لماذا انا 💔

1

ليوم تخرجت اي ليوم سمعت تزغريدت امي و ريت فرحت بابا انا ليوم رضيت والديا و فرحت ناس لي دايرة بيا
انا سوار انا لي حطيت في قلبي و وصلت و فرحت عايلتي بيا ، ليوم تخرجت diplôme de Prestations de service
ناس داخلة خارجة تهني و انا قاعدة معا صحبتي ايات في لبيت
ايات:وين ناوية تخدم توا بعد مخذيت شهادة
انا:باش نمشي لبيرو الشغل ندفع اوراقي و اول شريكة تقبلني نمشي تباركله بابا موش مخلينا ناقصين شي هوكا نكمل نخدم نولي نصرف على روحي نحب نجمل و نخرج نسافر نحب نرا الدنيا شوي فماش منفسيتي تتحسن
ايات: صحا ليك يا وخيتي تعبت مل المحاكم من قضية لقضية و مشكلا اتعس من اختها عملت محامات و ندمت مصروف شوى و ميطيح بيا كان لمنتف و خوه هههه هوكا كي تخرج طيش لڥيزا لوخيتك 😂
انا:وراس اختي مننساكش اي قوم معادش بكري نقوم بكري راو ههه
ايات: تطريدة بضخامة هاذي هه
انا:كهو اي بنوي تو نكلمك نشربو حاجة
ايات:مشات معاك اي باي احلم بفارس لأحلام عاد 😆😆
في صباح قمت دوشت سيبت شعري لبست لبسا كلاس و برفنت و هبط صبحت علا عايلتي و قعدت فطرت كملت و قصدت ربي
هبط متاكسي و قعدت نتمشى حتى نوصل و في لحظة ريت لموت ...
هبط لتونس ليوم كنت في اطاليا قلولي لي شريكة التونسية خسرت اسهم و اسمها بدا يطيح في سوق ياخي تلزيت نمشي بيدي باش نحضر اجتماع و نحاول نربح اسهم يساعدو في رفع اسم الشريكة مرا اخرى
اول مهبط من المطار déjà retard بساعة خذيت كرهبتي مع رجالي و حرقت الكياس باش نوصل ياخي طلعت قدامي طفلة شديت فران بيني و بينها شبر شوي ولا قتلتها نفخت خرجتلها نلقاها تبكي غاضتني من هيأتها اما انا لي منعديش بساهل
انس:حل عمات عينيك لمرا جاية نعفسك و نتعدا
سوار:مصح رقعتك غالط و زيد تصيح من فوق
انس:منيش فاضي شغل لزغزغ لي كيفك كان مجيتش مزروب راني وريتك صحيح رقعة شيعمل
خليتها تصيح و تضرب في الكرهبا و زربت على الاجتماع اما ثنيا كاملة وجها متنحاش من مخي ضريفة مفيهاش حاجة spécial اما عينيها حاجا من ورا لعقل صحيح نرفوزي و موش مستانس بريق لبنات اما جذبتني مفهمتش كيفاه و انا منعرف كان صوتها  ...

حليت عنيا وانا موش مصدقة لي صار دمعتي هبطت من دمعا ولاو دموع نخزر لبدن خرجلي من كرهبة ظاهر واحد لباس عليه اما قداشو متكبر شنوا يستخايل روحو خسر عليا كلمتين و مشا و خلاني هايمة ، جمعت قوتي و كملت طريقي دفعت اوراقي و كلمت ايات حكيتلها لي صار لكل كملنا قهوتنا و مشينا حوسنا عملنا دوليشة في centre ville و بعد كل وحدا شدت ثنيتها لدارها دخلت طول لبيتي وانا نتفكر في ملامح وجهو ياسر beau gosse اما فسدتها طبيعتو الي كي زبلا لعزا هاذا كان نراه الا منبهذلو بحالو ، بدلت حوايجي و رقدت ..

  تعدات جمعتين كملت فيهم لخدمة ربحت الصفقة و زدت في الخدامين و خطيت سكريتار جديدة على بيرويا ليوم نراها و اول نهار ليها ، تعداو ساعتين و جا صاحبي و عشيري يطل عليا
ايوب:هكا 4 سنين تهرب علينا
انس:تعرف ملي توافا لواد خلالي شركات في ذمتي يزينا مل الهداري هذي ليك وحشا يا غول شنوا مزلت قاهر قلوب لبنات
ايوب:هههه و انت مزلط معب الثلج
انس:موش جوي ريق هاكا تعرفني
ايوب:يجيك نهار 😌
احنا نحكو و الباب دق اذنت و كي تحل كانت الصدمة ...