{{ بـسـم اللَّه الـرحـمـن الـرحـيـم }}
الـكـاتـبـة: نـاز الــدليم.
لتنسون التصويت والتعليق بين الفقرات + متابعة للحساب.
من اتصل تليفونة طلع برة يحجي اول مرة
ميحجي شي كدامنة ماهتمينا صعدنة نمنة
الة واجتي ماما وكالت الخبر فززتني من نومي
رنا: نرجس شوو ماما اكعدي اكعدي يكول
جثة هامدة
ـ رديت عليها واني منعسه كوه احجي
نرجس : ها ماما شكو مكعدتنة من وكت
امتحانات وخلصنة خل. نشبع نوم
رنا : ولجج غير اسمعيني بلاول
عدلت كعدتي وحجيت
نرجس : هاا شصاير ؟
رنا : اليوم الصبح عمج ماهرر خابر ع ابوج
نرجس : ياعم هاذه ؟
رنا : عمج اخو ابوج يلثولة
نرجس : ايي وشعندة خابر؟
رنا : يكول جدج عازمنة علساس ويريد
يرجع الصلح بينة وين ابوج
ـ كلامها صدمني
نرجس : شنو شنوو مافهمت يعني هاهية
راح يتراضون هوة وبابا ؟
رنا : ايي انشالله
نرجس : وشوكت معزومين
رنا : باجر ابوج يكول
نرجس : شنو باجر يوم وين نلحك منا الباجر كلشي مامحضرين ومامشترين ملابس شلون نروح
رنا : هسة كومي بلاول بعدهي الساعة ب 10 الصبح شعدنة قابل حضري وكملي شغلج هسة والعصرر نروح للمول واشتري اليعجبج انتي وسمر وفضيهة
نرجس : اذا بيهة مول تمام
ـ طلعت ماما ضليت صافنة وافكر شراح يصير بااجر معقولة جدو وباب حيتراضون يلا معقوله راح يفض النزاع البينهم زين شلون راح نتواجه من بعد هلسنين محد شايف ولا يعرف الثاني شنو حتكون رده فعلهم ؟ اووه انشالله يتراضون ونخلص خطية بابا يضل يفكر بيهم ويشتاكلهم خوف وارتباك وتوتر ماعرف شنو جان شعوري بس كل الافكر بي شلون راح يكون القاء الاول
ـ قاطعه تفكيري صوت مام
ماما : نرجس بسلاا رجعتي نمتي
نرجس : لاا ماما كاعدة
ـ كمت عسلت وتوضيت ورحت صليت ونزلت جوة لكيت ماما مكملة تنضيف البيت هوة بيتنة يضل
نضيف بس ماما بيهة واهس وهم تكعد من وكت فتلهي نفسهة
فتت للمطبخ حميت الجاي بابا جايب صمون سويتلي لفة مال جبني وصبيتلي كلاص جاي وكعدت ع ميز الطعاام اكل
كملت وصعدت الغرفتنة اني وسمر يعني غرفة مشتركة وكل وحدة الهة جرباية ام النفر فتت لكيتهة غاطة بسابع نومة رحت اركض كمز عجرباية ما حجيلكم ع جفله خطية الة شوية يصير بيهة سكر وابتلي
سمر : هية كمزة هية عيطة يمة شكو منو
نرجس : وجج كومي الدنيا محتركة وانتي نايمة ومتدرين شكو ماكو
سمر : بربج نرجس هية هاي سواية انتي شوكت تكبرين ويصير براسج عقل
نرجس : خليت العقل الج يلا مدام متردين تعرفين وين راح نروح باجر ارجعي ناامي
سمر : شنووو ياروحة وين ؟
نرجس : عمو ماهر خابر ع بابا اليوم وكلة علساس جدو يكول يريد يتراضوو
سمر : اكلج سمر ترا مالي خلك واغفي فبطلي
جذب احسلج وهسة كومي منا لا ابتلي بيج
نرجس : ولج والله والله شبيج داحجي صدك
سمر : يعني معقولة حيتراضون
نرجس : ايي والله وشسمة
سمر : هوة شنو شسمة غير تكول
نرجس : يلا يلا ماكول
سمر : استغفرر الله انتي اليوم ناوية تنكتلين مو
نرجس : شسمة حنروح العصر للمول نشتري ملابس وغراض ونكمل النقص لانو باجر حنروح البيت جدو وهسة يلاا كومي صلي وتريكي وشوفي شنو عندج وشمحتاجة من نقص
" سمر "
اصغر وحدة عمري صف رابع ادبي شكلي حلوو شوية ماخذة شبه البابة طولي متوسط وضعيفة يعني نص ونص بشرتي حنطاوية يعني عكس نرجس حيل بيضة وعيوني مو حيل اكبار بس ارموشي ثخاان شفايفي متروسة وخشمي صغيرر عكس اختي اويلي شايلة عناد وميبسة راسهة الة اتمشي كلمتهة
ادرس حاطه بالي لمحاماة وارفع راس اهلي جنت اكدر ادخل علمي بس احب المحامات فطريت ادخل ادبي دائماً اني واختي نتعارك ع اتفه الاشياء نرجس صح جبيرة بس طفولية يعني تحب تلعب وية الاطفال تسوي مقالب تعيط ماعدهة حدود للحيااة بس اني عكسهة هادئة يعني اذا احد حاجاني اكتفي بلجواب وبس
ـ يتبــع
حساب الابطال ع الانستا
nar.js26
لتحكمون ع الروايا من البداية البارتات القادمة دمار
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
