السلام عليكم
..................
سمر : كمت ركضت ع صوت عياطهة وكفت يم
باب الحمام واحجي وياهة ولجج شكو شبيج
نرجس : اخخ يما
سمر : شبيج بس احجي
نرجس : ازحلكت واتكسرت
سمر : عزا يعني باجر متعرسين
نرجس : ولج اتكسرت وانتي ترديني اعرس
سمر : يلا حبيبتي اسبحي زين ومن تطلعين عود اسويلج مساج وتدليك للجسم وصيرين زينة
نرجس : سبحت وكملت واني رجلي كوة امشي عليهة لان الوكعة صارت عليهة طلعت وشافتني سمر اجتي علية لزمتني ومشتني وكعدتني ع جرباية
وكالت وين وكعتي اشرتلهة على رجلي كالت انتضري اصيح ماما كتلهة ماشي راحت واني صليت لازمتهة اجتي هية وماما ضلت ماما تحجي شلون
وكعتي وهاي كتلهة عاد جابت زيت الزيتون وضلت تفرك بيهة لحد ما صارت زينة وكدرت امشي عليهة
سمر : نزلت حتة اصيح الماما فتت لغرفتهة ماكو رحت دورتلهة بصالة هم ناكو عاد فتت للمطبخ لكيتهة كاعدة وحدهة وحاطة ايدهة ع خدهة
كتلهة ها ماما شو هنا
ماما : ماجايني نوم
سمر : شرحتلهة كلشي واجتي وياي ضلت تفرك برجلهة لحد مصارت زينة عاد عفتهن واخذت ملابس
وفتت سبحت وطلعت لكيت ماما نازلة ونرجس امددة بفراشهة ومغطية وجهة بلبطانية واني هم نشفت ومشطت شعري ولفيت راسي ونمت
................
نرجس : كعدنة الصبح ع صوت الباب يندك ضليت امددة طلعت راسي من جوة البطانية باوعت شفتهة عمة سماح كالت يلاا كومي وين اكو عروس تنام لهيج وقت جاوبتهة بأبتسامة
ليش الي تزوج ميصير تنام لو شنو؟؟
ـ غمز وحجت
لاا يابة حقج لازم تنامين وتشبعين نوم لان فهد
مراح ايخليج اتنامين اليوم يلعب جولة
ـ خجلت وغطيت راسي وكالت
يلا كافي دلعع الج خمس دقايق الكاج كدامي
ـ تمام جاية
كمت غسلت وتوضيت صليت ونزلت البيت مخبوص ناس رايحة وناس جاية كلمن حايرلة بشغلة
فتت للمطبخ حميت الجاي وصبيت سويتلي لفة اكلتهة وشربت الجاي كملت رحت فتت للصالة كعدت يم جدة شوية وطلعت افرفر واباوع عليهم شلون يشتغلون ومخبوصين ورقية ومها كلساع وعاطن لو ع لبس لو غرض ضايعع
شوية ونزلت سمر رايحة عيونهة مورمة
ـ صباحح النور
رديت : صباح النور
ـ هاي شكو مداهمات لو شنو؟
ـ لا عيني مو مداهمات ليوم عرسي
ـ ايي وفرحانة مو؟
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
