مثل السجينة بكلبي
فيروز : اتجمعت الدموع بعيوني وخنكتني العبرة دنكت وكلت ايي بلخير علي ربي يهني ويسعدة انشالله طلعت نور كمت ورجلية صارن خيوط سديت الباب وقفلتة وكعدت بلكاع خليت ايدي على وجهي
وكمت ابجي وكل شهكة احسهة تكص كلبي كص احجي وية روحي اخخخ كلة منك يكلبي ليش حبيتة ليش اليحب من صدك ينعاف وينخذل ليش سويت هيج شلون هنت عليك
" لتفكر نسيتك من يمر افراك ..
تره ساعة غيابك تنحسب عشره
ولتفكر بعيد وماحن عليك؟
عمت عين اليخون الزاد والعشره!!
أظل اشتاكلك مثل الكمر لليل
يانجمة "
نرجس : كاعدة اني والبنات وحدة صافنة بوجه
الخ ضوجة
رقية : الله يزوجني بواحد كل ما اكولة ضوجة يكولي كومي لبسي عباتج ولحكيني يبعد عمريي جعل محد يلحكك غيري كولن امين
الكل : امين
سمر : هف شهل ملل
نرجس : بنات عندي فكرة توخر الضوجة والملل
سمر : ايي واخيراً كولي شنو هية
نرجس : نكوم انضف البيت
سمر : صفنت بوجهة وكتلهة تحجين صدك
نرجس : ايي احجي صدك اويي يلاا كومن بنات كافي خل انعيد نشاطنة
كامن وطلعنة من الغرفة الولد كلهم طالعين بس
جدة وماما وعمة ميسون بلبيت كاعدات بلصالة طلعنة للكراج جبت الصوندة من الحديقة وكلت السمر جيبي الزاهي ورقية ومها كل وحدة لازمتلهة ماسحة رشيت الكراج وسمر دارت الزاهي ورقية ومها يمسحن
راحت رقية يم باب المطبخ وكفت وكالت وخرن بنات وخرنة واجتي تركض وبيدهة الماسحة قوة ركضتهة حيل وجان تزحلك ونكلبت ع ضهرهة
ذبيت الصوندة من ايدي وركضت عليهة
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
