السلام عليكم
..................
نرجس : فتحت الباب وفتت للغرفة ع كيف
خايفة اشرلي اكعد بصفة وكتلة عمو و كالو
تريدني بموضوع
عمو ماهر : ايي عمي
نرجس : ايي عمو امرني
عمو : بنيتي شوفي اتني عرفتي بسالفة وبكل الي صار اليوم بيت عمج سمير
نرجس : اشرتلة براسي بمعنى ايي
عمو ماهر : بنيتي اني ما اجبرج ع شي واللي تردي انتي يصير
نرجس : ضليت ساكتة منزلة راسي وشابكة اصابعي واعصر بيهن
عمو ماهر : بوية اريد اعرف موافقة لو لاا واذا متردين ومموافقة احجيي وية فهد وانهي كلشي هسة
نرجس : من كال انهي كلشي حسيت بكلبي يريد يطلع من مكانة ورفعت راسي وكتلة عمو التشوفة انسب سويي ابتسم وخلة ايدة ع كتفي وكال
عمو ماهر : يعني موافقة
نرجس : ابتسمت ونزلت راسي متت من الخجل وعمة ميسون كاعدة مقابيلي وعيونهة دمعت من كال عمو يعني موافقة كامت وكامت تهلهل
عمة ميسون : كللللووووش
عمو ماهر : اسكتي ولجج شهرتينة
عمة ميسون : شلون ما اشهرك وابني الشيخ راح يزوج
نرجس : اجت عمة ميسون حضنتني وباستني وكمت طلعت برة شفت البنات كلهن واكفات يم الباب وماما هم وياهن انضمت للشلة مشيت ويمشن وراية يردن يعرفن ليش هلهلت عمة صعدت للغرفة طبن وراية وماما ضلت جوة
سمر : نرجس ليش هلهلت عمة شصاير
مها : شنو شصاير اكيد بابا صاحلهة حتة ياخذ رائيهة موافقة باخوية الشيخ الصاك لو لا
نرجس : وهااي الفهيمة كالتلك شصار
رقية : ياي والله فرحانة يولن
سمر : عسى دوم الفرحة ويوم الالج انشالله
مها : اكول سمسم تراا نرجس الوافقت مو انتي
سمر : ايي مو ادري بنرجس فاهية فكلت الحجي بدال نرجس
نرجس : نجبي اني مو فاهية
مها : ايي كلش واضح
نرجس : عوفوني اريد انام
سمر : ايي والله صدك بنات عوفونة انريد انام
رقية : ليش يابة انتي رجلهة مثلاً لو شنو
سمر : لا اختهة بس انريد انام وانتن لزكتن
مها : نجبي هيي تراا اجيي اكفشج
رقية : ايي والله واصلاً انتي مكانج مو هناا مكانج يم حبيبي الكلب حميد
سمر : يعني تطردوني موو
رقية : ايي وياريت تكولين لحميد يستعجل بلعرس لان دسببيلنة ازعاج
أنت تقرأ
احضان من جمر
Mystère / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
