بعد مرور عشره اعوام
في منزل عائلة شهين الكبير والذي تم اعادة بنائه من جديد.. كان الجميع يجلسون في الحديقه المتسعه وهم في غاية السعاده
شهين بصراخ مضحك: انت يلا.... خد تعالى هنا وسيب البوابه تعالي وانت غبي زي ابوك
تيم بغيظ: متقلش على بابا تميم غبي اهو انت اللي غبي... انت وبناتك الرخمين
شهد الصغيره ويشم (توأم أبناء شهين ووتين) : بابا
شهين بضحك: هضربه حاضر
تميم بمرح: ابقى اضربه كده... شكلك عاوز تاخد علقه من بتوع زمان
وداد بضحك: فعلا يا تميم
وتين بعبث: تعالى يا تيم لما اقلك كان مين بيضرب مين
تميم بسرعه وضحك: لاااا يختي بلاش.... ثم اكمل بهمس: انا مفهم الواد ان ابوه كان فاندام
هاديه ابنة نور وإسلام بطفوله: اسكتوا بقا عاوزه اسمع سندرلا
أتى اسلام وداغر ومعهم نور وزهره التي كانت تركض بسعاده فكانوا يصنعون الطعام معا في المطبخ
داغر بحب: براحه يا بنتي الدكتور قلك براحه علشان البيبي
زهره بحنق: بقلك اي انا فرحانه اوي اني رجعت امشي تاني دي تاني سنه ليا امشي وانت ماسكني براحه يا زهره امشي براحه سبني بقا
نور بحب: سيبها براحتها....
اسلام بإبتسامه: يلا يا جماعه الاكل جاهز
اللتم الجميع حول المائده الكبيره زهره وداغر... شهين ووتين.... تميم ووداد.... اسلام ونور... ومعهم كريمه ومحمد وقمر والأطفال الذين كان يأكلون الطعام بنهم شديد الا هذا الصوت.. فقد أتى الان ياسين وزينب وأبنائه الثلاثه
شهين: قوم يا تيم افتح الباب ليهم
تيم بضجر: اوووف... ناس رخمه وعيال رخمه
ضحك الجميع بشده على الطفل الذي يشبه اباه في كل شيء تقريبا وعندما فتح لهم ركض سريعا وهو ينظر لهم بغيظ
زينب بضحك: اي يا تيم مالك
ياسين بضحك: سيبيه سيبيه... هيطق
احمد ومحمد ونيره معا: باااارد
وفي النهايه يعيش الجميع بسعاده......
**********************************
كنتو طمعانين في حاجه أطول انا عارفه بس هي أرزاق بقا 😂😂😂
متابعه SohailaAshor22
