لماذا انا 💔

22

تعدو نهارين ملي سافرت و لحكاية محبش تتنحا من مخي معقول سوار حبلة و متعلمنيش باش نولي بو و مفيباليش حسيت لي فما حكاية اما متصورتهاش باش تفرحني هكا و الا باش تكون هكاك ، نجمتش نركز في خدمتي وليت على اعصابي و في نفس الوقت قلبي متحير موش مطمني ، فما حكاية باش تصير على هاكة لازمني نزرب و نروح فيسع

تعداو نهارين جات حذاية خالتي زينة و درة موش مخليتنا ناقصين شي ، حتى نهار احنا قاعدين نتنسمو في الجردة و خالتي زينة في الكوجينة تطيبلي في كايك شاهيتو برشا و انا نحكي مع درة حتى سمعنا حس كرهبة تلفتت هبطو منها زوز رجال ملثمين وليت نصيح خايفة خاصة بعد مريت درة جات باش تضربو اما هوا اقوى منها ضربها على راسها داخت ، جريت باش نهرب اما محسيت كان بحاجة على خشمي بعدها الدنيا ضلامت و سلمت امري لمصيري ....

حليت عينيا لقيت زينة تفيق فيا و تنادي باسم سوار ، راسي ثقيل مالضربة و بسيف منجمت نقوم
درة:ويني سوار
زينة:انا لي نسألك عليها وين مشات و شبيك مطيشة نلقاك طايحة على الارض
في لحضتها رجعلي شاهد لعقل و فقت لي سوار تخطفت
درة:خطفوها جاو زوز ملثمين وجوهم منجمتش نراهم ضربوني و هزوها اكيد تخطفت يا ربي اش بش نعمل انس لازم نقلو
زينة:يا ناري على بنتي ديمة وراها لمشاكل فيسع قوم كلمو و امشو لوجو عليها ، ليلة تجيبولي بنتييييي لكلو منكم
درة:موش وقت لوم توا لازم نعرفو شكون لي هزها
طلعت نجري جبت تاليفوني و كلمت انس مرة و ثنين و ثلاثة و مهزش وليت كلمت راجلي
مكرم:فيسع متوحشتني دودو
درة:موش وقت رومنسيتك لماسطة وينو انس سوار تخطفت و معرفتش شكون لي هزها جاونا لدار و هجمو علينا
مكرم:شنوا وقتاه هذا
درة:مكرم موش وقت أسألتك تحرك قول لأنس و روحو توا طفلة حبلة راو ينجمو يضروها
مكرم:ياخي شبيني اخر من يعلم ، باهي احسبنا في الطريق هنا جايين ....

شديت اول طيارة لايطاليا ملي خبرني مكرم بالحكاية نار شعلت فيا باش نحرق لي يجي قدامي اخضر و يابس و ماني باش نرحم حد ، في مخي حد شاك فيه اما يا ويلو كان يطلع هوا الا ما نقتلو و نشرب من دمو ، اه يا ايمن كان تطلع مولا لعملة الا ما نصفرلك بروحك ، محسيتش بالوقت و انا نغلي بكلي على اعصابي خايف كان تتمس شعرة منها و الا bébé تصيرلو حاجة دنيا نقلبها ، هبطت نجري هزيت كرهبة و ورايا رجالي و طلعت طول لدار ايمن و عينيا حمر مالغش
انس:ايمن يا ط**** هاذي عملة متاع رجال حل ام لباب و الا نخلع ز****
ايمن:هاوووو يا معلم في كوري احترم موش سكتلك تخرا فيه
قدمت شديتو من خناقو ،
انس:ويني سوار شعملتلها
ايمن:فاش تحكي ياخي هبلت والا شبيك بلكشي مخبيها في جيبي
انس:ر**** تتمنيك ويني صباح جاي للدار خطفتها و توا عامل فيها متعرف شي ترهدين هذا موش معايا حل ز*** ويني سوار
ايمن:هههه كان خطفتها متلقانيش لهنا و زيد راني بعثتلك تنبيه صحيح جا وقت كنت باش نضرها اما موش توصل بيا نخطفها منيش مهبول فيق علا وضعك
انس:ملا شكون راني باش نهبل
ايمن:شكون عندك معاه بونطو تلقاه واحد يراقب فيك و الا يعرفها من قبل طفلة جرتك مخطوفة و انت تضيع في الوقت
انس:لازم نتفرج في التسجيلات متع كاميرا لي في دار
ايمن:فاش تستنا هاني جاي معاك مستحيل نخليها بيها
انس:مالمستحسن تخرجها من مخك 😠
خرجنا نتسابقو حتى وصلنا للدار حطينا تسجيل و قعدنا نتفرجو فلي صار لكل واحد منهم معرفتوش اما لاخر عقلتو كيفاه منعقلوش كلب ولد كلب حسابك معايا غدرتني و هيا هيا خطفتها، هوا ومتأكد منو اما تو نلقاك و منيش باش نرحمك يا ط****....👿👿🔥